Just In
- 8 min ago ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ
- 42 min ago സേഫ്റ്റിയേക്കാള് വലുതാണോ വില? സുരക്ഷ കുറവായിട്ടും ആളുകള് ചോദിച്ച് വാങ്ങുന്ന 3 കാറുകള്
- 1 hr ago മുഖംമിനുക്കി വരാൻ പണക്കാരുടെ ഥാർ എസ്യുവി, മഹീന്ദ്രയുടെ അപ്പൻ തമ്പുരാൻ രണ്ടുംകൽപ്പിച്ച് തന്നെ
- 2 hrs ago ചലാൻ്റെ കാര്യത്തിൽ ഡബിൾ സെഞ്ചുറി, 270 ചലാനും ഒന്നര ലക്ഷം രൂപ പിഴയും ലഭിച്ച ലേഡി റൈഡർ
Don't Miss
- Movies 'മിനി പത്തിരുപത് വർഷമായി സഹിക്കുകയാണ്... നമ്മളോടുള്ള ദേഷ്യവും കൂടി മിനിയുടെ നെഞ്ചത്തായിരിക്കും'; മമ്മൂട്ടി
- News 'ഗൂഢസംഘത്തെ നിയന്ത്രിക്കണം, ഈ അനുഭവം ഇതാദ്യം'; വികാരാധീനയായി ശൈലജ, ഷാഫിക്കെതിരെ പരാതി
- Sports IPL 2024: കോലി എറിഞ്ഞാല് പോലും ഇങ്ങനെ അടി വാങ്ങില്ല, ഇതിലും ഭേദം 11 ബാറ്റര്മാരെ ഇറക്കുന്നത്: ഇതിഹാസ താരം
- Finance ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
- Lifestyle ചാണക്യനീതി: പാമ്പിനെ പാലൂട്ടുന്നതിന് സമം, ഇവരെ കൂടെക്കൂട്ടിയാല് പ്രശ്നം നിഴല് പോലെ കൂടെ
- Technology പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം
- Travel ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
നിങ്ങളുടെ ഡ്രീം ബൈക്ക് ഇതിലുണ്ടോ? ലോകത്തെ ഏറ്റവും വിലകൂടിയ അഞ്ച് മോട്ടോര്സൈക്കിളുകള്
നിലവില് ലോകത്തിലെ ഏറ്റവും വിലയേറിയ അഞ്ച് മോട്ടോര് സൈക്കിളുകളെ പരിചയപ്പെടാം.
ഇന്ത്യയില് മോട്ടോര്സൈക്കിള് എന്ന് പറഞ്ഞാല് ഒരു ഹരമാണ്. അങ്ങ് ഹിമാലയം മുതല് ഇങ്ങ് കന്യാകുമാരി വരെ മോട്ടോര്സൈക്കിളില് അനുഭവിച്ചറിയാന് കൊതിക്കുന്ന ഒരു യുവജനതയാണ് ഇവിടെയുള്ളത്. അതിനാല് തന്നെയണ് രാജ്യന്തര ബ്രാന്ഡുകളെല്ലാം ഇന്ത്യയെ തങ്ങളുടെ പ്രഥമ വിപണികളുടെ പട്ടികയില് ഉള്പ്പെടുത്തുന്നതും.
എന്നാല് വിപണിയില് നാം കേട്ടും കണ്ടും അറിഞ്ഞ ബ്രാന്ഡുകളില് ഏതാണ് മികച്ചതെന്ന് ചോദിച്ചാല് പലര്ക്കും പല അഭിപ്രായമാകും. ഈ ചോദ്യത്തിന്റെ ഉത്തരത്തിനെ പല ഘടകങ്ങളും സ്വാധീനിക്കും.
ഇവിടെ വില എന്ന ഘടകത്തെ മാത്രം അടിസ്ഥാനപ്പെടുത്തി ഒരുത്തരം കണ്ടെത്താന് ശ്രമിച്ചാലോ? നിലവില് ലോകത്തിലെ ഏറ്റവും വിലയേറിയ അഞ്ച് മോട്ടോര് സൈക്കിളുകളെ പരിചയപ്പെടാം-
5. എനര്ജിക്കാ ഇഗോ 45
ഇലക്ട്രിക് മോട്ടോര്സൈക്കിളുകള് നിര്മ്മിക്കുന്ന ഇറ്റാലിയന് നിര്മ്മാതാക്കളാണ് എന്ര്ജിക്കാ. ലോകോത്തര ബ്രാന്ഡായ ഫെരാരിയുടെ ഫാക്ടറിയ്ക്ക് സമീപം, മൊഡേനയിലാണ് എനര്ജിക്കയുടെ ഫാക്ടറി.
ഇനി ബൈക്കിലേക്ക് കടക്കാം. ആഗ്രസീവ് ഓഫ്റോഡ് ഡ്രൈവിംഗിന് വേണ്ടിയാണ് എനര്ജിക്കാ ഇഗോ 45 എന്ന സ്പോര്ട്സ് ബൈക്കിനെ കമ്പനി സമര്പ്പിച്ചിട്ടുള്ളത്. പേരില് സൂചിപ്പിച്ച 45 പരാമര്ശിക്കുന്നത് കമ്പനി ഉത്പാദിപ്പിച്ച ആദ്യ 45 ഇഗോകളെയാണ്.
വിലയെത്ര എന്നല്ലേ? എനര്ജിക്കാ ഇഗോ 45 എന്ന ഇലക്ട്രിക് സൂപ്പര് ബൈക്കിന്റെ വില 6800 ഡോളറാണ് (ഇന്ത്യന് വില 45.21 ലക്ഷം).
