ഫ്രാങ്ക്ഫര്‍ടില്‍ ബീമറിന്റെ വന്‍ വാഹനനിര

4 സീരീസ്

4 സീരീസിന്റെ ലോഞ്ച് ഇതിനകം നടന്നുവെങ്കിലും ഇതുവരെ ഡെലിവെറി തുടങ്ങിയിട്ടില്ല. 3 സീരീസ് കൂപെക്ക് പകരക്കാരനായി വരുന്നതാണ് ഈ വാഹനം.

ബിഎംഡബ്ല്യു ഐ8

ബിഎംഡബ്ല്യു ഐ3 ഇതിനകം ലോഞ്ച് ചെയ്യപ്പെട്ടു കഴിഞ്ഞു. അടുത്ത വാഹനം ഒരു പക്ഷെ ഐ8 ആയിരിക്കും എന്ന് പ്രതീക്ഷിക്കപ്പെടുന്നുണ്ട്.

ബിഎംഡബ്ല്യു എക്‌സ്5

മറ്റൊരാള്‍ ബിഎംഡബ്ല്യു എക്‌സ്5 എസ്‌യുവിയാണ്. 2014 മോഡല്‍ എക്‌സ്5 രണ്ടുനാള്‍ മുമ്പാണ് ഉല്‍പാദനം തുടങ്ങിയത്. അമേരിക്കയില്‍ ആദ്യം പുറത്തിറങ്ങുന്ന ഈ മൂന്നാം തലമുറ എക്‌സ്5-നെയും ഫ്രാങ്ക്ഫര്‍ടില്‍ കാണാന്‍ കഴിയും.

കണ്‍സെപ്റ്റ് ആക്ടിവ് ടൂറര്‍ ഔട്‌ഡോര്‍

ഫ്രാങ്ക്ഫര്‍ടില്‍ വരുന്ന ബിഎംഡബ്ല്യുവിന്റെ മറ്റൊരു പ്രധാന വാഹനം കണ്‍സെപ്റ്റ് ആക്ടിവ് ടൂറര്‍ ഔട്‌ഡോര്‍ ആണ്. ലോകത്തിലെ ഏറ്റവും പ്രധാനപ്പെട്ട ഓട്ടോഷോകളിലൊന്നാണ് ഫ്രാങ്ക്ഫര്‍ടിലേതെന്നും അവിടെ വാഹനങ്ങള്‍ പ്രദര്‍ശിപ്പിക്കുന്നത് വളരെ സന്തോഷമുണ്ടാക്കുന്ന സംഗതിയാണെന്നും ബിഎംഡബ്ല്യു ബ്രാന്‍ഡ് മാനേജ്‌മെന്റ് തലവന്‍ സ്റ്റീവന്‍ ആല്‍തോസ് വ്യക്തമാക്കി.