സൂപ്പർ കാർ ലുക്കിൽ ഒരു തിരോന്തരം സ്വിഫ്റ്റ്

തിരുവന്തപുരം സ്വദേശിയുടെ സ്വിഫ്റ്റാണ് ഈ വേഷ പകർച്ചയ്ക്ക് ഒരുങ്ങിയത്. ഒറ്റനോട്ടത്തിൽ ആരും ശ്രദ്ധിക്കുന്ന തരത്തിലാണ് ഈ പരിവർത്തനം.

നിസാൻ ജിടിആർ സൂപ്പർകാറിൽ കാണുന്ന അതെ സ്റ്റൈലിലാണ് സ്വിഫ്റ്റിന്റെ മുൻഭാഗത്തുള്ള ഡിസൈൻ നടത്തിയിരിക്കുന്നത്.

ഒരു സ്പോർട്സ് കാർ പ്രതീതി നൽകത്തക്കവിധം ബംബറിലും ഹെഡ്‌ലാമ്പിലും വലിയ തോതിൽ മോഡിഫിക്കേഷൻ നൽകിയിട്ടുണ്ട്.

പിൻവശത്ത് എയറോഡൈനാമിക് സ്പോയിലർ നൽകിയതാണ് എടുത്തുപറയേണ്ടതായിട്ടുള്ള മറ്റൊരു മാറ്റം.

സ്പോർടി ലുക്ക് പകരുന്നതിനായി പിൻ ബംബറിലും മാറ്റം വരുത്തി പ്രത്യേക ഭംഗിയുള്ള 17 ഇഞ്ച് അലോയ് വീലും ഉൽപ്പെടുത്തിയിട്ടുണ്ട്.

ആഡംബര കാറുകളിൽ മാത്രം കണ്ടുവരുന്ന സൺറൂഫ് മോഡിഫിക്കേഷന്റെ ഭാഗമായി കാഡി ക്രൂസ് സ്വിഫ്റ്റിലും നൽകിയിട്ടുണ്ടെന്നാണ് വലിയൊരു പ്രത്യേകത.

മോമോ ഫൂട്ട് പെഡലുകളും സ്പാർകോ ഗിയർ നോമ്പുകളുമാണ് അകത്തളത്തിലെ പ്രധാന മോഡിഫിക്കേഷൻ എന്നു പറയാനുള്ളത്.

നിസാൻ ജിടിആറിന്റെ രൂപംഭാവം അതേപടി പകർത്താൻ നിറത്തിലും ശ്രദ്ധപതിച്ചിട്ടുണ്ട് എന്നതിന് തെളിവാണ് ഈ കടും ചുവപ്പ് നിറം.