റോഡിലെ വിവിധ വരകൾ സൂചിപ്പിക്കുന്നതെന്ത്?

ഇടവിട്ടുള്ള വെള്ളവര

റോഡിന്റെ ഇരുവശങ്ങളിലുമായി ട്രാഫിക്കനെ വേർതിരിക്കുന്നതിനാണ് ഇടവിട്ടുള്ള വെള്ളവര ഉപയോഗിക്കുന്നത്. റോഡിന്റെ ഇടതുഭാഗം ചേർന്ന് വണ്ടിയോടിക്കുന്നതിന് ഡ്രൈവർമാർക്ക് ഈ വര സഹായകമാകും. ഓവർടേക്ക് ചെയ്യുമ്പോൾ വേണമെങ്കിൽ ഈ വര മുറിച്ച കടക്കുകയും ചെയ്യാം.

വശങ്ങളിലുള്ള മഞ്ഞവരകളോടുള്ള തുടർച്ചയായ വെള്ള വരകൾ

ഇരു വശങ്ങളിലേക്കുമായി ട്രാഫിക്കിനെ വേർതിരിക്കാൻ തുടർച്ചയായുള്ള വെള്ളവരകൾ ഉപയോഗിക്കുന്നു. മാത്രമല്ല റോഡിന്റെ ഇടതുഭാഗം നിലനിർത്തി വാഹനമോടിക്കണമെന്നും ഇത് സൂചിപ്പിക്കുന്നു. ഇവിടങ്ങളിൽ ഓവർടേക്ക് ചെയ്യുന്നതും നിയന്ത്രിതമാക്കിയിട്ടുണ്ട്.

റോഡിന്റെ അറ്റത്തായുള്ള ഒറ്റ വെള്ളവര

ഗതാഗതം റോഡിന്റെ രണ്ടറ്റത്തുള്ള വരകൾക്കുള്ളിൽ ഒതുക്കണമെന്നുള്ള സൂചനയാണ് ഈ വെള്ളവരകൾ നൽകുന്നത്. രാത്രികാലങ്ങളിൽ ഈ വരകൾ വ്യക്തമായി കാണുന്നതിന് പ്രത്യേക തരം പെയിന്റോ റിഫ്ളക്റ്ററുകളോ ഉപയോഗിച്ചിരിക്കുന്നതായി കാണാം. ഇത് ഡ്രൈവർമാർക്ക് രാത്രിക്കാലങ്ങളിൽ റോഡരിക് മനസിലാക്കുന്നതിനും സഹായകമാണ്.

മഞ്ഞനിറത്തിലുള്ള തുടർച്ചയായ വരയും ഇടവിട്ട വരയും

ഇടവിട്ട വരയുള്ള വശത്തെ വാഹനങ്ങൾക്ക് വര മുറിച്ചു കടക്കാനും തുടർച്ചയായ വരയുള്ള വശത്തെ വാഹനങ്ങൾക്ക് മുറിച്ച് കടക്കാനും ഉള്ള അനുവാദമില്ലെന്ന് സൂചിപ്പിക്കുന്ന ലൈനുകളാണിവ.

സീബ്ര ക്രോസിംഗ്

കാൽനടയാത്രക്കാർക്ക് സുരക്ഷിതമായി റോഡ്‌മുറിച്ച് കടക്കുന്നതിനാണ് വീതികൂടിയ ഇടവിട്ടുള്ള സീബ്രലൈനുകൾ നൽകിയിട്ടുള്ളത്. സീബ്ര ലൈനുകളിൽ കാൽനടയാത്രക്കാർ റോഡ് മുറിച്ചുകടക്കുമെന്നതിനാൽ ഡ്രൈവർമാരും സ്പീഡ് കുറച്ചുവേണം ഇതുവഴി കടന്നുപോകാൻ.

തുടർച്ചയായ മഞ്ഞവര

തുടർച്ചയായുള്ള മഞ്ഞവരയുള്ള ഭാഗത്ത് റോഡ് മുറിച്ചുകടക്കുന്നതിന് കർശന നിയന്ത്രണമേർപ്പെടുത്തിയിരിക്കുന്നു.

പറക്കുന്ന ബസും അതിനടയിലൂടെ ഓടുന്ന കാറുകളും; പുത്തൻ ചരിത്രം കുറിച്ച് ചൈന

ലോകത്തിലെ ആദ്യത്തെ ഫ്ലോട്ടിംഗ് റോഡ് ടണൽ നോർവേയിൽ