മിത്സുബിഷി പിന്‍വാങ്ങുന്നു?

Posted By:
മിത്സുബിഷി ഇന്ത്യയില്‍ വന്നിട്ട് നാളേറെയായെങ്കിലും കമ്പനി അര്‍ഹിക്കുന്ന ഇടത്തിലേക്ക് ഇനിയും കയറിനിന്നിട്ടുണ്ടോ? ഇക്കാര്യത്തില്‍ സംശയം ഓട്ടോ നിരീക്ഷകര്‍ എന്നും പ്രകടിപ്പിച്ചിട്ടുണ്ട്. ഇതിന് കാരണമെന്താണ്? ഇക്കാര്യത്തില്‍ പൊതുവില്‍ ഉയര്‍ന്നു വന്നിട്ടുള്ള വികാരം ഹിന്ദുസ്ഥാന്‍ മോട്ടോഴ്സുമായി മിത്സുബിഷി തുടരുന്ന ബന്ധത്തെ പറ്റിയാണ്.

ഇന്ത്യന്‍ ഓട്ടോ വിപണിയുടെ പാരമ്പര്യം പരിശോധിക്കുമ്പോള്‍ അംബാസ്സഡര്‍ കാറിന്‍റെ പ്രാധാന്യം ആരും തള്ളിപ്പറയില്ല. എന്നാല്‍ അംബാസ്സഡറിനെ ഒട്ടും മികച്ചതാക്കാന്‍ ഹിന്ദുസ്ഥാന്‍ മോട്ടോഴ്സിന് ഇക്കണ്ട കാലത്തിനിടയ്ക്ക് സാധിച്ചിട്ടില്ല. ഇത്രയും മികച്ച ഒരു ബ്രാന്‍ഡിനെ ഇപ്രകാരം മരവിപ്പിച്ചു കിടത്താന്‍ കമ്പനിക്ക് സാധിച്ചു എന്നത് വളരെ കുറ്റകരമായ ഒരു അനാസ്ഥയായിട്ടാണ് ഓട്ടോ നിരൂപകര്‍ കാണുന്നത്. എന്നാല്‍ ഇതും മിത്സുബിഷിയും തമ്മിലെന്താണ്?

ചിലതുണ്ട്. മിത്സുബിഷി കയറിയത് ആനപ്പുറത്താണെങ്കിലും അത് വര്‍ഷങ്ങളായി ഉറങ്ങിക്കിടപ്പാണ്. ഒരടി മുന്നോട്ടു നീങ്ങാത്ത കമ്പനിയുമായുള്ള മിത്സുബിഷിയുടെ ഇമേജിനെയും ബാധിക്കുന്നതായി കമ്പനി മനസ്സിലാക്കുന്നു. ഈ വര്‍ഷം മുതല്‍ ഇന്ത്യന്‍ വിപണിയില്‍ കൂടുതല്‍ അഗ്രസ്സീവ് ആയ നിലപാടെടുക്കാന്‍ മിത്സുബിഷി തീരുമാനിച്ചിട്ടുള്ളതായി കമ്പനിയുടെ നീക്കങ്ങളില്‍ നിന്ന് വ്യക്തമാണ്. പജീറോ സ്പോര്‍സ് വിപണിയിലെത്തിച്ച് ദിവസങ്ങള്‍ പിന്നിടുമ്പോഴേക്കും ഔട്‍ലാന്‍ഡര്‍ 7 സീറ്റര്‍ പതിപ്പ് കൂടി വിപണിയിലെത്തിച്ചിരിക്കുകയാണ് മിത്സുബിഷി.

പറഞ്ഞു വന്നത് ഒരു ബാന്ധവത്തിന്‍റെ അവസാനത്തെക്കുറിച്ചാണ്. ഹിന്ദുസ്ഥാന്‍ മോട്ടോഴ്സുമായുള്ള ബാന്ധവം അവസാനിപ്പിക്കാന്‍ മിത്സുബിഷി തീരുമാനിച്ചിരിക്കുന്നതായി ഊഹങ്ങള്‍ പെരുകുന്നു. ഇതു സംബന്ധിച്ച ഔദ്യോഗിക വിശദീകരണമൊന്നും വന്നിട്ടില്ല. ഇക്കാരണത്താല്‍ കൂടുതല്‍ വിശദീകണം നല്‍കാന്‍ നിര്‍വ്വാഹമില്ല. എന്തായാലും ഇത്രയും കാര്യങ്ങള്‍ മനസ്സിലിരിക്കട്ടെ. ആരോടും പറയണ്ട!

English summary
The writing is almost on the wall. Japanese carmaker Mitsubishi Motors is said to be contemplating its future in India as an independent carmaker by ending its joint venture with Hindustan Motors. Mitsubishi has been in a partnership with HM since the nineties but the joint venture has not really created something substantial for both the companies in recent years.
Story first published: Saturday, March 17, 2012, 18:40 [IST]
Please Wait while comments are loading...

Latest Photos