Click it and Unblock the Notifications
Just In
-
-
-
-
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്! വസ്തുത ഇതാണ് -
ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന്‍ ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
Tata Nexon EV Max; പ്രധാന ഹൈലൈറ്റുകള്‍ ഇതൊക്കെ
ഇന്ത്യന്‍ കാര്‍ നിര്‍മാതാക്കളായ ടാറ്റ മോട്ടോര്‍സ് അടുത്തിടെയാണ് നെക്സോണ് ഇവി മാക്സ് പുറത്തിറക്കുന്നത്. ടാറ്റയുടെ നെക്സോണ് ഇവി ഇലക്ട്രിക് എസ്‌യുവിയുടെ കൂടുതല്‍ ശക്തമായ വിപുലീകൃത ശ്രേണി പതിപ്പാണ് പുതിയ നെക്സോണ് ഇവി മാക്സ്.
കൂടുതല്‍ ശക്തമായ ബാറ്ററി, റേഞ്ച് എന്നിവയ്‌ക്കൊപ്പം ഫീച്ചറുകളിലും ചെറിയ മാറ്റങ്ങള്‍ കമ്പനി വരുത്തിയിട്ടുണ്ട്. എന്നാല്‍ ഡിസൈനില്‍ മാറ്റങ്ങള്‍ ഒന്നും തന്നെ ഇല്ലെന്ന് വേണം പറയാന്‍. ഈ ലേഖനത്തില്‍, പുതിയ ടാറ്റ നെക്സോണ് ഇവി മാക്‌സിനെ കുറിച്ച് നിങ്ങള്‍ അറിഞ്ഞിരിക്കേണ്ട കുറച്ച് കാര്യങ്ങളാണ് പങ്കുവെയ്ക്കുന്നത്.
ടാറ്റ നെക്സോണ് ഇവി മാക്സ് വിലകള്‍
ടാറ്റ നെക്സോണ് ഇവി മാക്സ് XZ+, XZ+ ലക്സ് എന്നീ രണ്ട് വ്യത്യസ്ത വേരിയന്റുകളിലാണ് വാഗ്ദാനം ചെയ്യുന്നത്. നെക്സോണ് ഇവി മാക്സിന്റെ XZ+, XZ+ ലക്സ് പതിപ്പുകള്‍ 3.3kW എസി വാള്‍ ബോക്സ് ചാര്‍ജറിനൊപ്പം സ്റ്റാന്‍ഡേര്‍ഡായി വാഗ്ദാനം ചെയ്യുന്നു.
എന്നാല്‍ വേഗതയേറിയ 7.2kW എസി ചാര്‍ജറിലേക്ക് അപ്ഗ്രേഡ് ചെയ്യാന്‍ ആഗ്രഹിക്കുന്ന ഉപഭോക്താക്കള്‍ 50,000 രൂപ അധികമായി നല്‍കേണ്ടിവരും.
| Nexon EV Max | Charger Option | Price |
| XZ+ | 3.3 kW | ₹17.74 Lakh |
| XZ+ | 7.2 kW AC Fast Charger | ₹18.24 Lakh |
| XZ+ Lux | 3.3 kW | ₹18.74 Lakh |
| XZ+ Lux | 7.2 kW AC Fast Charger | ₹19.24 Lakh |
മോട്ടോര്‍ & ബാറ്ററി സവിശേഷതകള്‍
141 bhp കരുത്തും 250 Nm പീക്ക് ടോര്‍ക്കും ഉത്പാദിപ്പിക്കുന്ന ഒരൊറ്റ പെര്‍മനന്റ് മാഗ്‌നറ്റ് സിന്‍ക്രണസ് AC മോട്ടോറാണ് നെക്സോണ് ഇവി മാക്സിന് കരുത്ത് പകരുന്നത്.
നെക്സോണ് ഇവി മാക്സിന്റെ മോട്ടോറിന് കരുത്തേകുന്നത് ലിക്വിഡ്-കൂള്‍ഡ്, ഹൈ ഡെന്‍സിറ്റി ലിഥിയം-അയണ്‍ ബാറ്ററി പായ്ക്കാണ്, 40.5kWh റേറ്റിംഗ് 437 കിലോമീറ്ററാണ്. നെക്സോണ് ഇവിയുടെ മോട്ടോറും ബാറ്ററി പാക്കും പൊടി, വെള്ളം, ഷോക്ക് എന്നിവയ്ക്കുള്ള IP67 റേറ്റിംഗുകള്‍ ഉള്‍ക്കൊള്ളുന്നു. മോട്ടോര്‍, ബാറ്ററി പാക്കിന് 8 വര്‍ഷം/1,60,00 കിലോമീറ്റര്‍ വാറന്റിയും ടാറ്റ വാഗ്ദാനം ചെയ്യുന്നു.
