മോട്ടോർബൈക്കിനെ10 മിനിട്ടിൽ ഹെലികോപ്റ്ററാക്കാവുന്ന ഹെലിസൈക്കിൾ വരുന്നു

ഡച്ച് കമ്പനിയായ പാൽ-വി ഈ ഹെലിസൈക്കളിന്റെ ലിമിറ്റഡ് എഡിഷൻ മോഡൽ ഇറക്കാനുള്ള പദ്ധതിയിലാണ്. നിർമാണം പൂർത്തീകരിച്ച് അടുത്ത വർഷമായിരിക്കും പാൽ-വി ലിമിറ്റഡ് എഡിഷന്റെ വിപണനം ആരംഭിക്കുക.

മൂന്ന് ചക്രമുള്ള മോട്ടോർസൈക്കിളിനെ എളുപ്പത്തിൽ വെറും പത്ത് മിനിട്ട് കൊണ്ട് ഹെലികോപ്റ്ററാക്കാൻ സാധിക്കും.

ഹെലികോപ്ടറിനെ പോലെ പിന്നിലും മുകളിലുമുള്ള പങ്കകൾ ഉപയോഗിച്ച് പറക്കുന്ന ഈ വാഹനം ഗൈറോക്പറ്റർ എന്ന ഗണത്തിൽ പെടുന്നതാണ്.

എന്നാൽ ഹെലികോപ്ടറിന് ഉണ്ടാകുന്നത്ര ശബ്ദം ഈ പറക്കും മോട്ടോർബൈക്കിന് ഇല്ലെന്നുള്ള പ്രത്യേകതയുണ്ട്.

ആകാശത്തുകൂടെ മണിക്കൂറില്‍ 112 മൈല്‍ വേഗത്തിൽ പറക്കാൻ ഈ പാൽ-വി ഹെലിസൈക്കിളിന് കഴിയും.

റോഡിലാണെങ്കിൽ എട്ടുസെക്കന്റുകൊണ്ട് അറുപത് മൈല്‍ വേഗത്തിൽ ഓടാനും സാധിക്കും.

റോഡിൽ ഓടാൻ ഈ വാഹനത്തിന് ലിറ്ററിന് 12കി.മി മോലേജാണ് ഉള്ളത്. ഒരു മണിക്കൂർ പറക്കാൻ ആവശ്യമായി വരുന്നതോ 36ലിറ്റർ പെട്രോൾ.

230 ബിഎച്ച്പിയുള്ള ഫോർ സിലിണ്ടർ പെട്രോൾ എൻജിനാണ് ഡച്ച് നിർമിത പാൽ-വിയ്ക്ക് കരുത്തേകുന്നത്.

പറക്കുമ്പോൾ എൻജിന്റെ കരുത്ത് പങ്കകളിലും അല്ലാത്തപ്പോൾ വീലുകളിലുമായിരിക്കും കേന്ദ്രീകരിക്കുക.

പറക്കാനായി ഈ ഹെലിസൈക്കിളിന് 540 അടി ദൈര്‍ഘ്യമുള്ള റണ്‍വേ ആവശ്യമായി വരുമെന്നുള്ളതാണ് മറ്റൊരു പ്രത്യേകത.

ഹെലികോപ്ടറിനെ പോലെ രണ്ടു പേര്‍ക്കിരിക്കാവുന്ന ഈ വാഹനം റോട്ടോര്‍ ഉപയോഗിച്ചാണ് പറക്കുന്നത്.

എന്നാൽ ഹെലികോപ്റ്ററിന്റെ ബ്ലേഡുകളെക്കാളും സാവധാനത്തിലാണ് ഈ റോട്ടർ കറങ്ങുക. റോഡിലൂടെ പോകുമ്പോളിത് ഒതുക്കിവയ്ക്കാവുന്നതുമാണ്.

ഈ ഹെലിസൈക്കിൾ പറപ്പിക്കാൻ അല്ലെങ്കില്‍ ഓടിക്കാൻ പ്രത്യേക ലൈസന്‍സ് അത്യാവശ്യമാണ്. സ്‌പോര്‍ട്‌സ് പൈലറ്റ് സര്‍ട്ടിഫിക്കറ്റാണ് ഇതിനാവശ്യമായിട്ടുള്ളത്.

വേറിട്ടൊരു യാത്ര സമ്മാനിക്കൻ ഫ്ലോട്ടിംഗ് എയർപോർട് യാഥാർത്ഥ്യമാവുന്നു

'ഗഗാൻ' എത്തി വിമാനങ്ങൾക്കിനി ഒരിക്കിലും ദിശ തെറ്റില്ല!!!