നിയമലംഘകരെ പിടികൂടാൻ ഹൈ-ടെക് ക്യാമറയുമായി ദുബായ് പോലീസ്

റോഡിലെ ലെയിനുകള്‍ തെറ്റിച്ചുള്ള വണ്ടിയോടിക്കൽ, അമിത വേഗത, ഓവർടേക്കിംഗ് എന്നീതരത്തിലുള്ള നിയമം ലംഘിച്ചുള്ള കുറ്റകൃത്യങ്ങളായിരിക്കും ക്യാമറ പകർത്തിയെടുക്കുക.

സാങ്കേതിക വിദഗ്ധരുടെ സഹായമില്ലാതെ തന്നെ ക്യാമറകള്‍ എല്ലാ നിയമലംഘനങ്ങളും രേഖപ്പെടുത്തി ഡൗണ്‍ലോഡ് ചെയ്യുന്നതായിരിക്കും.

ഏതെങ്കിലും തരത്തിലുള്ള നിയമലംഘനം കണ്ടെത്തിയാൽ ക്യാമറ ഓട്ടോമെറ്റികായി വാഹനത്തിന്റെ നിറം, മാതൃക, രെജിസ്ട്രേഷൻ നമ്പർ, ഏതുതരത്തിലുള്ള ലംഘനമാണ് എന്നൊക്കെ കൃത്യമായി രേഖപ്പെടുത്തും.

കൂടാതെ പോലീസ് രേഖപ്പെടുത്തിയിട്ടുള്ള പിടികിട്ടാ വാഹനങ്ങൾ കടന്നുപോകുന്ന പക്ഷം കമ്മാന്റ് സെന്ററിനെ ഉടൻ വിവരമറിയിക്കുന്ന തരത്തിലുള്ള സംവിധാനവും ഈ ക്യാമറയിൽ സജ്ജീകരിച്ചിട്ടുണ്ട്.

അടുത്തുള്ള പോലീസ് പട്രോളിംഗ് കാറിലേക്ക് ക്യാമറ ഓട്ടോമെറ്റികായി ലോക്കേഷൻ അടക്കമുള്ള വിവരങ്ങൾ കൈമാറുന്നതോടെ പിടികിട്ടാപുള്ളിയെ കണ്ടെത്താനുള്ള മാർഗവും വളരെ എളുപ്പമായി തീരും.

ഡ്രൈവർമാരെ കൊണ്ട് ട്രാഫിക് നിയമങ്ങൾ കർശനമായി പാലിപ്പിക്കുന്നതോടൊപ്പം പോലീസിന്റെ സഹായമില്ലാതെ തന്നെ ഗതാഗതം നിയന്ത്രിക്കാനുള്ള ഒരു സംവിധാനം കൂടിയാണിത്.

ക്യാമറ നൽകുന്ന വിവരങ്ങൾ വളരെ കൃത്യമാണെന്നതിനാൽ ആർക്കും പരാതികളൊന്നുമില്ലാതെ കാര്യങ്ങൾ ബോധ്യപ്പെടാൻ സഹായകമാകുമെന്ന് അധികൃതര്‍ വിശദീകരിച്ചു.

ഇതുപോലെയുള്ള ഒരു സംവിധാനം ഇന്ത്യയിലെത്തണമെങ്കിൽ കാലം കുറേ വേണ്ടിവരും. എന്നാലും ഇന്ത്യയിലെ ട്രാഫിക് നിയമങ്ങൾ ഏറെകുറെ കർശനമാക്കി കൊണ്ടുവന്നിട്ടുമുണ്ട്.

ഓട്ടോണമസ് കാറുകൾ മദ്യപാനികൾക്കൊരു അനുഗ്രഹമായേക്കാം എങ്ങനെ?

കെടിഎം ബൈക്കിന്റെ ഫേസ്ബുക്ക് പരസ്യം കൊലപാതകത്തിൽ കലാശിച്ചു!!