യാത്രകള്‍ക്ക് കൂട്ടായി റേഞ്ച് റോവര്‍ സ്‌പോര്‍ട്ട് ബ്ലാക്ക് എഷിഷന്‍; ചിത്രങ്ങള്‍ പങ്കുവെച്ച് നൈല ഉഷ

ഇപ്പോഴിതാ താരം വീണ്ടും വാര്‍ത്തകളില്‍ ഇടംപിടിച്ചിരിക്കുകയാണ്. ഇഷ്ട നിറത്തിലുള്ള പുതിയ വാഹനം സ്വന്തമാക്കിയാണ് നൈല വീണ്ടും വാര്‍ത്തകളില്‍ ഇടംപിടിക്കുന്നത്. റേഞ്ച് റോവര്‍ സ്‌പോര്‍ട്‌സ് ബ്ലാക്ക് എഡിഷനാണ് താരം സ്വന്തമാക്കിയത്.

പുതിയ വാഹനം സ്വന്തമാക്കിയ വിവരം നൈല തന്നെയാണ് സമൂഹമാധ്യമങ്ങളിലൂടെ ആരാധകരെ അറിയിച്ചത്. മകനൊപ്പം എത്തി പുതിയ കാര്‍ സ്വന്തമാക്കുന്നതിന്റെ ചിത്രങ്ങളാണ് താരം സമൂഹമാധ്യമങ്ങളില്‍ പങ്കുവെച്ചിരിക്കുന്നത്.

റേഞ്ച് റോവര്‍ സ്‌പോര്‍ട് HSE ബ്ലാക്ക് എഡിഷനാണ് താരത്തിന്റെ പുതിയ യാത്രകള്‍ക്ക് ഇനി ഒപ്പം ഉണ്ടാകുക. നേരത്തെ വെള്ള നിറത്തിലുള്ള ഓഡി A7 ആയിരുന്നു നൈലയുടെ യാത്രകള്‍. വാഹനത്തിന്റെ ഏത് വകഭേദമാണ് താരം സ്വന്തമാക്കിയതെന്നും വ്യക്തമാക്കിയിട്ടില്ല.

നിലവില്‍ 2 ലീറ്റര്‍, 3 ലീറ്റര്‍, 5 ലീറ്റര്‍ V8 എഞ്ചിന്‍ വകഭേദങ്ങിലാണ് റേഞ്ച് റോവര്‍ സ്‌പോര്‍ട്‌സ് വിപണിയിലുള്ളത്. റേഞ്ച് റോവര്‍ സ്പോര്‍ട്ടിലെ എഞ്ചിന്‍ ഓപ്ഷനുകളില്‍ 296 bhp കരുത്തും 400 Nm ടോര്‍ക്കും ഉല്‍പ്പാദിപ്പിക്കുന്ന 2.0 ലിറ്റര്‍, ഫോര്‍ സിലിണ്ടര്‍ പെട്രോള്‍ (P300) എഞ്ചിനും, 296 bhp കരുത്തും 650 Nm ടോര്‍ക്കും നല്‍കുന്ന പുതിയ 3.0 ലിറ്റര്‍ ആറ് സിലിണ്ടര്‍ ഡീസല്‍ എഞ്ചിനും ഉള്‍പ്പെടുന്നു.

റേഞ്ച് റോവര്‍ സ്പോര്‍ട്ട് മോഡലില്‍ റേഞ്ച് റോവറില്‍ കാണുന്നത് പോലെ മൈല്‍ഡ്-ഹൈബ്രിഡ് സാങ്കേതികവിദ്യയുള്ള അതേ 3.0-ലിറ്റര്‍ ഡീസല്‍ എഞ്ചിനും 567 bhp കരുത്തും 700 Nm ടോര്‍ക്കും ഉത്പാദിപ്പിക്കുന്ന ടോപ്പ്-സ്‌പെക്ക് 5.0-ലിറ്റര്‍ സൂപ്പര്‍ചാര്‍ജ്ഡ് എഞ്ചിനും ഇതില്‍ ഉള്‍പ്പെടുന്നു.

ഇന്ത്യന്‍ വിപണിയില്‍ 2021 മോഡലിന്റെ വില ആരംഭിക്കുന്നത് 88 ലക്ഷം രൂപ മുതലാണ്. നിരവധി സവിശേഷതകളോടെയാണ് പുതിയ പതിപ്പിനെ കമ്പനി രാജ്യത്ത് അവതരിപ്പിക്കുകയും ചെയ്തിരിക്കുന്നത്.

2021 മോഡല്‍ വര്‍ഷത്തെ സ്വാഗതം ചെയ്യുന്ന നിരവധി പുതിയ സ്‌പെഷ്യല്‍ എഡിഷന്‍ റേഞ്ച് റോവറുകളില്‍ ഒന്നാണ് ബ്ലാക്ക്, കൂടാതെ ബാഹ്യ ബ്ലാക്ക് പായ്ക്ക്, 21- അല്ലെങ്കില്‍ 22 ഇഞ്ച് ബ്ലാക്ക് വീലുകള്‍, പ്രൈവസി ഗ്ലാസ്, മുഴുവന്‍ ബ്ലാക്ക് നിറത്തിലുള്ള ഇന്റീരിയര്‍, ബ്ലാക്ക് അല്ലെങ്കില്‍ ബ്രൗണ്‍ പെയിന്റ് എന്നിവ ഇതില്‍ ഉള്‍പ്പെടുന്നു.

