മെഴ്സിഡസ് ബ്രാന്‍ഡ് സ്മാര്‍ട്ട് ഇന്ത്യയിലേക്ക്?

Posted By:
ഡാവിഞ്ചി കോഡ് എന്ന സിനിമ വഴി സ്മാര്‍ട് കാറുകള്‍ നമുക്ക് പരിചിതമാണ്. കെല്ലി ബ്ലൂ ബുക്ക് ഈയിടെ നടത്തിയ ഒരു സര്‍വ്വേയില്‍ ഏറ്റവുമധികം പ്രണയം തോന്നുന്ന കാറുകളിലൊന്നായി സ്മാര്‍ട്ടിന്‍റെ ഫോര്‍റ്റു കാറിനെ തെരഞ്ഞെടുത്തിരുന്നു. അതിമനോഹരമാണ് ഈ കാറിന്‍റെ ഡിസൈന്‍. ആയാസരഹിതമായ ഡ്രൈവിംഗ് അനുഭൂതിക്കും സ്മാര്‍ട്ട് കാറുകള്‍ പ്രശസ്തമാണ്.

ജര്‍മന്‍ കമ്പനിയായ മെഴ്സിഡസിന്‍റെ ഉടമസ്ഥതയിലാണ് ഈ ബ്രാന്‍ഡുള്ളത്. ഇന്ത്യന്‍ വിപണിയില്‍ ബീറ്റില്‍, ഫിയറ്റ് 500, മിനി കൂപ്പറുകള്‍ എന്നീ പ്രീമിയം ചെറുകാറുകളുടെ നിരയിലേക്ക് സ്മാര്‍ട്ട് കാറുകള്‍ കൂടി എത്തിച്ചേരുമെന്നാണ് പുതിയ വാര്‍ത്തകള്‍ പറയുന്നത്.

റിനോയുടെ സഹായത്തോടെ സ്മാര്‍ട്ട് ചെറുകാറുകളുടെ വില കുറയ്ക്കാനുള്ള വഴികളും മെഴ്സിഡസ് ആരായുന്നുണ്ട്. ഇന്ത്യന്‍ വിപണിക്ക് പ്രത്യേകമായാണ് ഈ നടപടി. ഇന്ത്യന്‍ വിപണി എത്രമാത്രം ഈ കാറിനെ പിന്തുണയ്ക്കുമെന്നത് സംബന്ധിച്ച് പഠനങ്ങള്‍ നടത്തുകയാണ് മെഴ്സിഡസ് ഇപ്പോള്‍. സ്മാര്‍ട്ട് ഫോര്‍റ്റു, സ്മാര്‍ട്ട് ഫോര്‍ഫോര്‍ എന്നീ കാറുകളാണ് ഇന്ത്യയില്‍ ടെസ്റ്റ് നടത്തിക്കൊണ്ടിരിക്കുന്നത്.

നടന്നുകൊണ്ടിരിക്കുന്ന ഫീസിബിലിറ്റി സ്റ്റഡി അനുകൂലമാവുകയാണെങ്കില്‍ 2014ല്‍ തന്നെ സ്മാര്‍ട്ട് ഇന്ത്യയിലേക്ക് കടക്കും. 12-15 ലക്ഷത്തിനിടയില്‍ കാറുകള്‍ക്ക് വില കാണുമെന്നാണ് അനുമാനിക്കപ്പെടുന്നത്.

English summary
Mercedes-Benz, the German premium carmaker is planning to launch its small car brand Smart in India.
Story first published: Monday, March 26, 2012, 14:59 [IST]
Please Wait while comments are loading...

Latest Photos