ഏഷ്യയിലെ ഏറ്റവും വലിയ തൂക്കുപാലം ചൈനയിൽ

ലോഗ്ജിയാംഗ് പാലത്തിന്റെ മൊത്തത്തിലുള്ള നിർമാണ ചിലവ് 151 മില്ല്യൺ യൂറോയാണ്. ഏകദേശം ഇന്ത്യൻ രൂപ 1538 കോടിയോളമാകും.

വലുപ്പത്തിന്റെ കാര്യത്തിൽ ലോകത്തിൽ വെച്ച് ലോഗ്ജിയാംഗിന് ഏഴാം സ്ഥാനമാണെങ്കിലും രണ്ട് തൂണുകൾക്കുമിടയിലുള്ള ദൂരം കണക്കിലെടുക്കുമ്പോൾ രണ്ടാം സ്ഥാനത്താണുള്ളത്.

ഒരു തൂണിൽ നിന്നും മറ്റൊരു തൂണിലേക്ക് ഏതാണ്ട് 3,890 അടി ദൂരമാണ് ലോഗ്ജിയാംഗ് പാലത്തിനുള്ളത്.

സാന്‍ഫ്രാന്‍സിസ്കോയിലെ വളരെ പ്രശസ്തമായ ഗോൾഡൻ ഗേറ്റ് ബ്രിഡ്ജിനേക്കാൾ അല്പം ചെറുതാണിത്.

12,831 അടി നീളമുള്ള ജപ്പാനിലെ പേൾ ബ്രിഡ്ജാണ് നിലവിലെ നീളം കൂടിയ തൂക്കുപാലം.

താഴെയുള്ള കാഴ്ചകള്‍ കാണാന്‍ തക്കവണ്ണം ഗ്ലാസ് കൊണ്ട് നടപ്പാതയുള്ള അടുത്തിടെ ചൈനയിൽ നിർമാണം പൂർത്തിയായ പാലമാണ് ലോകത്തിലെ ഏറ്റവും ഉയരം കൂടിയതും നീളമുള്ളതുമായ ഗ്ലാസ് തൂക്കുപാലം.

1,410 അടി നീളവും 984 അടി ഉയരവുമാണ് ഈ പാലത്തിനുള്ളത്. താഴെ മലയിടുക്കുകളുടേയും വെള്ളച്ചാട്ടങ്ങളുടേയും മനോഹര കാഴ്ചയാണ് ചൈനയിലെ ഈ ബ്രിഡ്ജ് സമ്മാനിക്കുന്നത്.

ചൈനയിൽ തന്നെ പണിതിട്ടുള്ള 1,627 അടി ഉയരമുള്ള സിധു റിവർ ബ്രിഡ്ജാണ് ലോകത്തിലെ ഏറ്റവും ഉയരം കൂടിയ തൂക്കുപാലം.

ദൻയാങ്-കുൻഷൻ ഗ്രാന്റ് ബ്രിഡ്ജ് എന്ന പേരുള്ള ലോകത്തിലെ ഏറ്റവും നീളം കൂടിയ റെയിൽവെ പാലവും ചൈനയിലാണ് സ്ഥിതി ചെയ്യുന്നത്.

164.8 കിലോമീറ്റർ നീളമുള്ള ഈ പാലത്തിന് നീളംകൂടിയ പാലത്തിനുള്ള ഗിന്നസ് വേൾഡ് റെക്കോർഡും ലഭിച്ചിട്ടുണ്ട്.

വലുപ്പമേറിയതും നീളം കൂടിയതുമായ പാലങ്ങളുടെ നിർമാണത്തിനാണ് ചൈനയിപ്പോൾ കൂടുതൽ പ്രാധാന്യം നൽകുന്നതെന്ന് പറയാം.

ലോകത്തിലെ ഏറ്റവും വലിയ സ്ഫടിക പാലം ചൈനയിൽ നിർമാണം പൂർത്തിയാക്കുന്നു

ലോകത്തിലെ ഏറ്റവും നിര്‍മാണച്ചെലവുള്ള 10 പാലങ്ങൾ

കുത്തനെയുള്ള ഈ പാലത്തില്‍ കയറാന്‍ ഇത്തിരി ധൈര്യം വേണം