വ്യത്യസ്ത നിറത്തിലുള്ള നമ്പർ പ്ലെയിറ്റുകൾ സൂചിപ്പിക്കുന്നതെന്ത്?

വെളുത്ത നമ്പർ പ്ലെയിറ്റുകൾ

കറുത്ത അക്ഷരങ്ങളിലുള്ള വെളുത്ത നമ്പർ പ്ലെയിറ്റ് സ്വകാര്യ വാഹനങ്ങളിലാണ് ഉപയോഗിക്കുന്നത്. സ്വകാര്യാവശ്യങ്ങൾക്കല്ലാതെ വാണിജ്യാടിസ്ഥാനത്തിലുള്ള ഉപയോഗങ്ങൾക്ക് ഓടിക്കുന്നത് നിയമവിരുദ്ധമാണ്.

മഞ്ഞ നിറത്തിലുള്ള നമ്പർ പ്ലെയിറ്റ്

കറുത്ത അക്ഷരത്തിൽ എഴുതിയിട്ടുള്ള മഞ്ഞ ബോർഡ് ടാക്സികൾക്കും ട്രക്കുകൾക്കുമാണ് നൽകാറുള്ളത്. വാണിജ്യാടിസ്ഥാനത്തിലുള്ള ഉപയോഗങ്ങൾക്കാണ് ഇത്തരം വാഹനങ്ങൾ ഉപയോഗിക്കപ്പെടുന്നത്. ഈ വാഹനമോടിക്കുന്നയാൾക്ക് കോമേഷ്യൽ ഡ്രൈവിംഗ് പെർമിറ്റും ഉണ്ടായിരിക്കേണ്ടതാണ്.

മഞ്ഞ അക്ഷരത്തിലുള്ള കറുത്ത നമ്പർ പ്ലേറ്റ്

സെൽഫ് ഡ്രൈവിംഗിന് വാടകയ്ക്ക് എടുക്കുന്ന വാഹനങ്ങളിലാണ് ഈ നമ്പർ പ്ലെയിറ്റുകൾ കാണപ്പെടുന്നത്. ഇതിനായി കോമേഷ്യൽ ഡ്രൈവിംഗ് പെർമിറ്റിന്റെ ആവശ്യകതയുമില്ല.

ഇളം നീല നിറത്തിലുള്ള നമ്പർ പ്ലേറ്റ്

വിദേശരാജ്യത്തെ പ്രതിനിധീകരിച്ച് ആരെങ്കിലും ഇന്ത്യയിൽ എത്തിക്കഴിഞ്ഞാലാണ് ഇളം നീല നിറത്തിലുള്ള നമ്പർ പ്ലേറ്റ് ഘടിപ്പിച്ച വാഹനങ്ങളിൽ സഞ്ചരിക്കുന്നത്. യുണൈറ്റഡ് നാഷൻസ്, ഡിപ്ലോമാറ്റിക് കോർപ്സ്, കൺസുലാർ കോർപ്സ് എന്നിവയെ സൂചിപ്പിക്കുന്ന യുഎൻ, സിഡി, സിസി ചുരുക്കെഴുത്തുകൾ കാണാമിവയിൽ.

ചുവന്ന നിറത്തിലുള്ള പ്ലേറ്റ്

ചുവന്ന പ്ലേറ്റ് ഘടിപ്പിച്ചിട്ടുള്ള ഈ ഔദ്യോഗിക വാഹനം ഇന്ത്യൻ പ്രസിണ്ടന്റും സ്റ്റേറ്റ് ഗവർണറുമാണ് ഉപയോഗിക്കുന്നത്. ചുവന്ന നിറത്തിലുള്ള പ്ലേറ്റിൽ സ്വർണനിറത്തിലുള്ള ഇന്ത്യയുടെ ചിഹ്നവും ഉണ്ടായിരിക്കുന്നതായിരിക്കും.

മുകളിലേക്ക് പോയന്റ് ചെയ്യുന്ന ആരോ ഉള്ള നമ്പർ പ്ലേറ്റ്

മിലിട്ടറി വാഹനങ്ങൾക്കാണ് ഇത്തരത്തിലുള്ള നമ്പർ പ്ലേറ്റ് നൽകുന്നത്. ദില്ലി പ്രതിരോധ മന്ത്രാലയത്തിന് കീഴിലാണ് ഈ നമ്പറുകൾ രജിസ്റ്റർ ചെയ്യുന്നത്. ആരോ മാർക്കിന് ശേഷമുള്ള സംഖ്യകൾ ഏത് വർഷമാണ് ഈ വാഹനമിറക്കിയത് എന്നതിനെ സൂചിപ്പിക്കുന്നു.

വെള്ള അക്ഷരത്തിലുള്ള ചുവന്ന നമ്പർ പ്ലേറ്റ്

ഈ നമ്പർ പ്ലേറ്റ് താല്കാലിക രജിസേട്രേഷനെ കുറിക്കുന്നതാണ്. പുതുതായി വാങ്ങിയ വണ്ടികളിൽ ഇത്തരം നമ്പർ പ്ലേറ്റുകൾ കാണാം.

താരങ്ങളുടെ കൈയിലെ ചില കളിപ്പാട്ടങ്ങൾ

ടയറുകൾ അപകടകാരികൾ ആകുന്നതെപ്പോൾ എങ്ങനെ

റോഡിൽ അപകടങ്ങൾ ക്ഷണിച്ചു വരുത്തുന്നതാര്