ലാഫെരാരി വാച്ചിന് ഒരു ഫെരാരിയുടെ വില മാത്രം!

Published: Tuesday, April 30, 2013, 10:42 [IST]

കൊടും കരുത്തുള്ള കാറുകള്‍ക്കൊപ്പം സമാനമായ ശില്‍പഭംഗിയില്‍ കംപാനിയന്‍ വാച്ചുകള്‍ പുറത്തിറക്കാറുണ്ട് ബുഗാട്ടി, ഹെന്നസി തുടങ്ങിയ കമ്പനികള്‍. ബുഗാട്ടി വെയ്റോണിന്‍റെ സമാനമായ ഡിസൈന്‍ തീമില്‍ കംപാനിയന്‍ വാച്ച് പുറത്തിറക്കിയിട്ടുണ്ട് കമ്പനി. ഫെരാരിയുടെ ഏറ്റവും പുതിടയ അവതാരമായ ലാഫെരാരിയുടെ ഒരു കംപാനിയന്‍ വാച്ച് പുറത്തിറക്കിയിട്ടുണ്ട്. ആഡംബര വാച്ച് നിര്‍മാണത്തിലൂടെ പ്രശസ്തമായ ഹബ്‍ലോട്ടുമായി ചേര്‍ന്നാണ് ഫെരാരി വാച്ച് പുറത്തിറങ്ങിയിട്ടുള്ളത്. പേര്, എംപി 05.

ഈ വാച്ചില്‍ ഹബ്‍ലോട്ട് ചെയ്തു വെച്ചിട്ടുള്ള എന്‍ജിനീയറിംഗ് പണികള്‍ ചില്ലറയല്ല. വാച്ച് കണ്ട് മുഴുമിപ്പിച്ചതിന് ശേഷം 'എവടെയാടാ സമയം നോക്കുക?' എന്ന് ചോദിക്കരുത്. വലതുവശത്ത് കാണുന്ന ഭാഗത്താണ് സമയം കാണിച്ചിരിക്കുന്നത്.

എംപി 05

സമയമെന്തായെന്ന് ആരെങ്കിലും ചോദിച്ചാല്‍ 'പോടാ ഇത് ഫെരാരീടെ വാച്ചാ' എന്ന് പറഞ്ഞാ പോരല്ലോ. ചെറിയ ആശയക്കുഴപ്പമുണ്ടാകും ആദ്യത്തില്‍. ദാണ്ടെ വലതു വശത്ത് കാണുന്നതാണ് സമയം. ഇപ്പോള്‍ സമയം 10.05 ആണ്.