റോൾസ് റോയിസ് -ഹൃത്വിക്കിന്റെ പിറന്നാൾ ഗിഫ്റ്റ്

സൂപ്പർ താരത്തിന്റെ പിറന്നാൾ ആഘോഷത്തിന് ഒരു കുറവും വരാൻ പാടില്ലല്ലോ. ഏഴ് കോടി രൂപയുടെ കാറാണ് പിറന്നാൾ ദിനത്തിൽ ഹൃത്വിക് സ്വന്തമാക്കിയിത്.

സാധാരണ വലിയ ആർഭാടങ്ങളൊന്നുമില്ലാതെയുള്ള ആഘോഷങ്ങളായിരുന്നു പതിവ്. ഇത്തവണ കാറിന് പുറമെ ബോളിവുഡ് സുഹൃത്തുക്കൾക്ക് ഗംഭീര വിരുന്നും ഒരുക്കിയിരുന്നു. ഇദ്ദേഹത്തിന്റെ ക്ഷണം സ്വീകരിച്ചുകൊണ്ട് ഏകദേശം ഇരുന്നൂറോളം പേരാണ് ചടങ്ങിൽ പങ്കെടുത്തത്.

ഹൃത്വികിന്റെ ആഡംബര കാറുകളോട് ഉള്ള പ്രിയമാകാം റോൾസ് റോയിസ് സ്വന്തമാക്കാൻ അദ്ദേഹത്തെ പ്രേരിപ്പിച്ചത്. ഇതിനകം റോൾസ് റോയിസ് കൂടാതെ പല ആഡംബരകാറുകളും താരം സ്വന്തമാക്കിയിരുന്നു.

മേഴ്സിഡസ് എസ് ക്ലാസ്, ഫോഡ് മസ്താങ്, പോർഷെ,ഫെരാരി, മെസറാട്ടി സ്പൈഡർ, ജാഗ്വർ എസ്ജെ എന്നിങ്ങനെ പോകുന്നു ആ നീണ്ട നീര.

നീല നിറത്തിൽ അലുമിനിയം ബോണറ്റ് ഘടിപ്പിച്ചുള്ള ഗോസ്റ്റ് സീരിസാണ് താരം സ്വന്തമാക്കിയത്. ഇതിന്റെ ഓൺ റോഡ് വില ഏകദേശം ഏഴ് കോടി രൂപ വരും.

6.6ലിറ്റർ ട്വിൻ ടർബോചാർജ്ഡ് വി12 എൻജിനാണ് ഇതില്‍ ഘടിപ്പിച്ചിരിക്കുന്നത്. ഗോസ്റ്റിന് 563കുതിരശക്തിയും 780എൻഎം ടോർക്കും ഉൽപാദിപ്പിക്കാനുള്ള കഴിവുണ്ട്.

8സ്പീഡ് ഇസഡ് എഫ് ഓട്ടോമാറ്റിക് ട്രാൻസ്മിഷൻ കൂടി ഇതിൽ ഉള്‍പ്പെടുത്തിയിട്ടുണ്ട്.

4.7 സെക്കന്റ് കൊണ്ട് പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാനുള്ള കഴിവുണ്ട്. മണിക്കൂറിൽ 250 കിലോമീറ്റർ ആണ് ഇതിന്റെ കൂടിയ വേഗത.