Just In
- 12 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 13 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 13 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 14 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Movies 'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി
- News 17 സംസ്ഥാനങ്ങൾ, 4 കേന്ദ്രഭരണ പ്രദേശങ്ങൾ, 102 സീറ്റുകൾ; ഒന്നാംഘട്ട പോളിങ് തുടങ്ങി, പ്രതീക്ഷയോടെ മുന്നണികൾ
- Sports IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ബൈക്കില് ഡിസ്ക് ബ്രേക്ക് — ഗുണങ്ങളും ദോഷങ്ങളും
നിരത്തില് ഏതു നിമിഷവും എന്തും സംഭവിക്കാം. കൃത്യമായ അവസരത്തില് നില്ക്കാന് കഴിഞ്ഞില്ലെങ്കില് അപകടം സാധ്യത കൂടും. ഡിസ്ക് ബ്രേക്കുകള് ബൈക്കുകളില് ഒഴിച്ചുകൂടാനാകാത്ത ഫീച്ചറായി മാറാന് കാരണമിതാണ്. നിമിഷനേരം കൊണ്ടു വേഗത കൈവരിക്കുന്നത് പോലെ ഞൊടിയിടയില് നിശ്ചലമാകാനും ബൈക്കുകള്ക്ക് പറ്റണം.
മുമ്പ് ഡ്രം ബ്രേക്കുകളെ ആശ്രയിച്ചായിരുന്നു ബൈക്കുകളുടെ ബ്രേക്കിംഗ് മികവ്. ഇന്നു ഡിസ്ക് ബ്രേക്കുകള് ആ സ്ഥാനം കൈയ്യടക്കി. ഡ്രം ബ്രേക്കുകളെക്കാള് മികവു ഡിസ്ക് ബ്രേക്കിനുണ്ടെന്ന കാര്യത്തില് ആര്ക്കും തര്ക്കമില്ല.
അമ്പതു കാലഘട്ടത്തില് റേസ് കാറുകളില് നിന്നാണ് ഡിസ്ക് ബ്രേക്കുകളുടെ തുടക്കം. ശേഷം 1962 -ല് ഡിസ്ക് ബ്രേക്ക് ആദ്യമായി ബൈക്കില് ഇടംപിടിച്ചു. ലാംബ്രട്ട TV175 സീരീസ് 3 സ്കൂട്ടറിലാണ് ഡിസ്ക് ബ്രേക്ക് ആദ്യമായി ഒരുങ്ങിയത്.
ബൈക്കിന് മുന്നിലും പിന്നിലും ഡിസ്ക് ബ്രേക്കുകള് നല്കാന് ഹോണ്ട ധൈര്യം കാട്ടിയത് 1975 -ല്. ഇരു ടയറുകളില് ഡിസ്ക് ബ്രേക്ക് ഒരുങ്ങിയ ലോകത്തിലെ ആദ്യ പ്രൊഡക്ഷന് ബൈക്കെന്ന ഖ്യാതി ഇതോടെ ഹോണ്ട CB750 ഫോര് കൈയ്യടക്കി.
ഡിസ്ക് ബ്രേക്കുകളുടെ ചരിത്രം ഇങ്ങനെയങ്കിലും ഇന്ത്യയില് അടുത്തകാലത്താണ് ഡിസ്ക് ബ്രേക്കുകള് പ്രചാരം നേടിയത്. എന്നാല് ഇന്നും ഒരുവിഭാഗം ഉപഭോക്താക്കള് ഡിസ്ക് ബ്രേക്കും ഡ്രം ബ്രേക്കും തമ്മിലുള്ള വ്യത്യാസത്തില് കുഴങ്ങി നില്ക്കുന്നു. മികവു കൂടുതല് ഡിസ്ക് ബ്രേക്കിനെന്നു പറയാന് കാരണം —
വീലില് ഘടിപ്പിച്ച റോട്ടര്/ഡിസ്ക്, ഇരുവശത്തും പാഡുകളുള്ള കാലിപര് - ഇവ രണ്ടുമാണ് ഡിസ്ക് ബ്രേക്ക് സംവിധാനത്തിന്റെ നിര്ണായക ഘടകങ്ങള്. ഓയില് റിസര്വോയറില് നിന്നുള്ള ഫ്ളുയിഡ് ലൈന് ഡിസ്ക് ബ്രേക്ക് സംവിധാനം പൂര്ണമാക്കും.
ഓയില് റിസര്വോയറിന് ബന്ധം ബ്രേക്ക് ലെവറുമായി ഘടിപ്പിച്ച പമ്പുമായി. ബ്രേക്ക് പിടിക്കുമ്പോള് പമ്പ് പ്രവര്ത്തിക്കും; കാലിപ്പറുകളിലേക്ക് ഓയില് ഇരച്ചെത്തും. ഈ നടപടി പാഡുകളില് മര്ദ്ദം കൂട്ടും. സ്വാഭാവികമായി പാഡും ഡിസ്കും തമ്മിലുള്ള ഘര്ഷണം വര്ധിക്കും. ബൈക്കിന്റെ വേഗത കുറയും.
