ആധുനികതയിൽ തീർത്ത പഴമ — ട്രയംഫ് ത്രക്സ്റ്റണ്‍ ആര്‍ റിവ്യു

ഈ അടുത്ത കാലത്ത് ട്രയംഫ് നിരയില്‍ നിന്നും ഏറ്റവുമധികം ശ്രദ്ധ നേടിയ അവതാരമാണ് ട്രയംഫ് ത്രക്സ്റ്റണ്‍ ആര്‍. കഫെ റേസറുകള്‍ക്ക് ഇടയിലെ കിരീടമില്ലാത്ത രാജാവായാണ് ട്രയംഫ് ത്രക്സ്റ്റണ്‍ ആര്‍ അറിയപ്പെടുന്നത്. എന്നാല്‍ പേരിനൊത്ത പെരുമ, ട്രയംഫ് ത്രക്സ്റ്റണ്‍ ആര്‍ കാഴ്ചവെക്കുന്നുണ്ടോ? കണ്ടെത്താം-

ആദ്യം തന്നെ എന്താണ് കഫെ റേസര്‍? 1950-60 കളില്‍ ആരംഭിക്കുന്നതാണ് കഫെ റേസറിന്റെ ചരിത്രം. ഒരു കഫെയില്‍ നിന്നും മറ്റൊരു കഫെയിലേക്ക് റൈഡര്‍മാര്‍ നടത്തിയ മത്സരമാണ് കഫെ റേസര്‍ എന്ന പദത്തിന് രൂപം കൊടുത്തത്. കഫെ റേസുകള്‍ക്കായി കസ്റ്റം-ബില്‍ട്ട് സ്ട്രിപ്പ്ഡ്-ഡൗണ്‍ ബൈക്കുകളാണ് റൈഡര്‍മാര്‍ ഉപയോഗിച്ചതും.

Recommended Video

2017 DSK Benelli 302 R Launched In India | In Malayalam - DriveSpark മലയാളം

ഇനി ത്രക്‌സ്റ്റണ്‍ ആറിലേക്ക് കടക്കാം. 2016 ഇന്ത്യ ബൈക്ക് വീക്കില്‍ വെച്ചാണ് ത്രക്‌സ്റ്റണ്‍ ആറിനെ ട്രയംഫ് ഇന്ത്യയില്‍ കാഴ്ചവെച്ചത്. ആധുനികതയില്‍ ഒരുക്കിയ പഴമ, അതാണ് ട്രയംഫ് ത്രക്സ്റ്റണ്‍ ആര്‍.

ട്രാക്ക് റേസര്‍ ഇന്‍സ്പിരേഷന്‍ കിറ്റോട് കൂടിയ ത്രക്‌സ്റ്റണ്‍ ആര്‍, കാഴ്ചയില്‍ ആരുടെയും കണ്ണില്‍ ഉടക്കും. റിട്രോ സ്‌റ്റൈലിംഗ് തത്വം പാലിച്ചെത്തുന്ന ത്രക്സ്റ്റണ്‍ ആറില്‍, ലാളിത്യമാണ് മുഖമുദ്ര.

ബബിള്‍ ഫെയറിംഗ്, ലോവേര്‍ഡ് ക്ലിപ്-ഓണ്‍ ഹാന്‍ഡില്‍ബാറുകള്‍, വാന്‍സ് ആന്‍ഡ് ഹൈന്‍സ് എക്‌സ്‌ഹോസ്റ്റ് എന്‍ഡ് കാന്‍സ്, ഷോര്‍ട്ട്ന്‍ഡ് ടെയില്‍ ഫീച്ചറുകളാണ് ത്രക്സ്റ്റണ്‍ ആറിന് ലഭിച്ച ട്രാക്ക് റേസര്‍ ഇന്‍സ്പിരേഷന്‍ കിറ്റിന്റെ സവിശേഷത.

