Just In
- 34 min ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
- 1 hr ago ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- 2 hrs ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
- 3 hrs ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
Don't Miss
- Finance മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം
- Lifestyle രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം
- Movies 'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
പിടിച്ചു നിര്ത്താന് കഴിഞ്ഞില്ല, ഫെറാറിയില് നാശം വിതച്ച് യുവതി — ഹൃദയം തകര്ന്നു കാര് പ്രേമികള്
ഡാഷ്ബോര്ഡില് സ്ഥാപിച്ച ക്യാമറയ്ക്ക് മുമ്പില് പരിസരം മറന്നു അവള് വിളിച്ചു കൂവി, 'താന് ഫെറാറി ഓടിക്കുകയാണ്'. ജീവിതത്തില് ആദ്യമായി ഫെറാറി ഓടിച്ചതിന്റെ അനുഭവം ലോകത്തോടു പങ്കിടാന് ആ യുവതി വെമ്പല് പൂണ്ടു. പക്ഷെ സന്തോഷനിമിഷങ്ങള് ഏറെ നീണ്ടില്ല. ഷോറൂമില് നിന്നും പുറത്തിറങ്ങിയ ഫെറാറിയ്ക്ക് മിനിറ്റുകള് മാത്രമെ ആയുസുണ്ടായിരുന്നുള്ളു.
റോഡില് തകര്ന്നു നുറങ്ങിയ പുത്തന് ഫെറാറി 458 -നെ കണ്ടു ഹൃദയം തകര്ന്നു നില്ക്കുകയാണ് വാഹന പ്രേമികള്. ചൈനയിലാണ് സംഭവം. ബെയ്ജിങ്ങില് കാറുകള് വാടകയ്ക്ക് കിട്ടുന്ന ഷോറൂമില് നിന്നും പുത്തന് ഫെറാറി 458 എടുത്തു പുറത്തിറങ്ങിയതായിരുന്നു യുവതി.
എന്നാല് ഫെറാറി ഓടിച്ച ആവേശത്തില് യുവതിക്ക് ഒരുനിമിഷം ശ്രദ്ധതെറ്റി. ഡാഷ്ബോര്ഡ് ക്യാമറയില് യുവതി അനുഭവം പങ്കിട്ടു കൊണ്ടിരിക്കെ സൂപ്പര്കാറിന്റെ നിയന്ത്രണം നഷ്ടപ്പെടുകയായിരുന്നു.
മഴനനഞ്ഞ റോഡില് വേഗത്തിലെത്തിയ ഫെറാറിയെ ബ്രേക്ക് പിടിച്ചു നിര്ത്താന് യുവതി ശ്രമിച്ചെങ്കിലും നടന്നില്ല. റോഡില് സ്ഥാപിച്ച സിസിടിവി ക്യാമറയിലാണ് ദൃശ്യങ്ങള് മുഴുവന് പതിഞ്ഞത്. റോഡില് നിന്നും തെന്നിമാറിയ കാര് നടുവില് സ്ഥാപിച്ച ഡിവൈഡര് തകര്ത്ത് എതിര് ദിശയിലേക്ക് കടക്കുകയായിരുന്നു.
ഫെറാറിയുടെ അപ്രതീക്ഷിത വരവില് എതിര് ദിശയിലും ആശയക്കുഴപ്പങ്ങളുണ്ടായി. ബിഎംഡബ്ല്യു X3 എസ്യുവിയില് ചെന്നിടിച്ചാണ് ഫെറാറി നിശ്ചലമായത്. ഇടിയുടെ ആഘാതത്തില് ബിഎംഡബ്ല്യു എസ്യുവി കറുത്ത നിസാന് സെഡാനുമായി കൂട്ടിയിടിക്കുന്നതും വീഡിയോയില് കാണാം.
അപകടത്തില് ഫെറാറിയുടെ മുന്ഭാഗം പൂര്ണമായും തകര്ന്നു നുറുങ്ങി. അതേസമയം യുവതിക്കും സഹയാത്രികര്ക്കും നിസാരമായ പരുക്കുകള് മാത്രമെ സംഭവിച്ചുള്ളു. വീണ്ടെടുക്കാന് പറ്റാത്തവിധമാണ് ഫെറാറി തകര്ന്നത്. ശേഷം പുറത്തുവന്ന ചിത്രങ്ങള് ഇക്കാര്യം വെളിപ്പെടുത്തും.
