ഓട്ടോപൈലറ്റ് ചതിച്ചു; ഹാരിപോർട്ടർ കണ്ടിരുന്ന ഡ്രൈവർക്ക് അന്ത്യയാത്ര

നാല്പത്ക്കാരനായ ഫ്ലോറിഡ സ്വദേശി ജോഷ്വ ബ്രൗണാണ് കുറുകെ വന്ന ട്രക്കുമായി ഇടിച്ച് കൊല്ലപ്പെട്ടത്.

അപകടം നടക്കുമ്പോൾ ഇയാൾ വാഹനത്തെ ഓട്ടോപൈലറ്റ് മോഡിന് വിട്ടുകൊടുത്ത് ഹാരിപോട്ടർ കണ്ടുരസിക്കുകയായിരുന്നു.

അപകടത്തിന് ശേഷം കാറിൽ ഹാരിപോട്ടർ സിനിമ പ്രവർത്തിക്കുന്നതായി കണ്ടെന്ന് ട്രക്ക് ഡ്രൈവറും മൊഴി നൽകിയിട്ടുണ്ട്.

കാറിലെ സെൻസറുകൾ കുറുകെ കയറി വന്ന വെളുത്ത ട്രക്കിന്റെ സാന്നിധ്യം മനസിലാക്കുന്നതിൽ പരാജയപ്പെട്ടെതാണ് അപകടകാരണമെന്നാണ് പ്രാഥമിക നിഗമനം.

സൂര്യപ്രകാശം മൂലം ട്രക്കിന്റെ വെളുത്ത നിറം ശ്രദ്ധയിൽപ്പെടാത്തതാണ് മറ്റൊരു കാരണമായി ചൂണ്ടിക്കാണിക്കുന്നത്.

കാറിലെ ഓട്ടോപൈലറ്റ് മോഡിനു സംഭവിച്ച തകരാറാണ് അപകടം വരുത്തിയതെന്ന് ടെസ്‌ലയും പത്രക്കുറിപ്പിൽ വ്യക്തമാക്കിയുട്ടുണ്ട്.

അപകടത്തെ കുറിച്ച് നാഷണൽ ഹൈവേ ട്രാഫിക്ക് സെയിഫ്റ്റി അഡ്മിനിട്രേഷൻ‌ അന്വേഷണം നടത്തി വരികയാണ്.

ഈ അപകടത്തിന് ശേഷം ടെസ്‌ല വിപണിക്ക് കനത്ത ആഘാതമാണേറ്റിരിക്കുന്നത്.

അപകടത്തെ തുടർന്ന് കമ്പനിയുടെ ഓഹരികളിൽ ഒരു ശതമാനത്തിൽ താഴെ ഇടിവ് സംഭവിച്ചുവെന്നാണ് റിപ്പോർട്ടുകൾ സൂചിപ്പിക്കുന്നത്.

കാറുവാങ്ങി നിമിഷത്തിനുള്ളിൽ തരിപ്പണമായാൽ ആരാണ് സഹിക്കുക?

കൂടുതൽ നേരം കാർ ഓട്ടിയാൽ ഹൃദയത്തിന് പണിക്കിട്ടും!