ബബിള്‍ ഫെയറിംഗിനുള്ളില്‍ ഇടംപിടിച്ച റെട്രോ സ്‌റ്റൈല്‍ഡ് റൗണ്ട് ഹെഡ്‌ലൈറ്റുകളാണ് ഫ്രണ്ട് എന്‍ഡിലെ പ്രധാന ഹൈലൈറ്റ്. എല്‍ഇഡി ഡെയ്‌ടൈം റണ്ണിംഗ് ലൈറ്റുകളും, ടെയില്‍ ലാമ്പുകളും, ഇന്‍ഡിക്കേറ്ററുകളും ത്രക്സ്റ്റണ്‍ ആറിന് ആധുനിക പരിവേഷം നല്‍കുന്നു.

വലിയ അനലോഗ് സ്പീഡോമീറ്റര്‍, ടാക്കോമീറ്റര്‍, ചെറിയ ഡിജിറ്റല്‍ സ്‌ക്രീന്‍ ഉള്‍പ്പെടുന്നതാണ് ഡ്യൂവല്‍ ഇന്‍സ്ട്രമന്റ് ക്ലസ്റ്റര്‍. ഗിയര്‍-പൊസിഷന്‍ ഇന്‍ഡിക്കേറ്റര്‍, ട്രിപ് മീറ്റര്‍, ഫ്യൂവല്‍ മീറ്റര്‍, റിയല്‍ ടൈം എഫിഷ്യന്‍സി, റേഞ്ച്, പവര്‍ മോഡുകള്‍ എന്നിവ വെളിപ്പെടുത്തുന്നതാണ് ഡിജിറ്റല്‍ സ്‌ക്രീന്‍.

ത്രക്സ്റ്റണ്‍ ആറിന്റെ നീളമേറിയ ടാങ്കിന് ലെതര്‍ സ്‌ട്രൈപാണ് ട്രയംഫ് നല്‍കുന്നത്. ബോണവില്‍ T120 യിലും, ബോബറിലും ഇടംപിടിച്ച 1200 സിസി എഞ്ചിന്‍ തന്നെയാണ് ത്രക്സ്റ്റണ്‍ ആറിനും ലഭിച്ചിരിക്കുന്നത്.

കൂടുതല്‍ കരുത്ത് ഉത്പാദിപ്പിക്കുന്നതിനായി പ്രത്യേകം ട്യണ്‍ ചെയ്തതാണ് ത്രക്സ്റ്റണ്‍ ആറിലെ പാരലല്‍-ട്വിന്‍ എഞ്ചിന്‍. 6750 rpm ല്‍ 96 bhp കരുത്തും 4950 rpm ല്‍ 112 Nm torque ഉം ഏകുന്ന ഹൈപവര്‍ എഞ്ചിനില്‍ 6 സ്പീഡ് ഗിയര്‍ബോക്‌സാണ് ഒരുങ്ങുന്നത്.

വാന്‍സ് ആന്‍ഡ് ഹൈന്‍സ് എക്‌സ്‌ഹോസ്റ്റിന്റെ ഘനഗാംഭീര്യതയാണ് ത്രക്‌സ്റ്റണ്‍ ആറിലെ മറ്റൊരു സവിശേഷത. റൈഡ്-ബൈ-വയര്‍, മൂന്ന് റൈഡിംഗ് മോഡുകള്‍, സ്വിച്ചബിള്‍ ട്രാക്ഷന്‍ കണ്‍ട്രോള്‍, എബിഎസ് ടെക്‌നോളജികള്‍ ത്രക്‌സ്റ്റണ്‍ ആറില്‍ ഒരുങ്ങുന്നു.

റോഡ്, റെയിന്‍, സ്‌പോര്‍ട് മോഡുകളാണ് ത്രക്‌സ്റ്റണ്‍ ആറില്‍ ലഭ്യമാകുന്നത്.

