ഫോട്ടോഗ്രഫി: മിഖായേലിന്റെ സങ്കല്‍പനഗരം

മുന്നൂറോളം സ്‌കേല്‍ മോഡല്‍ കാറുകളാണ് ആര്‍ട്ടിന്‍സ്റ്റ് മിഖായേല്‍ ഈ ചിത്രങ്ങള്‍ സൃഷ്ടിക്കുന്നതിനായി ഉപയോഗിച്ചത്.

റോഡില്‍ പാര്‍ക്ക് ചെയ്തതോ, ഓടുന്നതോ ആയ രീതിയില്‍ ഈ ചെറു മോഡലുകള്‍ ഒരു മേശയ്ക്കു മുകളില്‍ ക്രമീകരിക്കുന്നു.

പശ്ചാത്തല തെരഞ്ഞെടുക്കുന്നതില്‍ ആര്‍ട്ടിസ്റ്റ് മിഖായേല്‍ പ്രത്യേകം ശ്രദ്ധ പുലര്‍ത്തുന്നു. പഴയതോ പഴക്കം തോന്നിപ്പിക്കുന്നതോ ആയ കെട്ടിടങ്ങള്‍ക്ക് സമീപമാണ് മിഖായേല്‍ കാറുകള്‍ നിരത്തുക.

മേശയില്‍ നിരത്തിയ കാറുകള്‍ക്ക് പശ്ചാത്തലമായി പിന്നിലെ യഥാര്‍ത്ഥ പ്രകൃതിയെ തന്നെ ഒപ്പിയെടുക്കും. ഇവ രണ്ടും കൃത്യതയാര്‍ന്ന പെഴ്‌സ്‌പെക്ടീവോടെ പകര്‍ത്തുന്നു.

ഇതില്‍ വലിയ ഫോട്ടോഗ്രഫി സിദ്ധാന്തങ്ങളോ വന്‍ സാങ്കേതികതയോ ഒന്നും തന്നെ ഉപയോഗിക്കുന്നില്ല. പക്ഷെ, റിസള്‍ട്ട് അസാധ്യം തന്നെ.

പണി തുടങ്ങും മുമ്പ് താന്‍ ചിത്രീകരിക്കാന്‍ പോകുന്ന രംഗത്തിന്റെ ഒരു കൃത്യതയുള്ള പദ്ധതി മിഖായേല്‍ തയ്യാറാക്കും. ഇതില്‍ റോഡിന്റെ നിറം, നിഴലും വെളിച്ചവും, വാഹനങ്ങളുടെ സ്വഭാവം തുടങ്ങിയ നിരവധി കാര്യങ്ങള്‍ ഉള്‍ച്ചേര്‍ന്നിരിക്കും.

പഴയ ഫോട്ടോഗ്രാഫുകള്‍ നോക്കി കാര്യങ്ങള്‍ പഠിക്കുവാനും മിഖായേല്‍ ശ്രദ്ധ വെക്കാറുണ്ട്. രംഗം ക്രമീകരിക്കുമ്പോള്‍ ഈ പഠനം മിഖായേലിനെ വലിയ തോതില്‍ സഹായിക്കുന്നു.

ചില ചിത്രങ്ങളില്‍ പശ്ചാത്തലത്തില്‍ വരുന്ന ബില്‍ഡിംഗുകളും സ്‌കേല്‍ മോഡലുകളാണ്. എന്നിരിക്കിലും ഇവയിലും ചെറിയ ചില ഭാഗങ്ങളിലെങ്കിലും യഥാര്‍ത്ഥ പശ്ചാത്തലവും കാണാം.

ചിത്രങ്ങളില്‍ നിരത്തായി അനുഭവപ്പെടുന്നത് സ്‌കേല്‍ മോഡലുകള്‍ നിരത്തിയ പലകയാണ്. ഇത് വേണ്ട രീതിയില്‍ നിറമടിച്ചും നിഴലുകള്‍ വീഴ്ത്തിയും യഥാര്‍ത്ഥ റോഡിന്റെ അനുഭൂതി ജനിപ്പിക്കുന്നു.

ഒരേ രംഗത്തിന്റെ നിരവധി ചിത്രങ്ങളെടുക്കും മിഖായേല്‍. ഇവയില്‍ ഏറ്റവും മികച്ച റസള്‍ട്ട് തരുന്നവയാണ് പ്രസിദ്ധീകരിക്കുക.

ഈ ചിത്രങ്ങളുടെ പെഴ്‌സ്‌പെക്ടീവും മറ്റു സൃഷ്ടിക്കുന്നതിനായി സോഫ്റ്റ്‌വെയരുകളൊന്നും തന്നെ ഉപയോഗിച്ചിട്ടില്ലെന്നു പറയുന്നു മിഖായേല്‍.

പഴയ ഫോട്ടോയുടെ ഫീല്‍ നല്‍കുന്നതിനായി ഫോട്ടോഷോപ്പിലിട്ട് ചെറുതായി ടിന്റ് നല്‍കിയിട്ടുണ്ട്.