രൺവീറിന്റെ മനം കവർന്ന് ലംബോർഗിനി; രണ്ടാം ഉറൂസ് പേൾ കാപ്സ്യൂൾ എഡിഷൻ സ്വന്തമാക്കി താരം

രൺ‌വീറിന്റെ ഉറൂസ് പേൾ കാപ്‌സ്യൂൾ അരാൻ‌സിയോ ബോറാലിസ് (ഓറഞ്ച്) എക്സ്റ്റീരിയർ ഷേഡിൽ പൂർത്തിയാക്കുന്നു. സ്‌പെഷ്യൽ പതിപ്പ് മോഡലിനൊപ്പം വരുന്ന 23 ഇഞ്ച് ടൈഗെറ്റ് വീലുകൾക്ക് പകരം 22 ഇഞ്ച് നാഥ് വീലുകൾ അദ്ദേഹത്തിന്റെ പുതിയ വാഹനത്തിന് ലഭിക്കുന്നു. അടിസ്ഥാന ലംബോർഗിനി ഉറൂസിലെ സ്റ്റാൻഡേർഡ് വീലുകൾ 21 ഇഞ്ചാണ്.

ഓറഞ്ച് ബേസ് കളർ കറുത്ത റൂഫോടുകൂടിയ ഇരട്ട ടോൺ എക്സ്റ്റീരിയറിൽ രൺവീറിന്റെ സൂപ്പർ എസ്‌യുവി വരുന്നു. തിളങ്ങുന്ന ബ്ലാക്ക് ഗ്ലോസ്സ് തീം ലോവർ ബമ്പറുകൾ, റോക്കർ കവറുകൾ, റിയർ ഡിഫ്യൂസർ, സ്‌പോയിലർ ലിപ്, ടെയിൽ‌ഗേറ്റ് റിംസ് എന്നിവയിലേക്ക് വ്യാപിക്കുന്നു. പൊരുത്തപ്പെടുന്ന ബോഡി കളർ ആക്‌സന്റുകളും കാറിന് ലഭിക്കുന്നു.

ലംബോർഗിനി മുംബൈയാണ് ഉറൂസ് പേൾ കാപ്സ്യൂൾ താരത്തിന് കൈമാറിയത്. രൺവീറും ഭാര്യ നടി ദീപിക പദുക്കോണും ഞായറാഴ്ച രാത്രി ബെംഗളൂരുവിൽ നിന്ന് മുംബൈയിലേക്ക് മടങ്ങിയാണ് വാഹനം സ്വീകരിച്ചത്.

650 bhp പരമാവധി പവർ നൽകുന്ന V8 ട്വിൻ-ടർബോചാർജ്ഡ് എഞ്ചിനിൽ നിന്നാണ് ഉറൂസ് പേൾ കാപ്സ്യൂൾ പവർ ഉത്പാദിപ്പിക്കുന്നത്. വെറും 3.6 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാൻ ഇതിന് കഴിയും.

അത്യാധുനിക ഇന്റലിജന്റ് പാർക്ക് അസിസ്റ്റ് ഉൾപ്പെടെ അപ്‌ഡേറ്റുചെയ്‌ത ഓപ്‌ഷണൽ പാർക്കിംഗ് അസിസ്റ്റ് പാക്കേജ് പോലുള്ള സ്റ്റാൻഡേർഡ് സുരക്ഷാ സവിശേഷതകളും സാങ്കേതികവിദ്യകളും ഇതിൽ നിറഞ്ഞിരിക്കുന്നു.

ബോളിവുഡ് താരങ്ങൾക്കിടയിൽ ലംബോർഗിനി ഉറൂസ് സൂപ്പർ എസ്‌യുവിയുടെ ജനപ്രീതി വർധിച്ചുവരികയാണ്, നടൻ കാർത്തിക് ആര്യനും കഴിഞ്ഞ മാസം വാഹനം സ്വന്തമാക്കിയിരുന്നു. രോഹിത് ഷെട്ടി, അദർ പൂനവല്ല, മുകേഷ് അംബാനി എന്നിവരാണ് ഉറൂസിന്റെ ഉടമസ്ഥരായ മറ്റ് ചില പ്രമുഖർ.

കൊറോണ വൈറസ് മഹമാരിയിൽ നേരിടുന്ന വെല്ലുവിളികൾക്കിടയിലും ഈ വർഷം ജനുവരി മുതൽ മാർച്ച് വരെ ലോകമെമ്പാടും 1,382 യൂണിറ്റ് ഉറൂസ് എസ്‌യുവികളാണ് ലംബോർഗിനി വിതരണം ചെയ്തത്.

കമ്പനി തങ്ങളുടെ മോഡൽ ശ്രേണി വൈദ്യുതീകരിക്കാനുള്ള ഒരു റോഡ്മാനെക്കുറിച്ച് അടുത്തിടെ രൂപരേഖയും തയ്യാറാക്കിയിട്ടുണ്ട്. ഹൈബ്രിഡ്, ഇലക്ട്രിക് വാഹനങ്ങളുടെ പ്രവർത്തനങ്ങൾക്കായി ബ്രാൻഡ് 1.8 ബില്യൺ ഡോളർ നിക്ഷേപിക്കും.