ആഡംബര ടയറുകളുമായി എംആര്‍എഫ്

1962ല്‍ പ്രവര്‍ത്തനമാരംഭിച്ച എം ആര്‍ എഫ് ആണ് ഇന്ത്യയിലെ ഏറ്റവും വലിയ ടയര്‍ നിര്‍മാണ കമ്പനി. ലോകത്തെമ്പാടുമായി 65ളം രാഷ്ട്രങ്ങളില്‍ ഇന്ന് കമ്പനിക്ക് സാന്നിധ്യമുണ്ട്. 10,000 കൊടിയുടെ ആസ്തിയാണ് എം ആര്‍ എഫിനുള്ളത്.

ആഡംബരക്കാറുകളുടെ ടയര്‍ നിര്‍മാണത്തിനുപയോഗിക്കുന്നത് പ്രത്യേക പോളിമര്‍ മിശ്രിതമാണ്. സ്പീഡ് ഡ്രൈവില്‍ ഉയര്‍ന്ന സ്ഥിരതയും സുരക്ഷയും പ്രകടിപ്പിക്കുന്നവയായിരിക്കണം ഇവ.

തമിഴ്‍നാട്ടില്‍ നിര്‍മിക്കാന്‍ ഉദ്ദേശിക്കുന്ന പ്ലാന്‍റില്‍ 800 കോടിയുടെ നിക്ഷേപമാണ് നടത്താനുദ്ദേശിക്കുന്നത്. ഇതു കൂടാതെ റബര്‍ വിലയിലുണ്ടായ വര്‍ധന നേരിടാനും പദ്ധതികളുണ്ട്. റബര്‍ പ്ലാന്‍റേഷനുകള്‍ മൊത്തമായി വാങ്ങുക എന്നതാണ് ഉദ്ദേശിക്കുന്നത്.