ചൈനയില് വിദേശനിര്മ്മിത സൂപ്പര് കാറുകള് നികുതി കൂടുതലാണ്. ഇക്കാരണത്താല് ബന്ധപ്പെട്ട ഷോറൂമിന് അഞ്ചു ലക്ഷം പൗണ്ടോളം (ഏകദേശം അഞ്ചു കോടി രൂപ) മുടക്കേണ്ടി വന്നു ഫെറാറി 458 -നെ നിരത്തില് ഇറക്കാന്. ഇതേ കാറാണ് ഇപ്പോള് അപകടത്തില് തകര്ന്നടിഞ്ഞതും.
ഇന്ഷൂറന്സ് പരിധിയില് കാറിന് നഷ്ടപരിഹാരം ലഭിക്കുമോയെന്ന കാര്യം വ്യക്തമല്ല. 4,499 സിസി V8 എഞ്ചിനാണ് ഫെറാറി 458 -ല് തുടിക്കുന്നത്. എഞ്ചിന് 9,000 rpm -ല് 562 bhp കരുത്തും 6,000 rpm -ല് 540 Nm torque ഉം പരമാവധി സൃഷ്ടിക്കാന് കെല്പ്പുണ്ട്.
എന്നാല് 3,250 rpm പിന്നിടുമ്പോള് തന്നെ എണ്പതു ശതമാനം ടോര്ഖ് കാറിന് ലഭിക്കുമെന്നും ഇവിടെ എടുത്തുപറയണം. യഥാര്ത്ഥത്തില് കാറില് ഇരച്ചെത്തിയ കരുത്തിനെ വരുതിയ്ക്ക് നിര്ത്താന് യുവതിക്ക് കഴിഞ്ഞില്ല. വലിയ കാറുകള് ഓടിച്ചുള്ള പരിചയക്കുറവ് യുവതിക്ക് ഇവിടെ വിനയായി.
സൂപ്പര്കാറുകള് വിലയേറിയ താരങ്ങളാണെന്നു പ്രത്യേകം പറയേണ്ടതില്ല. കോടികള് വിലമതിക്കുന്ന സൂപ്പര്കാറുകളെ നിരത്തിലേക്ക് ഇറക്കുമ്പോള് ഉടമകളുടെ ചങ്കിടിക്കും.
പരിസര ബോധമില്ലാതെ സൂപ്പര്കാറുകളെ ക്യാമറയില് പകര്ത്താനായി ഓടിയടുക്കുന്ന കാര്പ്രേമികളും സൂപ്പര്കാറുകളെ ബൈക്കില് പിന്തുടര്ന്ന് ആത്മനിര്വൃതി അടയുന്ന ബൈക്കര് സമൂഹത്തിനും മുന്നില് നിസാഹയരായി നോക്കി നില്ക്കാനെ ഉടമകള്ക്ക് കഴിയുകയുള്ളു.
ഇന്ത്യയില് ആദ്യമായി വന്ന മക്ലാരന് 720 -നെ കണ്ടു ഹാലിളകിയ ബെംഗളൂരുവും ബുഗാട്ടി ഷിറോണിന് മുന്നില് എടുത്തുചാടിയ ലണ്ടനും ഇക്കാര്യത്തില് സമമാണ്. മുമ്പൊരിക്കല് നടുറോഡില് കോടികള് വിലമതിക്കുന്ന ലംബോര്ഗിനി അവന്റഡോറിനെ ചവിട്ടി മെതിക്കുന്ന വിരുതന്റെ ദൃശ്യങ്ങള് വന്തോതില് ചര്ച്ച ചെയ്യപ്പെട്ടിരുന്നു.
ആളുകള് നോക്കി നില്ക്കെ ലംബോര്ഗിനിയുടെ ബോണറ്റിലേക്കും തുടര്ന്ന് വിന്ഡ്സ്ക്രീന് മുകളിലൂടെ മേല്ക്കൂരയിലേക്കും ചവിട്ടി കയറുന്ന വിരുതനെയാണ് അന്നു വീഡിയോ വെളിപ്പെടുത്തിയത്.