Click it and Unblock the Notifications
മനെസര് യൂണിയന് ആവശ്യം സര്ക്കാര് തള്ളി
മാരുതി സുസുക്കി വര്ക്കേഴ്സ് യൂണിയന് എന്ന പേരില് മനെസര് പ്ലാന്റിലെ തൊഴിലാളികള് യൂണിയന് രൂപീകരിച്ചിട്ടുണ്ട്. എന്നാല് ഈ യൂണിയനെ അംഗീകരിക്കാന് കമ്പനി ഇതുവരെ തയ്യാറായിട്ടില്ല. ഇതിന്റെ പേരില് ജൂണില് നടന്ന സമരം 13 ദിവസത്തോളം നീണ്ടു നിന്നിരുന്നു. മാരുതി സുസുക്കി മനെസര് പ്ലാന്റ് മാരുതിയുടെ ഭാഗം തന്നെയായതിനാല് മറ്റൊരു യൂണിയന്റെ ആവശ്യമില്ലെന്നാണ് കമ്പനിയുടെ വാദം. നിലവിലെ യൂണിയന് തങ്ങളുടെ പ്രത്യേക പ്രശ്നങ്ങളില് നടപടിയെടുക്കാന് കഴിയുന്നില്ല എന്ന പരാതി മനെസര് പ്ലാന്റിലെ തൊഴിലാളികള്ക്കുണ്ട്.
കഴിഞ്ഞ മാസം നടന്ന തൊഴിലാളി യൂണിയന് തെരഞ്ഞെടുപ്പ് മനെസര് പ്ലാന്റിലെ തൊഴിലാളികള് ബഹിഷ്കരിച്ചിരുന്നു.
തങ്ങളുടെ ആവശ്യവുമായി മുന്നോട്ടു പോകുമെന്ന് മനെസര് പ്ലാന്റിലെ തൊഴിലാളികള് വ്യക്തമാക്കി. യൂണിയന് രജിസ്ട്രേഷനു വേണ്ടി രണ്ടാമതൊന്നു കൂടി അപേക്ഷ സമര്പ്പിക്കുമെന്ന് മാരുതി സുസുക്കി വര്ക്കേഴ്സ് യൂണിയന് ജനറല് സെക്രട്ടറി ശിവ് കുമാര് അറിയിച്ചു. അതിന്മേലുള്ള സംസ്ഥാന സര്ക്കാര് തീരുമാനം കൂടി അറിഞ്ഞ ശേഷമായിരിക്കും അടുത്ത നടപടി.
Continue with Google