നാനോ ചെന്നൈയില്‍ കത്തി?

Posted By:
നാനോയുടെ നെഞ്ചില്‍ എന്നും തീയാണ്. വില്‍പന കുത്തനെ കുറഞ്ഞത് പ്രമാണിച്ചാണോ എന്നറിയില്ല ഈയിടെ ആ തീ പുറത്തേക്ക് വരാന്‍ തുടങ്ങി. രാജ്യത്തെമ്പാടുമുള്ള നഗരങ്ങളില്‍ നാനോ കത്തല്‍ എന്ന പ്രതിഭാസം തുടരുകയാണ്. മൂന്നാലു ദിവസം മുന്‍പ് ചെന്നൈയില്‍ നടന്നതെന്ന അറിയിപ്പോടെ യൂറ്റൂബില്‍ സംഗതി ലഭ്യമാണ്. നാനോ എങ്ങനെയെല്ലാം കത്തും എന്നതിനെക്കുറിച്ചുള്ള വിദ്യാഭ്യാസം ആഗ്രഹിക്കുന്നവര്‍ യൂറ്റൂബില്‍ തപ്പുക.

ടാറ്റ നാനോ എല്‍ എക്സ് പതിപ്പാണ് ചെന്നൈയില്‍ കത്തിയമര്‍ന്നത്. യൂറ്റൂബില്‍ ലഭ്യമായ വീഡിയോയുടെ അടിസ്ഥാനത്തിലാണ് കത്തിയ നാനോ ചെന്നൈയിലേതാണെന്ന ഊഹത്തില്‍ എത്തിച്ചേര്‍ന്നത്. ഇതു സംബന്ധിച്ച് കൂടുതല്‍ വിവരങ്ങള്‍ ലഭ്യമല്ല. ഒരു കാര്യം ഉറപ്പാണ്. ഇത് ഒരു പുതിയ നാനോ കത്തല്‍ തന്നെയാണ്.

കഴിഞ്ഞയാഴ്ചയാണ് ഗുജറാത്തിലെ ആനന്ദില്‍ ഒരു നാനോ കത്തിത്തീര്‍ന്നത്. നിരന്തരമായി തീപ്പിടിത്ത റിപ്പോര്‍ട്ടുകള്‍ വരുന്നുണ്ടെങ്കിലും ടാറ്റയില്‍ നിന്ന് തൃപ്തികരമായ വിശദീകരണം ഇതുവരെയും വന്നിട്ടില്ല.

English summary
Another Tata Nano fire reported. This time from Chennai. The exact data about the fire is not available but its videos are circulating through YouTube.
Story first published: Saturday, September 10, 2011, 12:40 [IST]
Please Wait while comments are loading...

Latest Photos