ജനറല്‍ സെന്‍റര്‍ എയര്‍ബാഗ് അവതരിപ്പിച്ചു

Published: Saturday, October 1, 2011, 14:38 [IST]

ലോകവിപണിയിലാദ്യമെന്ന അവകാശവാദത്തോടെ ജനറല്‍ മോട്ടോഴ്സ് ഫ്രണ്ട് സെന്‍റര്‍ എയര്‍ബാഗ് അവതരിപ്പിച്ചു. ആക്സിഡന്‍റുകളില്‍, കൂട്ടിയിടിയുടെ ആഘാതത്തില്‍ വശങ്ങളില്‍ നിന്നുള്ള ആഘാതം ചെറുക്കുന്നതിന് ഈ എയര്‍ബാഗ് സഹായകമാകും. ഡ്രൈവര്‍ സീറ്റിനും ഇടതു വശത്തെ സീറ്റിനും മധ്യത്തിലായിട്ടാണ് എയര്‍ബാഗ് സ്ഥാനം പിടിക്കുക. കൂട്ടിയിടിയുടെ സാഹചര്യത്തില്‍ ഡ്രൈവറും സഹയാത്രികനും കൂട്ടിയിടിക്കുന്ന പ്രശ്നം ഒഴിവാക്കാന്‍ ഈ എയര്‍ബാഗിന് കഴിയും.

ജി എമ്മിന്‍റെ മൂന്ന് മോഡലുകളില്‍ ഈ എയര്‍ബാഗ് സ്ഥാനം പിടിക്കും. ബ്യൂക്ക് എന്‍ക്ലേവ്, ജി എം സി അകാഡിയ, ഷെവര്‍ലെ ട്രവേഴ്സ് എന്നിവയുടെ 2013 മോഡലുകളില്‍ പുതിയ സുരക്ഷാ സംവിധാനം ഉണ്ടായിരിക്കും.

വശങ്ങളില്‍ നിന്നുള്ള ആഘാതത്താല്‍ ഗുരുതരമായ പരുക്കുകള്‍ ഉണ്ടാകുന്നതായി ജനറല്‍ മോട്ടോഴ്സ് മനസ്സിലാക്കിയതാണ് പുതിയ എയര്‍ബാഗിന്‍റെ ആവിര്‍ഭാവത്തിന് കാരണമായത്. വളവുകളില്‍ കാര്‍ തകിടം മറിഞ്ഞുണ്ടാകുന്ന അപകടങ്ങളില്‍ (റോളോവര്‍) ഇത്തരം എയര്‍ബാഗുകള്‍ വളരെയധികം സഹായകമാകും.

Article Published On: Saturday, October 1, 2011, 14:38 [IST]

English summary

General Motors will introduce the industry’s first front center air bag, an inflatable restraint designed to help protect drivers and front passengers in far-side impact crashes where the affected occupant is on the opposite, non-struck side of the vehicle.