നെക്സോണ് ഇവി മാക്സ് മൂന്ന് വ്യത്യസ്ത ഡ്രൈവിംഗ് മോഡുകള്‍ വാഗ്ദാനം ചെയ്യുന്നു - സിറ്റി, സ്പോര്‍ട്ട് & ഇക്കോ. നെക്സോണ് ഇവി മാക്സ് 9 സെക്കന്‍ഡിനുള്ളില്‍ 0-100km/h വേഗത കൈവരിക്കുമെന്നും കമ്പനി അവകാശപ്പെടുന്നു.
ചാര്‍ജിംഗ് & റീജനറേറ്റീവ് ബ്രേക്കിംഗ്
ടാറ്റ നെക്സോണ് അതിന്റെ 40.5kWh ബാറ്ററി പായ്ക്ക് ചാര്‍ജ് ചെയ്യാന്‍ മൂന്ന് വ്യത്യസ്ത ചാര്‍ജിംഗ് ഓപ്ഷനുകള്‍ വാഗ്ദാനം ചെയ്യുന്നു. സ്റ്റാന്‍ഡേര്‍ഡ് 3.3kWh വാള്‍ ബോക്സ് ചാര്‍ജറിന്റെ ഉപയോഗത്തിലൂടെയാണ് ചാര്‍ജിംഗ് ഓപ്ഷനുകളില്‍ ഏറ്റവും വേഗത കുറഞ്ഞത്. ഈ സ്റ്റാന്‍ഡേര്‍ഡ് ചാര്‍ജിംഗ് ഓപ്ഷനുമായി കണക്റ്റ് ചെയ്യുമ്പോള്‍, ഏകദേശം 15 മണിക്കൂറിനുള്ളില്‍ നെക്സോണ് ഇവി മാക്സ് അതിന്റെ ബാറ്ററി പാക്ക് 0-100 ശതമാനം നിറയ്ക്കും.
അടുത്ത ചാര്‍ജിംഗ് ഓപ്ഷന്‍ ഓപ്ഷണല്‍ 7.2kWh ഫാസ്റ്റ് AC ചാര്‍ജറാണ്. ഈ 50,000 രൂപയുടെ ഓപ്ഷണല്‍ എക്സ്ട്രാ മൊത്തം ചാര്‍ജിംഗ് സമയം 0-100 ശതമാനത്തില്‍ നിന്ന് ആറ് മുതല്‍ ഏഴ് മണിക്കൂര്‍ വരെ കുറയ്ക്കുന്നു.
50kW ഫാസ്റ്റ് DC ചാര്‍ജിംഗ് ആണ് നെക്സോണിന് വേണ്ടിയുള്ള അവസാന ചാര്‍ജിംഗ് ഓപ്ഷന്‍. ഒരു ഫാസ്റ്റ് DC ചാര്‍ജറുമായി ബന്ധിപ്പിക്കുമ്പോള്‍, വെറും 56 മിനിറ്റിനുള്ളില്‍ നെക്സോണ് ഇവി അതിന്റെ ചാര്‍ജ് 10 മുതല്‍ 80 ശതമാനം വരെ വീണ്ടെടുക്കും.
മള്‍ട്ടി-മോഡ് റീജനറേറ്റീവ് ബ്രേക്കിംഗും നെക്സോണ് ഇവി മാക്സിന്റെ സവിശേഷതയാണ്. റീജനറേറ്റീവ് ബ്രേക്കിംഗിന്റെ 4 വ്യത്യസ്ത തലങ്ങളില്‍ നിന്നും ലെവല്‍ 0-ല്‍ റീജെന്‍ ഇല്ലാത്തതും ലെവല്‍ 3-ല്‍ പരമാവധി റീജനറേറ്റീവ് ബ്രേക്കിംഗ് വാഗ്ദാനം ചെയ്യുന്നതും ഉടമകള്‍ക്ക് തിരഞ്ഞെടുക്കാം.
സവിശേഷതകള്‍
നെക്സോണ് ഇവി മാക്സ് നിരവധി ഫീച്ചറുകളാല്‍ നിറഞ്ഞതാണ്. എല്‍ഇഡി ഡേടൈം റണ്ണിംഗ് ലൈറ്റുകളും 16 ഇഞ്ച് ഡയമണ്ട് കട്ട് എയറോഡൈനാമിക് അലോയ് വീലുകളും ഇലക്ട്രിക് എസ്‌യുവിയിലുടനീളം ബ്ലൂ ഹൈലൈറ്റുകളുടെ ഉപയോഗവും പോലുള്ള എക്സ്റ്റീരിയര്‍ ഹൈലൈറ്റുകള്‍ ഇതില്‍ ഉള്‍പ്പെടുന്നു.
