ഏറ്റവുമധികം ജവാന്മാര്‍ കൊല്ലപ്പെടുന്നത് ബൈക്കപകടങ്ങളില്‍

നീങ്ങുക.

2014 മാര്‍ച്ചിനും 2015 മാര്‍ച്ചിനും ഇടയില്‍ ആകെ 42 ബോര്‍ഡര്‍ സെക്യൂരിറ്റി ഫോഴ്‌സ് ജവാന്മാര്‍ മോട്ടോര്‍ബൈക്ക് അപകടങ്ങളില്‍ മരിച്ചിട്ടുണ്ട്. ഇവയൊന്നും തന്നെ ജോലിക്കിടയില്‍ സംഭവിച്ചതല്ല എന്നതാണ് പ്രത്യേക ശ്രദ്ധയാകര്‍ഷിക്കുന്ന സംഗതി. ജവാന്‍മാര്‍ അവധിയിലിരിക്കുമ്പോളാണ് ഈ അപകടമരണങ്ങളെല്ലാം സംഭവിച്ചത്.

മാസത്തില്‍ ശരാശരി അഞ്ച് ജവാന്മാര്‍ വീതം അവധിയിലിരിക്കുമ്പോള്‍ അപകടങ്ങളില്‍ കൊല്ലപ്പെടുന്നത് തങ്ങളെ ആശങ്കപ്പെടുത്തുന്നുവെന്ന് ബിഎസ്എഫ് ഡയറക്ടര്‍ ജനറല്‍ ഡികെ പഥക് പറയുന്നു.

ബിഎസ്എഫ് പോലുള്ള ഒരു പട്ടാളവിഭാഗത്തില്‍ ജോലിയെടുക്കുന്നവര്‍ അലക്ഷ്യമായ ഡ്രൈവിങ് മൂലം കൊല്ലപ്പെടുന്നത് തങ്ങള്‍ പ്രത്യേകമായി ശ്രദ്ധിക്കുന്നുവെന്നും പരിഹാരനടപടികള്‍ തുടങ്ങിയെന്നും അദ്ദേഹം പറഞ്ഞു.

45നും 50നും ഇടയ്ക്ക് പ്രായമുള്ളവരാണ് ബൈക്കപകടങ്ങളില്‍ കൊല്ലപ്പെട്ടവരില്‍ അധികം പേരും. സുരക്ഷിതമായി റൈഡ് ചെയ്യുന്നതിനുള്ള പരിശീലനം നല്‍കുന്നത് അടക്കമുള്ള മാര്‍ഗങ്ങള്‍ ആലോചിക്കുന്നുണ്ട് ബിഎസ്എഫ്. പട്ടാളക്കാര്‍ക്കിടയില്‍ അമിതവേരത്തില്‍ വാഹനമോടിക്കുന്നതിനുള്ള പ്രവണത കൂടുതലുണ്ടോ എന്നും പരിശോധിക്കും.