Click it and Unblock the Notifications
സൂപ്പര്കാറുകള് പറന്നിറങ്ങുന്നു; ആദ്യ ലംബോര്ഗിനി ഉറാക്കാന് പെര്ഫോര്മന്തെ ഇന്ത്യയില് എത്തി
ആദ്യം മക്ലാരന് 720S, പിന്നാലെ ഫെരാരി F12tdf, ഇപ്പോള് ഇതാ ലംബോര്ഗിനി ഉറാക്കാന് പെര്ഫോര്മന്തെ! ഇന്ത്യന് സൂപ്പര്കാര് സങ്കല്പങ്ങള് ചിറക് വിടര്ത്തിയിരിക്കുകയാണ്. കാര്പ്രേമികള്ക്ക് വിരുന്നൊരുക്കി ലംബോര്ഗിനി ഉറാക്കാന് പെര്ഫോര്മന്തെയും രാജ്യത്ത് എത്തി.
2017 ജനീവ മോട്ടോര്ഷോയില് അവതരിച്ച ലംബോര്ഗിനി ഉറാക്കാന് പെര്ഫോര്മന്തെ, തുടക്കം മുതല് താരപരിവേഷം കൈയ്യടക്കിയ അവതാരമാണ്. ലോകപ്രശസ്ത നേബഗ്രിങ്ങ് ട്രാക്കില് പുതിയ വേഗ റെക്കോര്ഡ് കുറിച്ചാണ് ഉറാക്കാന് പെര്ഫോര്മന്തെ കടന്നുവന്നത്.
പോര്ഷ 918 സ്പൈഡറിനെയും ലംബോര്ഗിനി അവന്റഡോര് എസ്വിയെയും പിന്തള്ളിയെത്തിയ ഉറാക്കാന് പെര്ഫോര്മന്തെ, 6:52:01 എന്ന പുതിയ ലാപ് റെക്കോര്ഡായിരുന്നു കുറിച്ചത്.
Recommended Video
631 bhp കരുത്തും 600 Nm torque ഉം പരമാവധി ഉത്പാദിപ്പിക്കുന്ന 5.2 ലിറ്റര് V10 എഞ്ചിനിലാണ് ലംബോര്ഗിനി ഉറാക്കാന് പെര്ഫോര്മന്തെ എത്തുന്നത്.
2.9 സെക്കന്ഡ് കൊണ്ട് മണിക്കൂറില് 100 കിലോമീറ്റര് വേഗതയും, 8.9 സെക്കന്ഡ് കൊണ്ട് മണിക്കൂറില് 200 കിലോമീറ്റര് വേഗതയും കൈവരിക്കാന് ഉറാക്കാന് പെര്ഫോര്മന്തെയ്ക്ക് സാധിക്കും.
മണിക്കൂറില് 325 കിലോമീറ്ററാണ് മോഡലിന്റെ ടോപ്സ്പീഡ്. 7-സ്പീഡ് ഡ്യൂവല് ക്ലച്ച് ട്രാന്സ്മിഷനാണ് മോഡലില് ലംബോര്ഗിനി നല്കുന്നത്. ഇലക്ട്രോ മെക്കാനിക്കല് പവര്സ്റ്റീയറിംഗ്, പുതുക്കിയ എക്സ്ഹോസ്റ്റ്, വീതിയേറിയ എയര് ഇന്ടെയ്ക്കുകള്, പുതിയ ടൈറ്റാനിയം വാല്വുകള്, ഫ്ളൂയിഡ് ഡൈനാമിക്സ് എന്നിവ ലംബോര്ഗിനി ഉറാക്കാന് പെര്ഫോര്മന്തെയുടെ പെര്ഫോര്മന്സ് ഫീച്ചറുകളാണ്.
ഉറാക്കാനുകളെ അപേക്ഷിച്ച് 40 കിലോഗ്രാം ഭാരക്കുറവിലാണ് ഉറാക്കാന് പെര്ഫോര്മന്തെ എത്തുന്നത്. പുതിയ ഡിജിറ്റല് കോക്പിറ്റ്, സ്ട്രാഡ-സ്പോര്ട്-കോര്സ എന്നിങ്ങനെ തെരഞ്ഞെടുക്കാവുന്ന ഡ്രൈവിംഗ് മോഡുകളും ഇന്റീരിയര് വിശേഷങ്ങളില് ഉള്പ്പെടും.
ലംബോര്ഗിനിയുടെ ആഡ് പെര്സോണം പ്രോഗ്രാം മുഖേന ഉറക്കാന് പെര്ഫോര്മന്തെയെ കസ്റ്റമൈസ് ചെയ്യാനുള്ള അവസരവും ഉപഭോക്താക്കള്ക്ക് ലംബോര്ഗിനി നല്കുന്നുണ്ട്.
274,390 ഡോളറാണ് ലംബോര്ഗിനി ഉറാക്കാന് പെര്ഫോര്മന്തെയുടെ രാജ്യാന്തര വില. എന്നാല് 5 കോടിക്ക് മേലെയാണ് ഉറാക്കാന് പെര്ഫോര്മന്തെയുടെ ഇന്ത്യന് വരവിന് ചെലവായതെന്നാണ് റിപ്പോര്ട്ടുകള്.
Image Source:Automobili Ardent | Petrolhead Lifestyle
Continue with Google