വലിയ പാഡുകള് അല്ലെങ്കില് ഇരട്ട ഡിസ്ക്കുകള് ഉപയോഗിച്ചാല് ഡിസ്ക് ബ്രേക്കിംഗ് മികവു കൂടും. സൂപ്പര്ബൈക്കുകളില് ഇരട്ട ഡിസ്ക്കുകളും നാലു പിസ്റ്റണ് കാലിപ്പറുകളും ഒരുങ്ങാന് കാരണമിതാണ്. ഒന്നിലധികം പാഡുകള് ഡിസ്കുമായി ബന്ധപ്പെടുന്ന വിധത്തിലാണ് നാലു പിസ്റ്റണ് കാലിപ്പറുകളുടെ രൂപകല്പന.
ഡിസ്ക് ബ്രേക്ക് ഗുണങ്ങള്
നിശ്ചലമാകാനുള്ള കരുത്ത് : ഡ്രം ബ്രേക്കുകളെ അപേക്ഷിച്ച് ഡിസ്ക് ബ്രേക്കുകള് പെട്ടെന്നു നില്ക്കും. വലിയ പാഡുകള് ഉപയോഗിച്ചു അല്ലെങ്കില് കൂടുതല് പാഡുകള് ഉപയോഗിച്ചു ഡിസ്ക് ബ്രേക്ക് മികവു കൂട്ടാന് അവസരമുണ്ട്. ഇരട്ട ഡിസ്കും ബ്രേക്കിംഗ് കരുത്തു വര്ധിപ്പിക്കും.
ചൂടു തങ്ങി നില്ക്കില്ല : ഡിസ്ക് ബ്രേക്ക് ഘടന വീലിന് പുറമെ നിലകൊള്ളുന്നതു കൊണ്ടു പാഡുകളില് ചൂടു തങ്ങി നില്ക്കില്ല. ഡിസ്ക് ബ്രേക്കുകള് ഡ്രം ബ്രേക്കുകളെക്കാള് പെട്ടെന്നു തണുക്കും. വീലിനകത്താണ് ഡ്രം ബ്രേക്കുകള് സ്ഥിതി ചെയ്യുക. അതുകൊണ്ടു ഡ്രം ബ്രേക്കുകളില് ചൂടു തങ്ങിനില്ക്കും.
തകരാര് കുറവ് : ഡ്രം ബ്രേക്ക് സംവിധാനത്തില് സ്പ്രിങ്ങുമായാണ് ബ്രേക്ക് ഷൂസിന്റെ ബന്ധം. ബ്രേക്ക് ഷൂസും വീലും തമ്മിലുള്ള ഘര്ഷണം കൂട്ടിയാണ് ഡ്രം ബ്രേക്ക് പ്രവര്ത്തിക്കാറ്. ഇക്കാരണത്താല് വീലിനകത്ത് അമിതതാപം സൃഷ്ടിക്കപ്പെടും. കാലക്രമേണ വീലിന് തകരാര് സംഭവിക്കും. ഡിസ്ക് ബ്രേക്കില് ഈ കുഴപ്പമില്ല.
ഘടകങ്ങള്ക്ക് ചെലവു കുറവ് : ഡിസ്കിനും ബ്രേക്ക് പാഡുകള്ക്കും ചെലവു താരതമ്യേന കുറവാണ്. എന്നാല് ഡ്രം ബ്രേക്കിലുണ്ടാകുന്ന തകരാര് വീലിന്റെ ആയുസിനെ ബാധിക്കും. വീലിന് തകരാര് സംഭവിച്ചാല് ചെലവു കുതിച്ചുയരും.
ഡിസ്ക് ബ്രേക്ക് ദോഷങ്ങള്
വീല് കുടുങ്ങും : ആന്റി-ലോക്ക് ബ്രേക്ക് സംവിധാനമില്ലെങ്കില് ഡിസ്ക് ബ്രേക്കുകള് പ്രയോഗിച്ചാല് വീല് കുടങ്ങാന് സാധ്യതയേറും. അപ്രതീക്ഷിത ബ്രേക്കിംഗിലാണ് ഇതു സംഭവിക്കാറ്. സ്വാഭാവികമായി ഇതു അപകടഭീഷണി ഉയര്ത്തും.
വില : ഡ്രം ബ്രേക്കിനെ അപേക്ഷിച്ച് ഡിസ്ക് ബ്രേക്കുള്ള ബൈക്കുകള്ക്ക് വിപണിയില് വില കൂടുതലാണ്.
ബ്രേക്ക് ഫ്ളൂയിഡ് പരിപാലനം : ബൈക്ക് ഏറെക്കാലം ഉപയോഗിച്ചില്ലെങ്കില് ബ്രേക്ക് ഫ്ളൂയിഡിന്റെ വിസ്കോസിറ്റി സ്വഭാവം നഷ്ടപ്പെടും. ഇതു ബ്രേക്കിംഗ് മികവിനെ സാരമായി ബാധിക്കും. അതുകൊണ്ടു സമയാസമയം ബ്രേക്ക് ഫ്ളൂയിഡ് നില മുടക്കം വരുത്താതെ പരിശോധിക്കേണ്ടതുണ്ട്.