ഇ-മാലിന്യങ്ങൾ കുറയ്ക്കുന്നതിനായി ഇവി ബാറ്ററികൾ റീസൈക്കിൾ ചെയ്യാനൊരുങ്ങി ഇ-ബൈക്ക്ഗോ

ഈ തന്ത്രത്തിന് കീഴിൽ, ഇലക്ട്രിക് വാഹനങ്ങളുടെ ലിഥിയം അയൺ ബാറ്ററികൾ പുനരുപയോഗം ചെയ്യുന്നതിനൊപ്പം ലെഡ്-ആസിഡ് ബാറ്ററികൾ റീസൈക്കിൾ ചെയ്യാൻ കഴിയുമെന്നുംഇവി സ്റ്റാർട്ടപ്പ് കമ്പനി അവകാശപ്പെടുന്നു.

ഈ തന്ത്രമനുസരിച്ച്, ഇവി ബാറ്ററികളുടെ ശേഷി 25 ശതമാനം കുറയുമ്പോൾ വാഹനത്തിൽ നിന്ന് പുറത്തെടുക്കാം. ഉദാഹരണത്തിന്, ഒരു വാഹനം 1,000 wh ബാറ്ററി ഉപയോഗിക്കുകയും അത് ഒരു നിശ്ചിത കാലയളവിനുശേഷം 750 wh മാത്രം സംഭരിക്കുകയും ചെയ്യുന്നുവെങ്കിൽ, റീസൈക്ലിംഗിനായി ബാറ്ററി വാഹനത്തിൽ നിന്ന് പുറത്തെടുക്കാൻ കഴിയും.

ലിഥിയം അയൺ ബാറ്ററികളുടെ കാര്യത്തിൽ, 99 ശതമാനത്തിൽ കൂടുതൽ ലിഥിയം പുനരുപയോഗത്തിനായി പുറത്തെടുക്കാം. പുതിയ ബാറ്ററികൾ നിർമ്മിക്കാൻ ഈ ലിഥിയം ഉപയോഗിക്കാം. കൂടാതെ, ഉപയോഗിച്ച ബാറ്ററികൾ സോളാർ പ്ലാന്റുകളിലോ മറ്റ് ആവശ്യങ്ങൾക്കോ ​​ഉപയോഗിക്കാം.

റീസൈക്ലിംഗ് പ്രക്രിയയിൽ ഇ-മാലിന്യങ്ങൾ ഉണ്ടാകാതിരിക്കാൻ പ്രത്യേകം ശ്രദ്ധിക്കുന്നുണ്ടെന്ന് സ്റ്റാർട്ടപ്പ് അവകാശപ്പെടുന്നു. ടയർ -1, ടയർ -2 നഗരങ്ങളിൽ പ്രഥാനമായും റീസൈക്ലിംഗ് നടക്കുന്നുവെന്ന് അവകാശപ്പെടുന്നു.

ഇത്തരം റീസൈക്ലിംഗ് തന്ത്രങ്ങൾ ഉപയോഗിച്ച്, ഇവി ബാറ്ററികളുടെ വില കുറയ്ക്കാൻ കഴിയും. ഏത് ഇലക്ട്രിക് വാഹനത്തിന്റെയും മൊത്തം വിലയുടെ 50 ശതമാനം ബാറ്ററി ഉൾക്കൊള്ളുന്നു.

ഇന്ത്യ ഇവി ബാറ്ററികൾ നിർമ്മിക്കാത്തതിനാൽ ഇവ ഇറക്കുമതി ചെയ്യേണ്ടി വരുന്നത്, ഇവികളുടെ അന്തിമച്ചെലവ് വളരെ ഉയർന്നതാക്കുന്നു, ഇത് ഇവികളിലേക്കുള്ള പരിവർത്തനത്തിന് തടസ്സമായി മാറുന്നു.

2019 സാമ്പത്തിക വർഷം റീട്ടെയിൽ ചെയ്ത 27,224 യൂണിറ്റുകളെ അപേക്ഷിച്ച് ഈ സാമ്പത്തിക വർഷത്തിൽ 27,260 യൂണിറ്റ് ഹൈ-സ്പീഡ് ഇലക്ട്രിക് ഇരുചക്രവാഹനങ്ങൾ ഇന്ത്യയിൽ വിറ്റഴിച്ചു.

ഈ തന്ത്രം പരിസ്ഥിതിക്ക് പലപ്പോഴും അപകടകരമായ ഖനനത്തിന്റെ ആവശ്യകത കുറയ്ക്കുമെന്നും ഇത് ബാറ്ററികളുടെ ROI വർധിപ്പിക്കുമെന്നും സ്റ്റാർട്ടപ്പിന്റെ സ്ഥാപകനും സിഇഒയുമായ ഇർഫാൻ ഖാൻ പറഞ്ഞു.

ഈ രീതിയിൽ, ബാറ്ററികളിലെ നിക്ഷേപത്തിന് മികച്ച വരുമാനം മാത്രമല്ല, സമൂഹത്തിന് വലിയ നേട്ടവും ലഭിക്കും എന്നും അദ്ദേഹം കൂട്ടിച്ചേർത്തു.