ട്രാഫിക് സാഹചര്യങ്ങള്‍ക്ക് അനുയോജ്യമായ ടോര്‍ഖ് അസിസ്റ്റഡ് ക്ലച്ച്, ത്രക്‌സ്റ്റണ്‍ ആറിനെ സിറ്റി റൈഡുകള്‍ക്ക് ഉത്തമമാക്കുന്നു. മണിക്കൂറില്‍ 100 കിലോമീറ്റര്‍ വേഗത കൈവരിക്കാന്‍ ത്രക്‌സ്റ്റണ്‍ ആറിന് വേണ്ടത് കേവലം 4 സെക്കന്‍ഡാണ്. മണിക്കൂറില്‍ 200 കിലോമീറ്റര്‍ വേഗതയാണ് ട്രയംഫ് ത്രക്സ്റ്റണ്‍ ആറിന്റെ ടോപ്‌സ്പീഡ്.

43 mm ഷോവ അപ്‌സൈഡ് ഡൗണ്‍ ഫോര്‍ക്കുകള്‍ ഫ്രണ്ട് എന്‍ഡിലും, ഓലിന്‍സ് ട്വിന്‍ ഷോക്കുകള്‍ റിയര്‍ എന്‍ഡിലും സസ്‌പെന്‍ഷന്‍ ദൗത്യം ഒരുക്കുന്നു.

ഇരു സസ്‌പെന്‍ഷനുകളും ഫുള്ളി അഡ്ജസ്റ്റബിളാണ്. 4 പിസ്റ്റണ്‍ റേഡിയല്‍ മോണോബ്ലോക് കാലിപ്പറോട് കൂടിയ ബ്രെമ്പോ ട്വിന്‍ 310 mm ഫ്‌ളോട്ടിംഗ് ഡിസ്‌കാണ് ഫ്രണ്ട് എന്‍ഡിലുള്ളത്. നിസിന്‍ 2 പിസ്റ്റണ്‍ ഫ്‌ളോട്ടിംഗ് കാലിപ്പറോട് കൂടിയുള്ള സിംഗിള്‍ 220 mm ഡിസ്‌ക് റിയര്‍ എന്‍ഡില്‍ ബ്രേക്കിംഗ് ഒരുക്കുന്നു.

ഹൈസ്പീഡ് കോര്‍ണറുകള്‍ക്ക് മികച്ച ഗ്രിപ്പ് പിന്തുണയാണ് പിരെല്ലി ഡയാബ്ലോ റോസോ കോര്‍സ ടയറുകള്‍ നല്‍കുക. 203 കിലോഗ്രാമാണ് ട്രയംഫ് ത്രക്സ്റ്റണ്‍ ആറിന്റെ ഭാരം. എന്നാല്‍ റൈഡിംഗില്‍ ഈ ഭാരം അനുഭവപ്പെടുന്നില്ല എന്നതും ശ്രദ്ധേയം.

സിറ്റി റൈഡില്‍ 13 കിലോമീറ്ററും, ഹൈവെ റൈഡുകളില്‍ 19 കിലോമീറ്ററുമാണ് ട്രയംഫ് ത്രക്സ്റ്റണ്‍ ആര്‍ കാഴ്ചവെക്കുന്ന ഇന്ധനക്ഷമത.

ട്രയംഫ് ത്രക്സ്റ്റണ്‍ ആര്‍ വാങ്ങണമോ?

റിട്രോ സ്‌റ്റൈലിംഗാണ് നിങ്ങള്‍ ആഗ്രഹിക്കുന്നത് എങ്കില്‍, ഇന്ന് ലഭ്യമായ മികച്ച ഓപ്ഷനാണ് ട്രയംഫ് ത്രക്സ്റ്റണ്‍ ആര്‍. 14.74 ലക്ഷം രൂപയാണ് ട്രയംഫ് ത്രക്സ്റ്റണ്‍ ആറിന്റെ ഓണ്‍-റോഡ് വില (മുംബൈ).