Just In
- 4 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 6 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 7 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 8 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies കെട്ടുറപ്പിച്ചയാളെ ജാസ്മിന് ഓര്ക്കുന്നു കൂടിയില്ല, പിന്നെ എങ്ങനെയാണ് ഗബ്രി ചതിയനാകുന്നത്?
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
അമേരിക്കന് പ്രസിഡന്റിന് സുരക്ഷ ഒരുക്കുന്ന രഹസ്യവിമാനങ്ങള്
1985 ല് അമേരിക്ക സ്വന്തമാക്കിയ ഗള്ഫ്സ്ട്രീം IV വിഐപി ജെറ്റുകളാണ് രഹസ്യ വിമാനവ്യൂഹത്തില് ഉള്പ്പെടുന്നത്.
'കാഡില്ലാക്ക് ബീസ്റ്റ്', 'എയര് ഫോഴ്സ് വണ്'- ഈ രണ്ട് പേരുകള് ഇന്ന് ഏറെ പരിചിതമാണ്. ഹോളിവുഡ് സിനിമകളിലൂടെയും വാര്ത്താ മാധ്യമങ്ങളിലൂടെയും അമേരിക്കന് പ്രസിഡന്റിന് സുരക്ഷ ഒരുക്കുന്ന ബീസ്റ്റിന്റെയും എയര്ഫോഴ്സ് വണിന്റെയും വിശേഷങ്ങള് നമ്മുക്ക് അറിയാം.
എയര്ഫോഴ്സ് വണിലും, കാഡില്ലാക്ക് ബീസ്റ്റിലും മാത്രം വിദേശ സന്ദര്ശനം നടത്തുന്ന പ്രസിഡന്റിന്, പഴുതടച്ച സരുക്ഷാ സജ്ജീകരണങ്ങളാണ് അമേരിക്ക ഒരുക്കുന്നതും. വാഷിങ്ടണ് ഡിസിയ്ക്ക് പുറത്ത് സഞ്ചരിക്കുന്ന സാഹചര്യത്തില് എയര്ഫോഴ്സ് വണിന്റെ സന്നാഹത്തിന് പുറമെ രഹസ്യ വിമാനവ്യൂഹവും പ്രസിഡന്റിന് സുരക്ഷ ഒരുക്കുന്നുണ്ട്.
1985 ല് അമേരിക്ക സ്വന്തമാക്കിയ ഗള്ഫ്സ്ട്രീം IV വിഐപി ജെറ്റുകളാണ് രഹസ്യ വിമാനവ്യൂഹത്തില് ഉള്പ്പെടുന്നത്. ഗള്ഫ്സ്ട്രീം ജെറ്റുകളില് ആയുധങ്ങള് ഇല്ല എന്നതാണ് ഏറെ ശ്രദ്ധേയം.
രണ്ട് റോള്സ് റോയ്സ് ടെയ് ടര്ബ്ബോഫാന് എഞ്ചിനുകളിലാണ് ഗള്ഫ്സ്ട്രീം ജെറ്റുകള് പ്രവര്ത്തിക്കുന്നത്. 12 മുതല് 16 യാത്രക്കാരെ വരെ ഓരോ ഗള്ഫ്സ്ട്രീം ജെറ്റിലും ഉള്ക്കൊള്ളാന് സാധിക്കും.
ആധുനിക സാങ്കേതികതയില് പിന്നോക്കം പോകുന്ന ഗള്ഫ്സ്ട്രീം ജെറ്റുകളെ പ്രതിരോധത്തിനായാണ് അമേരിക്ക നിയോഗിച്ചിരിക്കുന്നത്. എയര്ഫോഴ്സ് വണിന് നേര വരുന്ന ഏത് ആക്രമണത്തെയും പ്രതിരോധിക്കുകയാണ് ഗള്ഫ്സ്ട്രീം ജെറ്റുകളുടെ പ്രാഥമിക കര്ത്തവ്യം.
C-20Cs എന്നും ഗള്ഫ്സ്ട്രീം ജെറ്റുകള് അറിയപ്പെടുന്നുണ്ട്. അടിയന്തര സാഹചര്യങ്ങളില് അമേരിക്കന് പ്രസിഡന്റിന്റെ സുരക്ഷിത സ്ഥാനത്തേക്ക് മാറ്റുന്നതിനുള്ള ഉത്തരവാദിത്വവും ഗള്ഫ്സ്ട്രീം ജെറ്റുകള്ക്കാണ്.
എയര്ഫോഴ്സ് വണിന്റെ സന്നാഹത്തെ പിന്തുടരുന്ന ഗള്ഫ്സ്ട്രീം ജെറ്റുകള്, പ്രസിഡന്റുള്ള സ്ഥാനത്ത് നിന്നും ഒരു മണിക്കൂര് അകലെയുള്ള എയര്ബേസിലോ, എയര്പോര്ട്ടിലോ ആകും ലാന്ഡ് ചെയ്യുക.
അടിയന്തര സാഹചര്യങ്ങളില് പ്രസിഡന്റുമായി പറക്കുന്ന ഗള്ഫ്സ്ട്രീം ജെറ്റുകള്, അമേരിക്കയില് ഉടനീളമുള്ള ഗ്രൗണ്ട് കമാന്ഡ് പോസ്റ്റുകളിലേക്ക് പ്രസിഡന്റിനെ സുരക്ഷിതമായി എത്തിക്കാന് നിയോഗിക്കപ്പെട്ടതാണ്.
അമേരിക്കന് പ്രതിരോധ സെക്രട്ടറിയ്ക്കും ഗള്ഫ്സ്ട്രീം ജെറ്റുകള് രഹസ്യ സുരക്ഷ ഒരുക്കുന്നുണ്ടെന്ന് റിപ്പോര്ട്ടുകള് സൂചിപ്പിക്കുന്നു.
കാലഹരണപ്പെട്ട കണ്ട്രോളുകളും ആധുനിക സാങ്കേതികതയുടെ അഭാവവുമാണ് ഗള്ഫ്സ്ട്രീം ജെറ്റുകളുടെ പ്രധാന സവിശേഷത.
കാരണം, ആണവ ആയുധങ്ങളുടെ ഇലക്ട്രോമാഗ്നറ്റിക് പള്സിന് (EMP) വിധേയമാകാതിരിക്കാന് ഗള്ഫ്സ്ട്രീം ജെറ്റിന് സാധിക്കും. 89 മത് എയര്ഫോഴ്സ് എയര്ലിഫ്റ്റ് വിംഗിന്റെ ഭാഗമാണ് ഗള്ഫ്സ്ട്രീം ജെറ്റുകള്.