Click it and Unblock the Notifications
Just In
-
-
-
-
Don't Miss
-
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം -
സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും… -
ആശ്വാസം; ഇന്ന് മഴ പെയ്യും, ഈ രണ്ട് ജില്ലകൾ ഒഴികെയുള്ള ജില്ലകളിൽ മഴയ്ക്ക് സാധ്യത; മുന്നറിയിപ്പ്.. -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
മെഴ്‌സിഡിസ്സിന്റെ ഡ്രൈവറില്ലാ കാര്‍
സ്വയം നിയന്ത്രിക്കാന്‍ ശേഷിയുള്ള കാറുകളാണ് ഭാവിയുടെ നിരത്തുകളെ ഭരിക്കുക. ലോകത്തിലെ പ്രമുഖ കാര്‍ നിര്‍മാതാക്കളെല്ലാം ഓട്ടോണമസ് കാര്‍ കണ്‍സെപ്റ്റുകള്‍ സൃഷ്ടിച്ചുകൊണ്ടിരിക്കുകയാണ്. ഗൂഗിള്‍ ഒരു ഓട്ടോണമസ് കാര്‍ നിര്‍മിച്ച് പുറത്തിറക്കാന്‍ തയ്യാറെടുക്കുന്നതായി നമ്മള്‍ നേരത്തെ മനസ്സിലാക്കിയിട്ടുണ്ട്. കണ്‍സ്യൂമര്‍ ഇലക്ട്രോണിക് ഷോയുടെ നടപ്പ് സീസണില്‍ മെഴ്‌സിഡിസ് ഒരു ഓട്ടോണമസ് കാറിന്റെ പ്രോട്ടോടൈപ്പ് അവതരിപ്പിച്ചിരിക്കുകയാണ്. എഫ്015 എന്നാണ് പേര്.
കാറിനെ
അടുത്തറിയാം
താഴെ
താളുകളില്‍.
ചിത്രങ്ങളിലൂടെ നീങ്ങുക.
ഇതൊരു ഹൈഡ്രജന്‍-ഇലക്ട്രിക് ഹൈബ്രിഡാണ്. ഈ വാഹനം ഉള്‍പാദനത്തിനുദ്ദേശിച്ച് നിര്‍മിച്ചതല്ല. ഭാവിയുടെ വാഹനങ്ങളെക്കുറിച്ചുള്ള മെഴ്‌സിഡിസ് ഗവേഷകരുടെ സങ്കല്‍പങ്ങള്‍ മാത്രമാണിത്. ഇവയില്‍ ഉപയോഗിച്ചിട്ടുള്ള ഓരോ സാങ്കേതികതയും ക്രമേണ മെഴ്‌സിഡിസിന്റെ സമീപഭാവിയിലെ കാറുകളിലേക്ക് സംക്രമിച്ചെന്നിരിക്കും.
പൂര്‍ണമായും സ്വയം ഡ്രൈവ് ചെയ്യാന്‍ സന്നാഹപ്പെട്ടതാണ് ഈ വാഹനം. കരിമ്പുക പുറന്തള്ളല്‍ ഒട്ടുമില്ല എന്നതാണ് വാഹനത്തിന്റെ സവിശേഷതകളിലൊന്ന്. 'ഒരു സ്ഥലത്തുനിന്ന് മറ്റൊരു സ്ഥലത്തേക്ക് സഞ്ചരിക്കാനുപയോഗിക്കുന്ന' എന്നുതുടങ്ങുന്ന ആ പഴയ വാഹനനിര്‍വചനത്തെ മറികടക്കുന്നു ഈ കണ്‍സെപ്റ്റ്. ഭാവിയില്‍ കാറുകളെന്നാല്‍ വെറും സഞ്ചാരോപാദി മാത്രമായിരിക്കില്ലെന്നാണ് മെഴ്‌സിഡിസ് മനസ്സിലാക്കുന്നത്. ജോലിസ്ഥലമായും വിനോദത്തിനുള്ള സുപ്രധാനമായ ഇടമായുമെല്ലാം കാറുകള്‍ മാറും. പ്രസ്തുത കാലത്തെയാണ് ഈ കണ്‍സെപ്റ്റ് ലക്ഷ്യം വെക്കുന്നത്.
ഒരു ഹൈഡ്രജന്‍ ഫ്യുവല്‍ സെല്‍ സ്റ്റാക്ക്, രണ്ട് ഇലക്ട്രിക് മോട്ടോര്‍ എന്നിവ ചേര്‍ന്നാണ് കാറിന് കരുത്ത് പകരുന്നത്. ഇലക്ട്രിക് മോട്ടോറുകള്‍ക്ക് 134 കുതിരശക്തി ശേഷിയുണ്ട്. കേബിള്‍ ആവശ്യമില്ല ബാറ്ററികള്‍ ചാര്‍ജ് ചെയ്യുന്നതിന്. ലിതിയം അയേണ്‍ ബാറ്ററിയില്‍ ഫുള്‍ ചാര്‍ജുണ്ടെങ്കില്‍ 124 മൈല്‍ ദൂരം സഞ്ചരിക്കാന്‍ കഴിയും. ഫുള്‍ ടാങ്ക് ഹൈഡ്രജനില്‍ വാഹനത്തിന് 684 കിലോമീറ്റര്‍ സഞ്ചരിക്കാന്‍ കഴിയും.
സെന്‍സറുകളെ ആശ്രയിച്ചു മാത്രമല്ല ഓട്ടോണമസ് ഡ്രൈവിങ് സംവിധാനം പ്രവര്‍ത്തിക്കുന്നത്. കാറുകള്‍ തമ്മിലുള്ള ആശയവിനിമയ സംവിധാനം അടക്കമുള്ള സന്നാഹങ്ങളിലൂടെ വിവരങ്ങള്‍ ശേഖരിക്കുന്നു ഈ കാര്‍. വിശദമായ ഡിജിറ്റല്‍ മാപ്പുകളും സഹായത്തിനുണ്ട്.