പുതിയ നെക്സോണ് ഇവി മാക്സിന്റെ ഉള്ളിലേക്ക് കടക്കുമ്പോള്‍, മക്രാന ബീജ് ഇന്റീരിയറുകള്‍, ഒരു ഇലക്ട്രിക് സണ്‍റൂഫ്, ഒരു ഡിജിറ്റല്‍ ഡിസ്‌പ്ലേ ഉള്ള ഒരു ജ്വല്ലഡ് കണ്‍ട്രോള്‍ നോബ് എന്നിവയില്‍ മാറ്റങ്ങള്‍ കൂടുതല്‍ വ്യക്തമാണ്, അത് ഉടമകളെ അവര്‍ ഏത് ഗിയറിലാണെന്ന് അറിയാന്‍ അനുവദിക്കുന്നു.
വെന്റിലേറ്റഡ് ലെതറെറ്റ് സീറ്റുകള്‍, പിന്‍ എസി വെന്റുകള്‍, കൂള്‍ഡ് ഗ്ലോവ്‌ബോക്സ്, ഓട്ടോ ഡിമ്മിംഗ് ഐആര്‍വിഎം, ഹര്‍മന്‍ ഇന്‍ഫോടെയ്ന്‍മെന്റ് സിസ്റ്റം, ഇലക്ട്രോണിക് പാര്‍ക്കിംഗ് ബ്രേക്ക്, വയര്‍ലെസ് ഫോണ്‍ ചാര്‍ജര്‍, എയര്‍ പ്യൂരിഫയര്‍ എന്നിവയാണ് മറ്റ് സവിശേഷതകള്‍. ക്രൂയിസ് കണ്‍ട്രോളും വലിയ 350 ലിറ്റര്‍ ബൂട്ടും വാഹനത്തിന്റെ ഹൈലൈറ്റാണ്.
സുരക്ഷാ സവിശേഷതകള്‍
നെക്സോണ് ഇവി മാക്സിന് നിരവധി സുരക്ഷാ ഫീച്ചറുകളും ടാറ്റ വാഗ്ദാനം ചെയ്യുന്നു. ഉയര്‍ന്ന കരുത്തുള്ള ഉറപ്പുള്ള സ്റ്റീല്‍, ഇരട്ട ഫ്രണ്ട് എയര്‍ബാഗുകള്‍, കുട്ടികളുടെ സീറ്റുകള്‍ക്കായി ISOFIX ആങ്കര്‍ പോയിന്റുകള്‍ എന്നിവ ഉപയോഗിച്ച് നിര്‍മ്മിച്ച ഉറപ്പുള്ള ക്യാബിന്‍ ഈ സവിശേഷതകളില്‍ ഉള്‍പ്പെടുന്നു.
EBD, ബ്രേക്ക് അസിസ്റ്റ് ഉള്ള ABS, ഓട്ടോ വെഹിക്കിള്‍ ഹോള്‍ഡ്, ഇന്റലിജന്റ് വാക്വം-ലെസ്സ് ബൂസ്റ്റ് & ആക്റ്റീവ് കണ്‍ട്രോള്‍ (i-VBAC) ഉള്ള ESP, പാനിക് ബ്രേക്ക് അലേര്‍ട്ട്, ഓട്ടോ വെഹിക്കിള്‍ ഹോള്‍ഡ്, നാല് ചക്രങ്ങള്‍ക്കും ഡിസ്‌ക് ബ്രേക്കുകള്‍ എന്നിവയും മറ്റ് സുരക്ഷാ സവിശേഷതകളില്‍ ഉള്‍പ്പെടുന്നു.
ടാറ്റ നെക്സോണ് ഇവി മാക്സ് ഇന്ത്യയിലെ ഏറ്റവും കൂടുതല്‍ വിറ്റഴിക്കപ്പെടുന്ന ഇലക്ട്രിക് കാര്‍ നിര്‍മ്മാതാവിനെ ഒരു പുതിയ തലത്തിലേക്ക് കൊണ്ടുപോകുന്നുവെന്ന് വേണം പറയാന്‍. വരും മാസങ്ങളില്‍ വാഹനം വില്‍പ്പനയ്ക്ക് എത്തുമെന്നാണ് പ്രതീക്ഷിക്കുന്നത്. ഇതുവഴി ഇലക്ട്രിക് വിഭാഗത്തിലെ വില്‍പ്പന വര്‍ധിപ്പിക്കാനാണ് കമ്പനി പദ്ധതിയിടുന്നത്.
