അറ്റ്‌ലാന്റിക് ഓഷ്യൻ റോഡിന്റെ മനോഹാരിത ആസ്വദിക്കൂ

1983ൽ പണിയാരംഭിച്ച ഈ റോഡ് ആറ്‍ വർഷം കൊണ്ടാണ് പൂർത്തിയാക്കിയത്. വിനോദസഞ്ചാരികളുടെ ഇഷ്ടകേന്ദ്രമായി മാറിയിരിക്കുകയാണ് ഈ ദേശീയപാത.

പ്രകൃതി രമണീയമായ കാഴ്ചകളും മഞ്ഞ്മൂടിയ പർവ്വത കാഴ്ചകളും അറ്റലാന്റിക് സമുദ്രത്തിന് മുകളിലൂടെയുള്ള യാത്രാനുഭവവും സഞ്ചാരികളെ ഇങ്ങോട്ടേക്കാകർഷിക്കുന്നു.

എന്നാൽ മനോഹരമായ കാഴ്ചകൾക്കപ്പുറം അറ്റ്ലാന്റിക് സമുദ്രം എന്നുള്ള പ്രതിസന്ധി കൂടി തരണം ചെയ്യേണ്ടതായിട്ടുണ്ട്. കടൽ സദാസമയവും ശാന്തമായിരിക്കണമെന്നില്ല. ചിലപ്പോൾ വൻ തിരമാലകൾ റോഡിലേക്ക് ആഞ്ഞടിച്ചേക്കാം.

വൻതിരമാലകൾക്കൊപ്പം വാഹനങ്ങളും ഒലിച്ചുപോകാനുള്ള സാധ്യതയുണ്ട്. ചുരക്കത്തിൽ ഇതിലൂടെയുള്ള യാത്ര അത്ര എളുപ്പമല്ലെന്ന് സാരം.

യാത്രയിൽ അല്പം സാഹിസകത ഇഷ്ടമുള്ളവർക്ക് ഇതൊരു പ്രശ്നമായിരിക്കില്ല. പൗർണമി രാത്രികളിലെ കാഴ്ചയും യാത്രയും വളരെ മനോഹരമാണെന്നാണ് സന്ദർശകരുടെ അഭിപ്രായം.

നിരവധി വളവുകളും തിരിവുകളും താഴ്ചകളും അടങ്ങിയിട്ടുള്ള റോഡാണിത്. മുന്നറിയിപ്പില്ലാതെയുള്ള കാലാവസ്ഥ വ്യതിയാനങ്ങൾ ഒഴിച്ചാൽ യാത്രയ്ക്ക് ഭീതിപകരുന്നതായിട്ട് മറ്റോന്നുമില്ല.

കടൽ ശാന്തമായിരിക്കുമ്പോൾ വലിയ തിമിംഗലമടക്കമുള്ള കടൽജീവികളേയും കണ്ടുള്ള യാത്ര വേറിട്ട അനുഭവമാണെന്നാണ് സഞ്ചാരികൾ പറയുന്നത്.

റോഡിനൊപ്പമുള്ള നടപ്പാതയില്‍ ഇറങ്ങി കടൽ സൗന്ദര്യമാസ്വദിക്കുന്നവരും ഉണ്ട്. നനഞ്ഞറോഡുകൾ ഒരു റോളർ കോസ്റ്റർ റൈഡിനെ അനുസ്മരിപ്പിക്കുമെന്നാണ് സന്ദർശകരുടെ അഭിപ്രായം.

ഇന്ത്യയിലെ 9 റോഡ് അത്ഭുതങ്ങള്‍