ഡബിൾഡക്കർ ട്രെയിൻ ഉടൻ കേരളത്തിലേക്ക്!!!

ചെന്നൈ-തിരുവന്തപുരം റൂട്ട് ദക്ഷിണേന്ത്യയിൽ തന്നെ തിരക്കേറിയ റൂട്ടുകളിൽ ഒന്നായതിനാലാണ് അതിവേഗ ഡബിൾഡക്കർ ട്രെയിൻ സർവീസിനെ കുറിച്ച് റെയിൽവെ ആലോചിക്കുന്നത്.

ഉദയ് എന്ന പേരിൽ അവതരിപ്പിക്കുന്ന ട്രെയിൻ കൂടുതൽ യാത്രക്കാരെ ആകർഷിക്കുമെന്ന് മാത്രമല്ല വെയിറ്റിംഗ് ലിസ്റ്റുകളുടെ എണ്ണം പരമാവധി കുറയ്ക്കുമെന്നാണ് റെയിൽവെയുടെ നിഗമനം.

ഈ ട്രെയിൻ സർവീസ് വഴി അധിക വരുമാനം റെയിൽവെ മുന്നിൽ കാണുന്നു എന്നാണ് ദക്ഷിണ റെയിൽവെയുടെ മതിർന്നൊരു ഉദ്യോഗസ്ഥൻ വ്യക്തമാക്കിയത്.

വൈകിട്ട് ഏഴ് മണിക്ക് തിരുവന്തപുരത്ത് നിന്നാരംഭിക്കുന്ന ട്രെയിൻ 14 മണിക്കൂറിനുള്ളിൽ ചെന്നൈ സെൻട്രലിൽ എത്തിച്ചേരും.

നിലവിൽ ഈ റൂട്ടിലോടുന്ന മറ്റ് ട്രെയിനുകൾ 17 മണിക്കൂറോളമെടുത്താണ് ചെന്നൈയിലെത്തിച്ചേരുന്നത്.

കൂടുതൽ ആൾക്കാരെ ഉൾക്കൊള്ളുന്നതിനൊപ്പം യാത്രാസമയവും ഗണ്യമായി കുറയ്ക്കുന്നു എന്നാണ് ഈ ഡബിൾ ഡക്കർ ട്രെയിനിന്റെ സവിശേഷത.

പൂർണ്ണമായും ശീതികരിച്ച 11 ചെയർകാർ ബോഗികളാകും ട്രെയിനിൽ ഉൾപ്പെടുത്തുക. ഒരോ ബോഗിയിലും 110 പേരെ വീതം ഉൾക്കൊള്ളാനാകും.

മണിക്കൂറിൽ 110 കിലോമീറ്റർ ആയിരിക്കും ട്രെയിനിന്റെ പരമാവധി വേഗത. കൂടുതൽ ആൾക്കാരെ ഉൾക്കൊള്ളിച്ച് കുറഞ്ഞ സമയത്തിനുള്ളിൽ ലക്ഷ്യസ്ഥാനത്തെത്തുക എന്നതാണ് ഈ ട്രെയിൻ സർവീസുകൊണ്ട് ഉദ്ദേശിക്കുന്നത്.

ഇത്തരത്തിൽ പത്ത് ഡബിൾ ഡക്കർ അതിവേഗ ട്രെയിനുകളാണ് നിലവിൽ ഇന്ത്യൻ റെയിൽവെയ്ക്കുള്ളതെങ്കിലും ഒരേയൊരു ഡബിൾ ഡക്കർ ട്രെയിനാണ് ദക്ഷിണ റെയിൽവെയുടെ കീഴിൽ സർവീസ് നടത്തുന്നത്.

ബാംഗ്ലൂർ-ചെന്നൈ റൂട്ടിലോടുന്ന ഈ ഡബിൾ ഡക്കർ ട്രെയിൻ 2013 ഏപ്രിൽ 15നായിരുന്നു സർവീസ് ആരംഭിച്ചത്.

ലോകത്തിലെ ആദ്യത്തെ ഫ്ലോട്ടിംഗ് റോഡ് ടണൽ നോർവേയിൽ

ദുബായിൽ നിന്ന് ഫുജൈറയിലേക്ക് 10മിനിറ്റിലെത്താൻ ഹൈപ്പർലൂപ്പ്