ഏഷ്യയിൽ ആദ്യത്തേതും നീളമേറിയതുമായ ഡബിൾ ഡക്കർ പാലം ഇന്ത്യയ്ക്ക് സ്വന്തം

പാലത്തിന്റെ രണ്ടാം തട്ടിൽ രണ്ടുവരി റെയിൽ ട്രാക്കും മുകളിലെ തട്ടിൽ മൂന്നുവരി റോഡ് പാതയുമാണ് ഉൾക്കൊള്ളിച്ചിരിക്കുന്നത്.

ഏതാണ്ട് 4,857 കോടി രൂപയാണ് ഡബിൾ ഡക്കർ പാലത്തിന്റെ മൊത്തത്തിലുള്ള നിർമാണ ചിലവായി കണക്കാക്കപ്പെടുന്നത്.

പാലം പണിയുന്നതിനായി നദിക്ക് കുറുകെയായി തിണ്ടുകൾ കെട്ടുക എന്നതായിരുന്നു ഏറ്റവും വെല്ലുവിളിയുയർത്തിയതും കാലതാമസം വേണ്ടിവന്നതുമെന്നാണ് റെയിൽവെ അറിയിച്ചത്.

നൂറ് ശതമാനം സ്റ്റീലിൽ ഉരുക്കിച്ചേർത്തുണ്ടാക്കിയ പാലമെന്നാണിതിന്റെ മറ്റൊരു സവിശേഷതായി പറയപ്പെടുന്നത്.

അക്കാരണം കൊണ്ടുതന്നെ മേൽക്കൂരപോലെ പാലത്തിന് മുകളിൽ കൂടി പണിതിട്ടുള്ള ഫ്രെയിമുകൾക്കും ഭാരം കുറവായിരിക്കും. സ്വീഡിഷ് സാങ്കേതികതയിലാണ് പാലത്തിന്റെ നിർമാണം നടത്തുന്നത്.

ഇത്തരത്തിൽ വിളക്കിച്ചേർത്ത സ്റ്റീൽ ഉപയോഗിക്കുന്നത് കാരണം നിർമാണ ചിലവും കുറയ്ക്കാൻ സാധിച്ചുവെന്നാണ് റെയിൽവെ വ്യക്തമാക്കുന്നത്.

2002ൽ പ്രധാനമന്ത്രയായിരുന്ന അടൽബിഹാരി വാജ്പേയി ആയിരുന്നു പാൽ നിർമ്മാണത്തിനായുള്ള അടിത്തറ പാകിയത്.

ബ്രഹ്മപുത്ര നദിക്ക് കുറുകെയായി ഇങ്ങനെയുള്ളൊരു ഡബിൾ ഡക്കർ പാലം പണിയാനുള്ള ചില സാങ്കേതിക ബുദ്ധിമുട്ടുകൾ കാരണമായിരുന്നു നിർമാണത്തിലുണ്ടായ കാലതാമസം.

നിലവിൽ നിർമാണത്തിന്റെ മുക്കാൽ ഭാഗവും പിന്നിട്ടതായാണ് റെയിൽവെ സൂചിപ്പിക്കുന്നത്. 2018ഓടുകൂടി നിർമാണം പൂർത്തീകരിക്കാനുള്ള തിടുക്കത്തിലാണ് റെയിൽവെ.

അടുത്തവർഷത്തോടുകൂടി പാലത്തിൽ കൂടിയുള്ള റോഡ്-റെയിൽ ഗതാഗതങ്ങളുടെ പരീക്ഷണയോട്ടവും സംഘടിപ്പിക്കുന്നതായിരിക്കുമെന്നും റെയിൽവെ അറിയിച്ചു.

നിലവിൽ 5.6 കിലോമീറ്റർ നീളമുള്ള ബാന്ദ്ര-വെർളി കടൽപ്പാലമാണ് ഇന്ത്യയിലെ ഏറ്റവും നീളംകൂടിയ റോഡ് പാലം. അതുപോലെ കൊച്ചിയിൽ വെമ്പനാട് കായലിന് കുറുകെ പണിതിട്ടുള്ള റെയിൽപാലമാണ് ഏറ്റവും നീളമേറിയത്.

4.94 കിലോമീറ്റർ ദൈർഘ്യത്തിൽ പണിയുന്ന റോഡും റെയിലും ഉൾക്കൊള്ളുന്ന ബോഗീബീൽ പാലമായിരിക്കും ഇന്ത്യയിലെ ആദ്യത്തെ നീളമേറിയ ഡബിൾ ഡക്കർ പാലം.

ലോകത്തിലെ ആദ്യത്തെ ഫ്ലോട്ടിംഗ് റോഡ് ടണൽ നോർവേയിൽ

രാമേശ്വരം-മാനാമധുര പാത; ഇന്ത്യയിലെ ആദ്യത്തെ ഹരിത ഇടനാഴി