ഇന്ത്യൻ വിപണി മിസ് ചെയ്യാൻ പോകുന്ന ഐതിഹാസിക ഫോർഡ് കാറുകൾ

നിരവധി മോഡലുകളും ആയിരക്കണക്കിന് ഡീലർഷിപ്പുകളും ദശലക്ഷക്കണക്കിന് സന്തുഷ്ട ഉപഭോക്താക്കളുമുള്ള ഫോഡിന്റെ വിടവാങ്ങൽ ഒരു ദുഖകരമായ കാര്യമാണ്. ഫോഡിന്റെ വിടവാങ്ങലിനെക്കുറിച്ച് പറയുമ്പോൾ, വെറും വാഹനങ്ങളല്ല, വികാരങ്ങളായി മാറിയ ബ്രാൻഡിന്റെ ഐതിഹാസിക മോഡലുകളെ സ്നേഹപൂർവ്വം ഒന്ന് ഓർക്കുന്നതിനാണ് ഈ ലേഖനം.

2003 ഫോർഡ് എൻഡവർ

18 വർഷത്തിലേറെയായി, എൻഡവർ എന്നത് ഇന്ത്യയിൽ സ്വന്തമായി ലക്ഷക്കണക്കിന് ആരാധകരുള്ള ഒരു നെയിംപ്ലേറ്റാണ്. ഏറ്റവും പുതിയ എൻഡവറിന് അതിന്റേതായ മനോഹാരിതയുണ്ടെങ്കിലും, 2003-ൽ പുറത്തിറങ്ങിയ ഒന്നാം തലമുറ ഫോർഡ് എൻഡവർ സൃഷ്ടിച്ച കോളിളക്കമൊന്നും ഉണ്ടാക്കാനാവില്ല. ഭീമാകാരമായ അളവുകളും കമാൻഡിംഗ് ലുക്കുകളുമുള്ളതിനാൽ, എൻഡവർ തികച്ചും ഒരു അമേരിക്കൻ ക്ലാസായിരുന്നു.

ഫോർഡിന്റെ ക്ലാസിക് എസ്‌യുവി പാരമ്പര്യത്തിന്റെ നിഴലായതിനാൽ, എൻഡവർ ഇന്ത്യയിൽ ഒരു തൽക്ഷണ വിജയമായിരുന്നു. 2.5 ലിറ്റർ ടർബോചാർജ്ഡ് ഡീസൽ എഞ്ചിനാണ് മെഷീൻ വാഗ്ദാനം ചെയ്തിരുന്നത്, ഇത് പരമാവധി 108 bhp കരുത്ത് ഉത്പാദിപ്പിക്കും. അക്കാലത്ത് ഇത് വളരെ ഉയർന്ന പവർ ഫിഗറായിരുന്നു. വാഹനത്തിന്റെ മനോഹാരിത വർധിപ്പിക്കുന്നതിന്, 2003 ഫോർഡ് എൻഡവർ 4WD ഓപ്ഷനും കൊണ്ടുവന്നിരുന്നു.

2004 ഫോർഡ് ഫ്യൂഷൻ

2004 -ൽ, എംപിവികളും ക്രോസ്ഓവറുകളും അത്ര പ്രചാരത്തിലില്ലാത്തപ്പോൾ, ഫോർഡ് ഇന്ത്യയിലേക്ക് ഫ്യൂഷൻ എന്നൊരു ഐക്കണിക് വാഹനം കൊണ്ടുവരാൻ തീരുമാനിച്ചു. ഉയർന്ന റൂഫുള്ള, എംപിവി-ഹാച്ച്ബാക്ക് ക്രോസ്ഓവറായി വാഹനം അരങ്ങേറ്റം കുറിച്ചു. അഞ്ച് പേർക്ക് ഏറ്റവും സുഖപ്രദമായ സീറ്റിംഗ് വാഹനം നൽകിയിരുന്നു, ഇന്ത്യയിൽ ക്രോസ്ഓവർ സെഗ്മെന്റ് ആരംഭിച്ചതിൽ ഫ്യൂഷന് ക്രെഡിറ്റ് നൽകാം. യഥാർത്ഥ എതിരാളികൾ ഇല്ലാത്തതിനാൽ, ഫ്യൂഷൻ അക്കാലത്ത് ഏറ്റവും പ്രായോഗികമായ വാഹനങ്ങളിലൊന്നായി കണക്കാക്കപ്പെട്ടിരുന്നു.