4. ആര്ച്ച് മോട്ടോര്സൈക്കിള്സ് KRGT-1
കീന് റീവ്, ഗാര്ഡ് ഹോളിനര് എന്നിവരാണ് ആര്ച്ച് മോട്ടോര്സൈക്കിള്സ് സ്ഥാപിച്ചത്. ആര്ച്ചില് നിന്നുള്ള ആര്ച്ച് KRGT-1 ആണ് വിലയേറിയ താരങ്ങളുടെ പട്ടികയില് ഇടം പിടിച്ചിട്ടുള്ളത്.
വ്യത്യസ്ത തരത്തിലുള്ള ഫിനിഷിംഗുകളും ഓപ്ഷനുകളും ഉള്പ്പെടുത്താവുന്ന റീവ്സിന്റെ കസ്റ്റം ബൈക്കിന്റെ പ്രൊഡക്ഷന് വേര്ഷനാണ് ആര്ച്ച് KRGT-1.
2032 സിസി S&S T124 V-Twin സിലിണ്ടര് എഞ്ചിന് കരുത്തിലാണ് ആര്ച്ച് KRGT-1 മോട്ടോര്സൈക്കിള് ഒരുങ്ങിയിട്ടുള്ളത്. 78000 ഡോളര് (51.66 ലക്ഷം രൂപ) നല്കി നിങ്ങള്ക്ക് ആര്ച്ച് KRGT-1 നെ സ്വന്തമാക്കാം.
3. സൂട്ടര് MMX 500
മുന് ഗ്രാന്ഡ് പ്രിക്സ് മോട്ടോര്സൈക്കിള് റേസറായ എസ്കില് സൂട്ടറാണ് MMX 500 എന്ന മോഡലിനെ അവതരിപ്പിച്ചത്. 500 സിസി ഗ്രാന്ഡ് പ്രിക്സ് കാലഘട്ടത്തിലേക്കുള്ള തിരിഞ്ഞ് നോട്ടമാണ് MMX 500 മോഡലിനെ ഒരുക്കാന് എസ്കില് സൂട്ടറിനെ സ്വാധീനിച്ചത്.
195 bhp കരുത്ത് ഉത്പാദിപ്പിക്കുന്ന 576 സിസി V-ഫോര് ടൂ സ്ട്രോക്ക് എഞ്ചിനാണ് MMX 500 ല് ഉള്പ്പെടുത്തിയിട്ടുള്ളത്. റേസിംഗ് ട്രാക്കിലേക്ക് മാത്രമായാണ് MMX 500 നെ സൂട്ടര് തയ്യാറാക്കിയിരിക്കുന്നത്.
127 കിലോഗ്രാമാണ് MMX 500 ന് ഉള്ളത്. 118,565 ഡോളര് (78.83 ലക്ഷം രൂപ) ആണ് സൂട്ടര് MMX 500ന്റെ വില.
2. കോണ്ഫെഡറേറ്റ് G2 P51 കോമ്പാറ്റ് ഫൈറ്റര്
മോട്ടോര് സൈക്കിളിലും പലതരം ബ്രീഡുകളെയാണ് കമ്പനികള് നിര്മ്മിക്കുന്നത്. ഒരുപക്ഷെ, മോട്ടോര്സൈക്കിള്ക്കിടയിലെ ബുള്ഡോഗാണ് G2 P51 എന്ന് പറയാം.
G2 P51 ന്റെ മസ്കുലാര് കരുത്ത് വിളിച്ചോതുന്ന ഡിസൈനിന് മുന്നില് തന്നെ എതിരാളികള് വാലും താഴ്ത്തി മടങ്ങുന്നതാണ് പതിവ്.
ഭീമാകാരമായ അലൂമിനിയം ട്യൂബാണ് G2 P51 ന്റെ നട്ടെല്ല്. ഇതേ അലൂമിനിയം ട്യൂബില് തന്നെയാണ് കോമ്പാറ്റ് ഫൈറ്റിന്റെ ഫ്യൂവല് ടാങ്കും. 200 bhp യും, 170 Nm torque ഉം പുറപ്പെടുവിക്കുന്ന 2.16 ലിറ്റര് വി-ട്വിന് സിലിണ്ടര് എഞ്ചിനാണ് കോമ്പാറ്റ് ഫൈറ്ററിന് ഉള്ളത്.
ഏകദേശം 227 കിലോഗ്രാമാണ് ഈ ഭീമാകാരന്റെ ഭാരം. 140000 ഡോളര് (93.09 ലക്ഷം രൂപ) ആണ് കോണ്ഫഡറേറ്റ് G2 P51 കോമ്പാറ്റ് ഫൈറ്ററിന്റെ വില.
1. ഹോണ്ട RC213V-S
ലോകത്തെ ഏറ്റവും വിലയേറിയ മോട്ടോര്സൈക്കിള് എന്ന ഖ്യാതി കൈയ്യടക്കിയിരിക്കുന്നത് ഹോണ്ടയുടെ RC213V-S ആണ്. റെപ്സോള് ഹോണ്ട RC213V മോട്ടോ ജിപി എഡിഷന് റെപ്ലിക്കയാണ് RC213V-S.
മോഡലിന്റെ 250 യൂണിറ്റുകള് മാത്രമാണ് നിര്മ്മിക്കുകയുള്ളൂവെന്ന് ഹോണ്ട വ്യക്തമാക്കിയിട്ടുണ്ട്. എന്നാല്, 184000 ഡോളര് (1.22 കോടി രൂപ) ഉണ്ടെങ്കില് നിങ്ങള്ക്കും സ്വന്തമാക്കാം ഹോണ്ട RC213V-S.