12 സ്ത്രീകള്‍ക്ക് താമസിക്കാം; ആറ് ബെഡ്‌റൂം മാത്രം; കോടീശ്വരികള്‍ക്കായി നിര്‍മിച്ചത്‌

താളുകളിലൂടെ നീങ്ങുക.

സ്ഫടികം, സ്വര്‍ണം തുടങ്ങിയവയാല്‍ സമ്പന്നമാണ് ഈ ചെറുയാനത്തിന്റെ ഉള്‍വശം. സ്ത്രീകളുടെ അഭിരുചികള്‍ എത്രയും സൂക്ഷ്മമായി മനസ്സിലാക്കിയെടുത്ത് ഡിസൈന്‍ ചെയ്തിരിക്കുന്നു.

ലിഡിയ ബെര്‍സാനി ലക്ഷ്വറി ഡിസൈന്‍ ആണ് ലാ ബെല്ലയെ ഡിസൈന്‍ ചെയ്ത് വിപണിയിലെത്തിക്കുന്നത്. അഞ്ച് ഡക്കുകളുണ്ട് ലാ ബെല്ലയ്ക്ക്. ഇതില്‍ സ്പാ എരിയ, ഐസ് ഫൗണ്ടൈനുകള്‍, സിനിമാ തിയറ്റര്‍, ഹെലികോപ്റ്റര്‍ ലാന്‍ഡിങ് പാഡ് തുടങ്ങിയ സന്നാഹങ്ങളെല്ലാമുണ്ട്.

12 അതിഥികള്‍ക്കു മാത്രമേ ഒരേസമയത്ത് പ്രവേശനമുള്ളൂ. ഇവര്‍ക്കായി ആറ് ഡീലക്‌സ് കിടപ്പുമുറികളാണ് ഒരുക്കിയിരിക്കുന്നത്.

വെക്കേഷനുകള്‍ അര്‍മാദിച്ച് തീര്‍ക്കണമെന്നാഗ്രഹിക്കുന്ന ഒരു സ്ത്രീക്ക് തന്റെ സ്ത്രീ പങ്കാളിയുമായി ഈ യാനത്തിലേക്കു ചെല്ലാവുന്നതാണ്.

ലൈബ്രറി, ബ്യൂട്ടി സെന്ററുകള്‍, ഫിറ്റ്‌നെസ്സ് ക്ലബ്, ബാറുകള്‍ തുടങ്ങിയ സന്നാഹങ്ങളും ഈ യാനത്തിനകത്തുണ്ട്.

ഈ യാനത്തില്‍ താമസിക്കാന്‍ എത്ര ചെലവ് വരുമെന്ന് വെളിപ്പെടുത്തുന്നില്ല നിര്‍മാതാക്കള്‍. വില ഇപ്പോഴും നിശ്ചയിച്ചിട്ടില്ല എന്നാണ് ചോദ്യങ്ങള്‍ക്കുള്ള മറുപടി. ആവശ്യക്കാര്‍ വിളിച്ച് ചോദിക്കുമ്പോള്‍ ഞങ്ങള്‍ പറഞ്ഞോളും എന്നാണ് ധ്വനി!

ഏത് കടലില്‍/തടാകത്തില്‍ ഈ യാനം സഞ്ചരിക്കുമെന്ന് വെളിപ്പെടുത്തുന്നില്ല കമ്പനി. ഇന്ത്യയുടെ സമുദ്രാതിര്‍ത്തിക്കുള്ളില്‍ എന്തായാലും വരാനിടയില്ല. ഇതെല്ലാം മനസ്സിലാക്കാനുള്ള പരിണാമപരമായ പ്രായം ഭൂരിഭാഗം ഇന്ത്യാക്കാര്‍ക്കും വന്നിട്ടില്ലല്ലോ?

യാനത്തിലെ ഓരോ മുറികളും കടലിലേക്കു തുറക്കുന്ന വലിയ ചില്ലുജനാലകളുള്ളതാണ്. സ്വകാര്യത ഉറപ്പുവരുത്താന്‍ കര്‍ട്ടനുകള്‍ നല്‍കിയിരിക്കുന്നു.

അഞ്ച് നിലകളിലേക്കും ലിഫ്റ്റ് സൗകര്യമുണ്ട്. 12 മുറികളെക്കൂടാതെ അഞ്ച് ഗസ്റ്റ് റൂമുകളും തയ്യാറാക്കിയിട്ടുണ്ട് ലാബെല്ലെയില്‍.

എല്ലാ 12 മുറികള്‍ക്കും ഓരോ സ്വകാര്യ ടെറസ് സൗകര്യം നല്‍കിയിരിക്കുന്നു. അതിഥികള്‍ക്കായി ലൈവ് മ്യൂസിക് പരിപാടികളും ഒരുക്കും ലാ ബെല്ലെയില്‍.