Click it and Unblock the Notifications
ഗാന്ധിജിയുടെ കൊലയാളിയുടെ കാര്
ചരിത്രം കഥകളായി പഴകുമ്പോള് അതിന്റെ അവശേഷിപ്പുകളെല്ലാം കൗതുകങ്ങളായി മാറും. അങ്ങനെ കൗതുകമായി മാറിയ ഒരു കാര് പര്വേശിന്റെ ഗാരേജില് വിശ്രമം കൊള്ളുന്നു.
സവര്ക്കര് അടക്കമുള്ള ഹിന്ദുമത മൗലികവാദികളുടെ അനുഗ്രഹം വാങ്ങിയ ശേഷം ഗോദ്സെ നേരത്തെ തയ്യാറാക്കി നിറുത്തിയ 1930 മോഡല് സ്റ്റുഡ്ബേക്കര് കാറില് കയറുകയായിരുന്നു. ബിര്ള ഹൗസിന്റെ മതില്ക്കെട്ടിനിപ്പുറം വരെ ആ ചരിത്രപാപത്തെ സ്റ്റുഡ്ബേക്കര് പേറി. പിന്നീടുണ്ടായ സംഭവങ്ങള് ലോകമിന്നും മനസ്സിലിട്ടു നീറ്റുന്നവ.
ഈസ്റ്റ് ദില്ലിയിലാണ് പര്വേശ് ജമാല് സിദ്ദിഖിയുടെ വീട്. വീടിനോട് ചേര്ന്നുള്ള ഗാരേജില് 10-ലധികം വിന്റേജ് കാറുകളും 15-ളം പഴയ മോഡല് ബൈക്കുകളുമുണ്ട്. തന്റെ ഓസ്റ്റിന് 37 കാറിനുള്ള സ്പെയര് പാര്ട്സ് തെരഞ്ഞു നടക്കുന്നതിനിടയിലാണ് സ്റ്റുഡ്ബേക്കറെ കണ്ടെത്തിയത്.
പഴയ കാറുകള്ക്ക് അധികമൊന്നും കാണാത്ത ഓട്ടോമാറ്റിക് ട്രാന്സ്മിഷന് ഈ കാറിനുണ്ട്. ആറ് സിലിണ്ടര് എന്ജിന് 40 കുതിരശക്തിയുണ്ട്.
ഗോദ്സെ ജയിലില് പോയതിനു ശേഷം ഒരു സെനി കാലിബ് എന്ന ആംഗ്ലോ ഇന്ത്യക്കാരനാണ് സ്റ്റുഡ്ബേക്കറെ വാങ്ങിയത്. 1978-ല് നടന്ന ഒരു ലേലത്തില് വാരണസിയിലെ ഒരു ബിസിനസ്സുകാരന്റെ കയ്യിലെത്തി. 1999-ലാണ് സ്റ്റുഡ്ബേക്കര് പര്വേശിന്രെ കയ്യിലെത്തുന്നത്.
Continue with Google