'സങ്കരയിനം' കാറുകളെ കണ്ടിട്ടുണ്ടോ?

By Santheep

Published: Monday, May 19, 2014, 10:54 [IST]

ഫോട്ടോഷോപ്പ് വന്നതോടെ കാര്യങ്ങളെല്ലാം തകിടം മറിഞ്ഞു. വയസ്സന്മാരായി എന്നു നമ്മള്‍ ധരിച്ചുവെച്ചിരുന്ന സൂപ്പര്‍സ്റ്റാറുകളെല്ലാം പെട്ടെന്ന് യുവാക്കളായി പരിണമിച്ചത് ഫോട്ടോഷോപ്പിന്റെ വരവോടെയാണ്. നമ്മുടെയെല്ലാം മുഖത്തെ കറുത്ത പാടുകളും മുഖക്കുരുവും പോയത് ഏതെങ്കിലും കുത്തകക്കമ്പനികളുടെ ബൂര്‍ഷ്വാ ഉല്‍പന്നം വാങ്ങിത്തേച്ചിട്ടാണോ? അല്ലേയല്ല. ഫോട്ടോഷോപ്പാണ് എല്ലാറ്റിനും ഉത്തരവാദി.

ഫോട്ടോഷോപ്പിന്റെ പ്രവര്‍ത്തനഫലമായി സംഭവിച്ച മറ്റൊരു സംഗതിയാണ് മാഷ് അപ്പുകളെന്നു പറയാം. മൃഗങ്ങളെയും മനുഷ്യനെയും എന്നുവേണ്ട ഏതു സാധനത്തെയും പരസ്പരം ലയിപ്പിച്ച് പുതിയൊരു ജീവിയെ ഉണ്ടാക്കിയെടുക്കുന്ന ഈ പരിപാടിക്ക് ഇന്ന് വലിയ പ്രചാരമാണുള്ളത്. സുഹൃത്തുക്കളെ കളിയാക്കാനായി നിങ്ങളും ഇങ്ങനെയൊക്കെ ചെയ്തുകാണും ഒരുപക്ഷേ. ഇവിടെ പരിശോധിക്കാന്‍ പോകുന്നത് കാറുകളുടെ മാഷ് അപ്പുകളാണ്. നമുക്ക് പരിചിതമായ രണ്ടു കാറുകള്‍ ചേര്‍ന്ന് മനോഹരമായ പുതിയൊരു കാര്‍ ഡിസൈന്‍ സൃഷ്ടിക്കപ്പെടുന്നു. കാര്‍വൗ എന്ന സ്ഥാപനമാണ് ഈ മാഷ് അപ് ചിത്രങ്ങള്‍ സൃഷ്ടിച്ചെടുത്തത്.