ശത്രുക്കൾക്ക് ഒരു താക്കീതായി ചൈനയ്ക്ക് അത്യാധുനിക പടക്കപ്പൽ

വ്യോമാക്രമണങ്ങൾ കണ്ടെത്താൻ കഴിയുന്ന ടൈപ്പ് 346 ആരെ റഡാർ സിസ്റ്റമാണ് 7,000ടൺ ഭാരമുള്ള ഈ പടക്കപ്പലിലുള്ളത്.

ഇതുകൂടാതെ 64 എച്ച്ക്യൂ-9 റെഡ് ബാനർ മിസൈലുകൾ, 8 വൈജെ-62 ആന്റി ഷിപ്പ് മിസൈലുകൾ, 130 മില്ലിമീറ്ററ്‍ നീളമുള്ള ഷിപ്പ് ഗൺ, 6 ആന്റി-സബ്മറൈൻ ടോർപ്ഡോസ് എന്നീ യുദ്ധസന്നാഹങ്ങളാണ് ഈ കപ്പലിൽ സജ്ജീകരിച്ചിരിക്കുന്നത്.

സൈനികാവശ്യങ്ങൾക്കായി ഹാർബിൻ സെഡ്-9 ഹെലികോപ്റ്ററും ഈ യുദ്ധക്കപ്പലിനോട് ചേർത്തിട്ടുണ്ട്. ഏതാണ്ട് 280ഓളം ജീവനക്കാരെയാണ് നിയമിച്ചിട്ടുള്ളത്.

ചൈനയുടെ മിസൈൽ ഡിസ്ട്രോയർ എന്ന ക്ലാസിൽ പെടുന്ന മൂന്നാമത്തെ പടക്കപ്പലാണ് ഹെഫി.

മിസൈലുപയോഗിച്ചുള്ള വ്യോമാക്രമണങ്ങൾ കണ്ടെത്താൻ കഴിവുള്ള റഡാർ സിസ്റ്റമാണ് ഈ പടക്കപ്പലിന്റെ പ്രധാന സവിശേഷത.

കൂടാതെ ഇതിലെ ജീവനക്കാർക്കും ആധുനിക രീതിയിലുള്ള മികച്ച സൗകര്യങ്ങളാണ് ഒരുക്കിയിട്ടുള്ളത്.

സൈനികർക്കായിട്ടുള്ള ഭക്ഷണശാലയും കായികാദ്ധ്വാനത്തിനുള്ള ജിമും ഈ പടക്കപ്പലിൽ ഒരുക്കിയിട്ടുണ്ട്.

ഇന്ത്യയ്ക്കും അമേരിക്കയ്ക്കും ഒരുപോലെ വെല്ലുവിളിയുർത്തിയാണ് ഈ കപ്പൽ ചൈനീസ് നാവികസേനയുടെ ഭാഗമായത്.

കരുത്തുറ്റ റഡാർ സിസ്റ്റം ഉൾപ്പെടുത്തിയതോടുകൂടി അക്രമണങ്ങളെ ചെറുത്തുനിൽക്കാനുള്ള ശേഷികൂടി നേടിയിരിക്കുകയാണ് ചൈന. ഇത് ശത്രുക്കൾക്കുള്ള ഒരു താക്കീത് കൂടിയാണ്.

ഇന്ത്യ വീണ്ടും ചരിത്രം കുറിക്കുന്നു

ISRO: ഓരോ ഭാരതീയനും പുളകിതരാകുന്ന നിമിഷങ്ങൾ