സ്പോര്‍ട്ട് HSE സില്‍വര്‍ (ഏഴ് കളര്‍ ഓപ്ഷനുകളോടെയാണ് വരുന്നത്), SVR കാര്‍ബണ്‍ എഡിഷനും ഇതില്‍ ചേരുന്നു. SVR തീര്‍ച്ചയായും മുന്‍നിര 567 bhp സ്പോര്‍ട്ടാണ്, കൂടാതെ കാര്‍ബണ്‍ പതിപ്പിന് ഒരു തുറന്ന ബോണറ്റ്, 22-ഇഞ്ച് വീലുകള്‍, അകത്തും പുറത്തും കാര്‍ബണ്‍ ബിറ്റുകള്‍ എന്നിവ ലഭിക്കുന്നു.

ഇതിന് എല്‍ഇഡി ഹെഡ്‌ലാമ്പുകള്‍, ഡേ ടൈം റണ്ണിംഗ് ലാമ്പുകള്‍, പരിഷ്‌കരിച്ച ബമ്പറുകള്‍, ക്ലാംഷെല്‍ ബോണറ്റ് എന്നിവ ലഭിക്കുന്നു. സ്റ്റെപ്പ് അപ്പ് റൂഫ് ലൈന്‍, കൂടുതല്‍ മികച്ച C പില്ലര്‍, ബോഡി കളര്‍ ഗ്രാഫിക്‌സ് എന്നിവയും ഇതിന് ലഭിക്കുന്നു.

ഇതിന് പുതിയ സൈഡ് വെന്റും, പിന്നില്‍ ഉടനീളം ഗ്ലോസ് ബ്ലാക്ക് ബോഡി പാനല്‍ ചേര്‍ന്ന എല്‍ഇഡി ടെയില്‍ ലാമ്പുകളും ലഭിക്കുന്നു. 19 അല്ലെങ്കില്‍ 20 ഇഞ്ച് വീലുകളിലാണ് പുതിയ മോഡല്‍ എത്തുന്നത്.

7 സീറ്റര്‍ ലേഔട്ടില്‍ വിശാലമാണ് ക്യാബിന്‍. 11.4 ഇഞ്ച് Pivi പ്രോ ഇന്‍ഫോടെയ്ന്‍മെന്റ് സിസ്റ്റം, 12.3 ഇഞ്ച് ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, HUD, 14 സ്പീക്കര്‍ മെറിഡിയന്‍ ഓഡിയോ സിസ്റ്റം എന്നിവ ഇതില്‍ ഉള്‍പ്പെടുന്നു. ഇതിന് 4 ക്ലൈമറ്റ് സോണ്‍ സെലക്ഷന്‍, പനോരമിക് സണ്‍ റൂഫ്, വയര്‍ലെസ് ചാര്‍ജിംഗ് എന്നിവയ്ക്കൊപ്പം 18 വേ ഹീറ്റഡ് ഫ്രണ്ട് സീറ്റുകളും ലഭിക്കുന്നു.

റിമോട്ട് ആപ്പ് ടെക്നോളജി ഉപഭോക്താക്കള്‍ക്ക് ഇന്ധന നിലയും വാഹന ഭാഗത്തിന്റെ സ്ഥാനവും അണ്‍ലോക്ക് ചെയ്യാനും ഡോറുകള്‍ പൂട്ടാനും അനുവദിക്കുന്നു. പുതിയ 2021 റേഞ്ച് റോവര്‍ സ്‌പോര്‍ട്‌സിലെ സുരക്ഷാ സവിശേഷതകളില്‍ മൊത്തം 8 എയര്‍ബാഗുകള്‍, സ്‌റ്റെബിലിറ്റി ട്രാക്ഷന്‍ കണ്‍ട്രോള്‍, ബ്രേക്കിംഗ് വഴിയുള്ള ടോര്‍ക്ക് വെക്ടറിംഗ്, TPMS, ABS, EBD, ISOFIX മൗണ്ടുകള്‍ എന്നിവയും ഉള്‍പ്പെടുന്നു.

അതേസമയം ബ്രാന്‍ഡില്‍ നിന്നുള്ള ഏറ്റവും പുതിയ വാര്‍ത്തകള്‍ പരിശോധിക്കുകയാണെങ്കില്‍, ഡിസ്‌കവറി മോഡലിന് പുതിയൊരു മെട്രോപൊളിറ്റന്‍ പതിപ്പ് സമ്മാനിക്കാനൊരുങ്ങുകയാണ് ലാന്‍ഡ് റോവര്‍. ഈ പുതിയ പതിപ്പ് ഡിസ്‌കവറിയുടെ മുന്‍നിര ഓപ്ഷനായിരിക്കുമെന്നും കമ്പനി വ്യക്തമാക്കുന്നു.

നിലവിലെ സ്റ്റാന്‍ഡേര്‍ഡ് മോഡലിനെക്കാള്‍ കൂടുതല്‍ ആഡംബരവും സ്റ്റൈലിഷുമായിട്ടാകും മെട്രോപൊളിറ്റന്‍ പതിപ്പ് നിരത്തുകളിലേക്ക് എത്തുക. ഇതിനകം വില്‍പ്പനയ്ക്ക് എത്തുന്ന R-ഡൈനാമിക് HSE പതിപ്പിനെ അടിസ്ഥാനമാക്കിയുള്ളതാകും മെട്രോപൊളിറ്റന്‍ പതിപ്പ്. എന്നാല്‍ ഡിസ്‌കവറി ശ്രേണിയുടെ മുകളിലായിരിക്കും ഇത് ഇടംപിടിക്കുകയെന്ന് കമ്പനി വ്യക്തമാക്കുന്നു.