ഓട്ടോമാറ്റിക് ഹെഡ്‌ലാമ്പുകൾ, വോയ്‌സ് കൺട്രോളുള്ള ബ്ലൂടൂത്ത് കണക്റ്റിവിറ്റി, ESP, ഡ്യുവൽ എയർബാഗുകൾ മുതലായ സവിശേഷതകൾ ധാരാളം ഉണ്ടായിരുന്നു. ഇവ സെഗ്മെന്റ്-ഫസ്റ്റ് മാത്രമായിരുന്നില്ല ഇന്ത്യ-ഫസ്റ്റ് തന്നെയായിരുന്നു! 1.6 ലിറ്റർ നാച്ചുറലി ആസ്പിറേറ്റഡ് അല്ലെങ്കിൽ 1.4-ലിയർ നാച്ചുറലി ആസ്പിറേറ്റഡ് ഡീസൽ മോട്ടോർ എന്നിവ വാഹനത്തിൽ ലഭ്യമായിരുന്നു, യഥാർത്ഥത്തിൽ പണത്തിന് മൂല്യമുള്ള പ്രായോഗിക ഇന്ത്യൻ കാറുകളുടെ കാര്യത്തിൽ ഫ്യൂഷൻ ആയിരുന്നു ആദ്യ ചോയ്സ്.

2008 ഫോർഡ് ഐകൺ ജനറേഷൻ 2

ആഗോളതലത്തിൽ വിറ്റഴിക്കപ്പെടുന്ന ഫോർഡ് ഫിയസ്റ്റയെ അടിസ്ഥാനമാക്കി, ഫോർഡ് 1999 -ൽ തങ്ങളുടെ ആഡംബര സബ്-കോംപാക്ട് സെഡാൻ ഫോർഡ് ഐക്കൺ പുറത്തിറക്കി. ഒരു മികച്ച വിജയകരമായ സെഡാൻ എന്ന നിലയിൽ, ഐക്കൺ ഇന്ത്യൻ വിപണിയിലേക്ക് ഫോഡിന്റെ വഴി തുറന്നു.

റാലി കാറുകൾക്ക് പോലും അക്കാലത്ത് നൽകാൻ കഴിയാത്ത, മികച്ച പ്രകടനം കാഴ്ചവയ്ക്കുന്നതിന് പേരുകേട്ട, ഐക്കണിന് അതിന്റെ രണ്ടാം തലമുറ 2008 -ൽ ലഭിച്ചു. പൂർണ്ണമായും പുതുക്കിയ ഗ്രില്ല്-ലെസ് എക്സ്റ്റീരിയറുകളായിരുന്നു വാഹനത്തിൽ വന്നിരുന്നത്.

കൂടാതെ Duratorq എഞ്ചിൻ കുടുംബം ഐക്കണിന് അതിന്റെ ഏറ്റവും വലിയ സമ്മാനമായി 1.4 ലിറ്റർ ടർബോചാർജ്ഡ് ഡീസൽ എഞ്ചിൻ നൽകി. ഇത് ഐക്കണിന്റെ പ്രകടനം ഒരു പുതിയ തലത്തിലേക്ക് കൊണ്ടുപോയി, ഇത് ഇന്ത്യയുടെ സ്വന്തം ജോഷ് മെഷീനായി മാറി.

2010 ഫോർഡ് ഫിഗോ

എൻഡവർ പോലെ, ഫിഗോയ്ക്കും ഇന്ത്യൻ വിപണിയിൽ പരിണാമത്തിൽ അതിന്റേതായ പങ്കുണ്ട്. ഒന്നാം തലമുറ 2010 ഫോർഡ് ഫിഗോ എപ്പോഴും അനശ്വരമായി തുടരും. "കൂൾ" എന്ന് വാക്കിന് പര്യായമാട്ട് വന്ന ഫിഗോ വളരെ രസകരമായ ഒരു മോഡലായിരുന്നു.

ഫിയസ്റ്റ-B പ്ലാറ്റ്‌ഫോമിൽ നിർമ്മിച്ച ഫിഗോയ്ക്ക് ലോവർ കെർബ് വെയിറ്റ് കാരണം ആവശ്യമായ എല്ലാ പഞ്ചുകളും ഉണ്ടായിരുന്നു. 1.4 ലിറ്റർ TDCI ഡീസൽ എൻജിനുമായി കണക്ട് ചെയ്തതതോടെ, ഫിഗോ യാത്ര ഗുണനിലവാരത്തിലും ഹാൻഡ്‌ലിംഗിലും വേറെ ലെവലായിരുന്നു. 1.2 ലിറ്റർ പെട്രോൾ ബർണറിലും ഫിഗോ മികച്ച പ്രകടനം കാഴ്ചവച്ചു.

ഫിഗോയുടെ മനോഹാരിത വർധിപ്പിച്ചത് അതിന്റെ മികച്ച ബിൽഡ് ക്വാളിറ്റി ആയിരുന്നു, അത് അക്കാലത്ത് വളരെയധികം പ്രശംസിക്കപ്പെട്ടു. ഏറ്റവും പുതിയ ഫിഗോ വളരെ ആവേശകരമായ ഹാച്ച് ആണെങ്കിലും, ആദ്യ തലമുറ മോഡലിന് തന്നെയാണ് മേൽകൈ.

