ഗതാഗത കുരുക്കിന് വിട ; ഇന്ത്യയിലാദ്യത്തെ പോഡ് ടാക്സികൾ യാഥാർത്ഥ്യമാകുന്നു

റോപ്പ് വെ പോലെയാണ് ഈ പോഡുകളുടെ പ്രവർത്തനം സജ്ജമാക്കിയിട്ടുള്ളത്. റോഡ് നിരപ്പില്‍നിന്ന് 5.5 മീറ്റര്‍ ഉയരത്തിലാണ് പാതയുടെ നിർമാണം.

ഒരേസമയം അഞ്ച് യാത്രക്കാര്‍ക്ക് സഞ്ചരിക്കാന്‍ കഴിയുന്ന ഓരോ പോഡിന്റേയും പരമാവധി വേഗത മണിക്കൂറില്‍ 60 കിലോമീറ്ററാണ്.

ഈ പൈലറ്റ് പ്രോജക്ട് റൂട്ടിന് പതിനാറ് സ്റ്റേഷനുകളാണ് ഒരുക്കിയിട്ടുള്ളത്. ചെറിയ ഇടവേളകളിൽ ഓടുന്ന ഓട്ടോമേറ്റഡ് വാഹനങ്ങളും കൂടാതെ യാത്രക്കാർക്ക് കയറിയിറങ്ങാനുമുള്ള സ്റ്റേഷനുകളാണ് പിആർടിയിൽ ഉൾപ്പെടുന്നത്.

അ‍ഞ്ചുപേർക്ക് വിശാലമായി ഇരിക്കാൻ കഴിയുന്ന ഈ പോഡ് മൊത്തത്തിൽ വാടകയ്ക്ക് എടുക്കാനും സാധിക്കും. വാടകയ്ക്ക് എടുക്കുകയാണെങ്കിൽ ഇടയ്ക്കുള്ള സ്റ്റോപ്പുകൾ ഒഴിവാക്കി കൊണ്ട് യാത്രക്കാർക്ക് ഇറങ്ങേണ്ടിടത്ത് മാത്രമേ നിർത്തുകയുള്ളൂ.

പിആര്‍ടി സ്റ്റേഷനുകളില്‍ സജ്ജമാക്കിയിട്ടുള്ള ടച്ച്സ്ക്രീനില്‍ യാത്രക്കാര്‍ക്ക് പോകേണ്ട സ്ഥലങ്ങള്‍ രേഖപ്പെടുത്താവുന്നതാണ്. ഓട്ടോ, ടാക്സി നിരക്കിനേക്കാള്‍ ചെറിയ വ്യത്യാസമേ ഉണ്ടാവുകയുള്ളൂ.

ഒരു വർഷത്തെ കരാറാണ് ഈ പ്രോജക്ടിനായി എടുത്തിട്ടുള്ളതെന്ന് എൻഎച്ച്എഎൈയുടെ മുതിര്‍ന്ന ഉദ്യോഗസ്ഥർ വ്യക്തമാക്കി.

നിക്ഷേപത്തെ കുറിച്ച് പറയുകയാണെങ്കിൽ സ്വകാര്യ കമ്പനിയാണ് ഇതിനായുള്ള പണമിടപാടുകൾ നടത്തുന്നത്.

കരാറുപ്രകാരം യാത്രാക്കാരുടെ ടിക്കറ്റ് വഴി 25 വർഷത്തിനുള്ളിൽ നിക്ഷേപം തിരിച്ചുപിടിക്കുമെന്നാണ് കമ്പനിയുടെ നിലപാട്.

മുൻപ് അമൃത്‌സറിൽ നിന്ന് ഗുർഗാവോണിലേക്കുള്ള പിആർടി സിസ്റ്റത്തെ കുറിച്ച് ആലോചിച്ചെങ്കിലും ആ പദ്ധതി യാഥാർത്ഥ്യമായില്ല.

മെട്രോയുടെ ഒരുകിലോമീറ്ററിന് 200കോടിയാണ് നിർമാണ ചിലവെങ്കിൽ മെട്രിനോ സിസ്റ്റത്തിന് വെറും 70 കോടി മാത്രമെ ആകുന്നുള്ളൂ.

ഒരു വർഷത്തിനുള്ളിൽ പാത യാഥാർത്ഥ്യമാകുമെന്നാണ് ഔദ്യോഗിക വൃത്തങ്ങൾ അറിയിക്കുന്നത്.

ചരിത്രത്തിലെ ഏറ്റവും വലിയ ട്രാഫിക് ജാമുകള്‍

ട്രാഫിക് ലംഘന പിഴകള്‍ ഒരു മുന്നറിയിപ്പ്