ഹ്യുണ്ടായി സൊനാറ്റയിലും മാഗി പാചകം ചെയ്യാം!

ഇവിടെ ഒരു വീഡിയോ നിങ്ങളുമായി പങ്കുവെയ്ക്കുകയാണ്. സംഭവം ഇത്രയേ ഉള്ളു, ഒരു യാത്രക്കിയടില്‍ യാത്രികന്‍ ഭക്ഷണം കഴിക്കുന്നതിന് മാഗി പാകം ചെയ്യുന്ന വീഡിയോയാണ്. കാറിന്റെ ബോണറ്റ് തുറന്ന് എഞ്ചിനില്‍ നിന്നുള്ള ചൂട് ഉപയോഗിച്ചാണ് ഈ യാത്രികന്‍ മാഗി പാകം ചെയ്യുന്നത്. ഇതെങ്ങനെ സംഭവിക്കും എന്നല്ലേ!.

വീഡിയോയില്‍, മാഗി പാകം ചെയ്യാന്‍ പരീക്ഷണം നടത്തുന്നത് ഹ്യുണ്ടായ് സോണാറ്റ എംബെറയുടെ എഞ്ചിനാണ്. വീഡിയോയിലുള്ളയാള്‍ മാഗി എടുത്ത് ഒരു സ്റ്റീല്‍ പാത്രത്തില്‍ ആക്കിയ ശേഷം കാറിന്റെ എഞ്ചിനോട് ചേര്‍ത്ത് വെയ്ക്കുന്നു. ഒരു അലുമിനിയം കടലാസുകൊണ്ട് മൂടിയ ശേഷം എഞ്ചിന്‍ ബേയില്‍ മെറ്റല്‍ വയര്‍ ഉപയോഗിച്ച് സുരക്ഷിതമാക്കി വെയ്ക്കുന്നു. ബോണറ്റ് അടച്ചതിന് ശേഷം അദ്ദേഹം യാത്ര തുടരുന്നു.

യാത്ര ആരംഭിക്കുന്നതോടെ എഞ്ചിന്‍ പ്രവര്‍ത്തനക്ഷമമാകുകയും, താപനില ഉയര്‍ത്തുന്നതോടെ മാഗിക്ക് ആവശ്യമായ ചൂട് ലഭിച്ചു തുടങ്ങുകയും ചെയ്യുന്നു. കുറച്ച് ദുരം കാര്‍ ഓടിച്ച ശേഷം, കാര്‍ നിര്‍ത്തി പരീക്ഷണം നടത്തിയത് വിജയിച്ചോ എന്ന് അയാള്‍ പരിശോധിക്കുന്നതും വീഡിയോയില്‍ കാണാന്‍ സാധിക്കും.

ബോണറ്റ് തുറന്ന് സ്റ്റീല്‍ പാത്രം പുറത്തെടുത്ത് യാത്രികന്‍ പരിശോധിക്കുന്നത് കാണാന്‍ സാധിക്കും. അലുമിനിയം കടലാസ് മാറ്റുന്നതിനിടയില്‍ ചൂട് കാരണം ഇടയ്ക്ക് കൈ പിന്നോട്ട് വലിക്കുന്നതു കാണാം. ചില ഭാഗങ്ങളില്‍ നന്നായി വെന്തും, ചില ഭാഗങ്ങളില്‍ കുറച്ചു മാത്രം വേവിച്ചതായി തോന്നിയെങ്കിലും പാത്രത്തില്‍ നിന്ന് മാറ്റി യുവാവ് മാഗി കഴിക്കുന്നത് കാണാം.

ഒരു നീണ്ട യാത്രയില്‍, മാഗി പോലുള്ള ഭക്ഷണങ്ങള്‍ എളുപ്പത്തില്‍ പാചകം ചെയ്യാനും വിശപ്പ് ശമിപ്പിക്കാനും കഴിയുമെന്നും യുവാവ് പറയുന്നു. ഒരുപക്ഷേ ചൂടുവെള്ളം ചേര്‍ത്ത് പാകം ചെയ്യാന്‍ കഴിയുന്ന ന്യൂഡില്‍സ് പായ്ക്കുകള്‍ കൈയ്യില്‍ കരുതിയാലും ഇത്തരം യാത്രകളില്‍ ഭക്ഷം എളുപ്പത്തില്‍ പാചകം ചെയ്യാന്‍ സാധിക്കും.

2001 -ലാണ് കൊറിയന്‍ വാഹനമായ ഹ്യൂണ്ടായ് സൊനാറ്റ ഇന്ത്യന്‍ വിപണിയില്‍ എത്തുന്നത്. പിന്നാലെ സൊനാറ്റയെ ഡിസൈനില്‍ മാറ്റം വരുത്തി വിപണിയില്‍ അവതരിപ്പിച്ചു. ഡിസൈനിനൊപ്പം തന്നെ സൊനാറ്റ എംബെറ എന്ന പേരും നല്‍കി. അന്നത്തെ ഹോണ്ട അക്കോഡ് കാറിന് സമാനമാണ് പുതിയ സൊനാറ്റ എംബെറ എന്ന് പലരും അഭിപ്രായപ്പെട്ടു.

സൊനാറ്റയുടെ രണ്ടു മോഡലുകളാണ് ഹ്യുണ്ടായ് ഇന്ത്യയില്‍ വിറ്റഴിച്ചിരുന്നത്. 18,74,839 രൂപയാണ് വാഹനത്തിന്റെ പ്രാരംഭ വില. 2015 -ഓടെ ഇന്ത്യന്‍ വിപണിയില്‍ നിന്ന് ഹ്യൂണ്ടായ് സൊനാറ്റയെ പിന്‍വലിച്ചു. തൃപ്തികരമായ വില്‍പനയില്ലാത്തതാണ് വാഹനം പിന്‍വലിക്കാന്‍ കാരണമെന്നാണ് കമ്പനിയുടെ വിശദീകരണം.

പ്രീമിയം വാഹനവിഭാഗത്തില്‍ ഇടംപിടിക്കുന്ന സൊനാറ്റ സെഡാന്‍ ഇന്ത്യയിലെ വിപണി സാഹചര്യത്തില്‍ പിടിച്ചുനില്‍ക്കാനാവാതെയാണ് പിന്‍വലിയുന്നത്. സ്‌കോഡ സൂപ്പര്‍ബ്, ടൊയോട്ട കാമ്രി, ഫോക്സ്വാഗണ്‍ ജെറ്റ തുടങ്ങിയ വാഹനങ്ങളാണ് സൊനാറ്റയ്ക്ക് എതിരാളികളി അന്ന് വിപണിയില്‍ ഉണ്ടായിരുന്നത്. മാന്വല്‍ ഗിയര്‍ബോക്സിലും ഓട്ടോമാറ്റിക് ഗിയര്‍ബോക്സിലും ഈ വാഹനം ലഭ്യമാക്കുന്നുണ്ടായിരുന്നു ഹ്യൂണ്ടായ്.

Source:Mr.Indian Hacker/YouTube