2011 ഫോർഡ് ഫിയസ്റ്റ 1.6S

ഫോർഡ് ഐക്കണിന്റെ പിൻഗാമിയായ ഫോർഡ് ഫിയസ്റ്റ മറ്റൊരു മികച്ച ഫോർഡ് സെഡാൻ കാറാണ്. ഫിയസ്റ്റയുടെ ഏറ്റവും ശക്തമായ സ്യൂട്ട് അതിന്റെ തരംതിരിച്ച സസ്പെൻഷൻ സജ്ജീകരണവും ഹൈഡ്രോളിക് സ്റ്റിയറിംഗും ആയിരുന്നു.

അത് ഏറ്റവും മോശം റോഡുകളെപ്പോലും വളരെ അനായാസമായി തരണം ചെയ്തു. ഫിയസ്റ്റയുടെ 1.4 ലിറ്റർ TDCI മികച്ച പ്രകടനം കാഴ്ചവച്ചെങ്കിലും, ഫിയസ്റ്റയുടെ പെർഫോമെൻസ് അടുത്ത ഘട്ടത്തിലേക്ക് കൊണ്ടു പോയത് 1.6 ലിറ്റർ ഡ്യൂറട്ടോർക് മോട്ടോറാണ്.

പവർ പായ്ക്ക് ചെയ്ത യൂണിറ്റ് 106 bhp കരുത്ത് ഉൽപാദിപ്പിച്ചിരുന്നു. എല്ലാ റെവ്വ് ബാൻഡുകളിലെയും എതിരാളികളെ മറികടന്ന് വളരെ സമതുലിതമായ പവർ അനുപാതത്തിന് എഞ്ചിൻ ഇപ്പോഴും ഓർമ്മിക്കപ്പെടുന്നു. എന്നാൽ ഫിയസ്റ്റയെ അനശ്വരമാക്കിയത് സ്പെഷ്യൽ എഡിഷൻ 1.6S ആയിരുന്നു, അത് ഫിയസ്റ്റയുടെ സ്പോർട്ടി ആവർത്തനമായിരുന്നു.

2015 ഫോർഡ് ഇക്കോ സ്പോർട്ട് 1.0 ലിറ്റർ ഇക്കോ ബൂസ്റ്റ്

ഇന്ത്യയിലെ ഫോഡിന്റെ പാരമ്പര്യം ഓർക്കുമ്പോൾ, ഇക്കോ സ്പോർട്ട് ഒഴിച്ചുകൂടാനാവാത്ത ഒരു മോഡലാണ്. ഇന്ത്യയിലെ കോം‌പാക്ട് എസ്‌യുവി വിഭാഗത്തിൽ പൂർണ്ണമായും വിപ്ലവം സൃഷ്ടിച്ചുകൊണ്ട്, ഫോർഡ് ഇക്കോ സ്‌പോർട്ട് 2013 -ൽ അവതരിപ്പിച്ചത് മുതൽ വളരെ ജനപ്രിയമായ ഒരു വാഹനമാണ്.

കൂടാതെ നിരവധി പരിണാമം മൂലം, ഇക്കോ സ്‌പോർട്ട് തീർച്ചയായും വിപണിയിൽ വളരെ ദൂരം പിന്നിട്ടു. എക്കോ സ്‌പോർട്ട് എന്ന വാക്ക് സൂചിപ്പിക്കുമ്പോഴെല്ലാം ശ്രദ്ധ ആകർഷിക്കുന്നത് 2015 ഇക്കോ സ്‌പോർട്ട് 1.0 ലിറ്റർ ഇക്കോ ബൂസ്റ്റ് എഞ്ചിനാണ്. 999 സിസി മൂന്ന് സിലിണ്ടർ യൂണിറ്റ് ആണെങ്കിലും, ഇത് 123 bhp കരുത്തും 170 Nm torque ഉം പുറപ്പെടുവിക്കുന്നു.

തുടർച്ചയായി അഞ്ച് വർഷത്തേക്ക് "എഞ്ചിൻ ഓഫ് ദി ഇയർ" അവാർഡ് നേടിയ ഇക്കോ ബൂസ്റ്റ് ഉപയോഗിച്ച് ഫോർഡ് തങ്ങൾക്ക് എന്താണ് പ്രാപ്തമെന്ന് തെളിയിച്ചു. 2015 ഇക്കോ ബൂസ്റ്റ് ഇക്കോ സ്‌പോർട്ട് എക്കാലത്തേയും മികച്ച ഇക്കോ സ്‌പോർട്ടാണ്.