സുനാമി ഇനിയൊരു ഭീതിയേയല്ല; രക്ഷയ്ക്ക് ക്യാപ്സൂൾ

കൊടുങ്കാറ്റ്, സുനാമി, ഭൂകമ്പം തുടങ്ങിയ ദുരന്തങ്ങൾ ഉണ്ടാകുമ്പോൾ ആളുകൾക്ക് അഭയംതേടാൻ കഴിയുന്ന തരത്തിലാണ് ഇതിന്റെ നിർമിതി.

വീടിനകത്തിരിക്കുന്നതിനേക്കാൾ സുരക്ഷിതത്വമാണ് ഈ ക്യാപ്സൂൾ വാഗ്ദാനം ചെയ്യുന്നത്. വെള്ളത്തിൽപ്പൊങ്ങി കിടക്കാവുന്ന തരത്തിൽ നിർമിച്ചതിനാൽ സുനാമി, വെള്ളപ്പൊക്കം എന്നിവയുണ്ടാകുന്ന അവസരത്തിൽ മുങ്ങിപ്പോകുമെന്ന ഭയവും വേണ്ട.

കാഠിന്യം കൂടിയ അലൂമിനിയം ഷെല്ലുകളും ഫ്രെയിമുകളും ഉപയോഗിച്ചാണ് നിർമ്മാണം നടത്തിയിരിക്കുന്നത്.

അടിയന്തരഘട്ടമുണ്ടാകുമ്പോൾ ഉപയോഗിക്കാനായി വീടിനകത്തോ പുറത്തോ ആയിട്ട് സൂക്ഷിക്കാമെന്നാണ് കമ്പനി നിർദേശിക്കുന്നത്.

വ്യത്യസ്ത വലുപ്പത്തിൽ രണ്ടുപേർ മുതൽ പത്തുപേർ വരെ ഉൾക്കൊള്ളാവുന്ന തരത്തിലാണിത് നിർമ്മിച്ചിട്ടുള്ളത്. ചെറിയ ക്യാപ്സൂളിൽ കുറച്ചുപേർ അടങ്ങുന്ന കൂടുംബങ്ങൾക്കും വലുതിൽ ഒരുകൂട്ടം ആളുകളെ ഉൾക്കൊള്ളിക്കാവുന്നതുമാണ്.

അടിയന്തരഘട്ടത്തിൽ രക്ഷാപ്രവർത്തനങ്ങൾ ആരംഭിക്കുന്നതിന് മുൻപ് അഭയം തേടാനുള്ള ഒരിടം എന്ന രീതിയിലുള്ള സേഫ് ഹൗസാണിത്.

പുറത്ത് നിന്നും അകത്ത് നിന്നും തുറക്കാൻ കഴിയുന്ന വെള്ളം അകത്ത് കടക്കാത്ത തരത്തിൽ വളരെ ഉറപ്പുള്ള ഡോറാണിതിന് നൽകിയിട്ടുള്ളത്.

പുറത്ത് നടക്കുന്നത് കാണാൻതരത്തിൽ രണ്ട് ചെറിയ ജനാലകളും പോഡിന് നൽകിയിട്ടുണ്ട്.

സ്റ്റോറേജ് സ്പേസ്, സുരക്ഷിതമായി ഇരിക്കാനുള്ള സീറ്റ്, കുടിവെള്ള സൗകര്യം, ലൈറ്റ്, എയർ സ്പ്ലെ ടാങ്ക്, ജിപിഎസ് എന്നുവേണ്ട സുരക്ഷയ്ക്ക് ആവശ്യമായിട്ടുള്ള എല്ലാ ഘടകങ്ങളും പോഡിൽ അടങ്ങുന്നുണ്ട്.

2004-ലെ ഇന്തോനേഷ്യൻ സുനാമിക്ക് ശേഷമാണ് ഈ കൺസ്പെറ്റിന് രൂപം നൽകിയത്. പോഡിന്റെ ദൃഢതയും സുരക്ഷയും സംബന്ധിച്ചുള്ള പരിശോധനകൾ നടത്തിവരികയാണ്.

ഈ സുരക്ഷാ പോഡിന്റെ വില സംബന്ധിച്ച വിവരങ്ങളൊന്നും കമ്പനി പുറത്ത് വിട്ടിട്ടില്ല. എന്നാൽ വെബ്സൈറ്റ് വഴി ഓർഡറുകൾ സ്വീകരിച്ച് തുടങ്ങിയിട്ടുണ്ട്.

തിളങ്ങുന്ന റോഡുകൾ ഉള്ളപ്പോൾ എന്തിന് തെരുവുവിളക്കുകൾ

അതിശയിപ്പിക്കുന്ന ഡിസി കാർ ഡിസൈനുകൾ