ലോകത്തിലെ നീളമേറിയ ഹൈവേകളിൽ ഇന്ത്യൻ ഹൈവേക്കുള്ള പ്രാധാന്യം?

10. ഇന്റർസ്റ്റേറ്റ് 80(1-80), അമേരിക്ക

അമേരിക്കയിലെ പതിനൊന്ന് സംസ്ഥാനങ്ങളെ ബന്ധിപ്പിച്ച് കടന്നുപോകുന്ന ഹൈവേയാണിത്. അമേരിക്കയിൽ ക്രിസ്റ്റഫർ കോളംബസ് എന്ന പേരിലും ഇന്റർസ്റ്റേറ്റ് 80(1-80) ഹൈവേ അറിയപ്പെടുന്നുണ്ട്. 4,666കിലോമീറ്റർ ദൈർഘ്യമാണ് ഈ നീളമേറിയ ഹൈവേയ്ക്കുള്ളത്. സാൻഫ്രാൻസിസ്കോയിൽ നിന്നാരംഭിക്കുന്ന ഹൈവേ ന്യൂജേഴ്സി വരെ നീണ്ടുപോകുന്നു.

Picture credit: Jo-H/Flickr

09. ഇന്റർസ്റ്റേറ്റ് 90(1-90), അമേരിക്ക

അമേരിക്കയിലെ പ്രശസ്തവും നീളമേറിയതുമായ അന്തർദേശീയ ഹൈവേയാണ് ഇന്റർസ്റ്റേറ്റ് 90(1-90). 4,860 കിലോമീറ്ററാണ് ഈ ഹൈവേയുടെ മൊത്തം നീളം. 1950 കളിൽ ആരംഭിച്ച ഈ ഹൈവേയുടെ നിർമാണം 1985ഓടുകൂടിയാണ് അവസാനിച്ചത്. അമേരിക്കയിലെ പതിനൊന്ന് സംസ്ഥാനങ്ങളിലൂടെയാണ് ഈ ഹൈവേ കടന്നുപോകുന്നത്.

Picture credit: Ed Suominen/Flickr

08. യുഎസ് റൂട്ട് 6

ഗ്രാന്റ് ആർമി ഓഫ് ദി റിപ്പബ്ലിക്ക് ഹൈവേ എന്ന വിശേഷണത്തിലാണ് യുഎസ് റൂട്ട് 6 അറിയപ്പെടുന്നത്. ബിഷപ്പ് കാലിഫോർണിയയിൽ നിന്നാരംഭിച്ച് പ്രോവിൻസ് ടൗണിൽ അവസാനിക്കുന്ന ഈ ഹൈവേയ്ക്ക് 5,158കിലോമീറ്റർ ദൈർഘ്യമാണുള്ളത്. 1920കളിൽ റൂസ്‌വെൽറ്റ് ഹൈവേ എന്നപേരിലുമിത് അറിയപ്പെട്ടിരുന്നു.

Picture credit: Doug Kerr/Wiki Commons

07. യുഎസ് റൂട്ട് 20

അമേരിക്കയിലെ ഒമ്പത് സംസ്ഥാനങ്ങളിൽ കൂടി കടന്നുപോകുന്ന ഹൈവേയാണിത്. 1926ൽ നിർമ്മിച്ച ഈ ഹൈവേയ്ക്ക് 5,415 കിലോമീറ്റർ ദൈർഘ്യമാണുള്ളത്. പ്രകൃതിരമണീയമായ കാഴ്ചകൾ ആസ്വദിച്ചുള്ള യാത്ര പ്രദാനം ചെയ്യുന്നതിനാൽ ഈ ഹൈവേ അമേരിക്കയിൽ വളരെ പ്രശസ്തവുമാണ്. ന്യൂപോർട്ടിൽ നിന്നാരംഭിച്ച് അമേരിക്കയുടെ കിഴക്ക്ഭാഗത്തുള്ള ഇദാഹോയിലേക്കുള്ള നീളുന്നതാണ് ഈ ഹൈവേ.

Picture credit: John Phelan/Wiki Commons

06. ചൈന നാഷണൽ ഹൈവേ 010

ചൈനയിൽ ഏറ്റവും നീളമേറിയതും ലോകത്തിൽ വച്ച് ആറാമത്തെ നീളമേറിയ ഹൈവേയാണ് നാഷണൽ ഹൈവേ 010. ടോങ്സാൻ എക്സ്പ്രെസ്‌വെ എന്നപേരിലാണ് ഈ ഹൈവേ അറിയപ്പെടുന്നത്. 5,700കിലോമീറ്റർ ദൈർഘ്യമാണ് ഈ ഹൈവേയ്ക്കുള്ളത്.

Picture credit: Yaoleilei/Wiki Commons

05. ഗോൾഡൻ ക്വാഡ്രിലാറ്ററൽ ഹൈവേ, ഇന്ത്യ

ഇന്ത്യയിൽ ഏറ്റവും നീളമേറിയ ഹൈവേകളിൽ ഓന്നാണ് ഗോൾഡൻ ക്വാഡ്രിലാറ്ററൽ ഹൈവേ. 5,846കിലോമീറ്റർ ദൈർഘ്യമുള്ള ഈ ഹൈവേ ലോകത്തിലെ നീളമേറിയ അഞ്ചാമത്തെ ഹൈവേയാണ്. 2001ൽ നിർമാണം ആരംഭിച്ച ഈ ഹൈവേയുടെ നിർമാണം 2012ലാണ് പൂർത്തിയാക്കിയത്. കൊൽക്കത്ത, മുംബൈ, ദില്ലി, ചെന്നൈ എന്നീ നാല് സുപ്രധാന നഗരങ്ങളിലൂടെയാണിത് കടന്നു പോകുന്നത്.

04. ട്രാൻസ് കാനഡ ഹൈവേ

ലോകത്തിലെ നാലാമത്തെ നീളമേറിയ ഹൈവേയാണ് ട്രാൻസ് കാനഡ ഹൈവേ. കാനഡയിലെ ഒട്ടുമിക്ക എല്ലാ നഗരങ്ങളേയും ബന്ധിപ്പിച്ചാണ് ഈ ഹൈവേ കടന്നു പോകുന്നത്. 7,821കിലോമീറ്റർ ദൈർഘ്യമുള്ള ഹൈവേ 1950കളിലാണ് നിർമ്മിച്ചത്.

Picture credit: WikiPedant/Wiki Commons

03. ട്രാൻസ് സൈബേരിയൻ ഹൈവേ

ഏഴ് ഫെഡറൽ ഹൈവേകൾ ഉൾക്കൊള്ളുന്നതാണ് ട്രാൻസ് സൈബേരിയൻ ഹൈവേ. റഷ്യയിലെ സെന്റ്.പീറ്റേസ്ബർഗിൽ നിന്നാരംഭിക്കുന്ന ഹൈവേ വ്ലാഡിവോസ്ടോക്കിലാണ് അവസാനിക്കുന്നത്. 11,000കിലോമീറ്റർ ദൈർഘ്യമുള്ള ഈ ഹൈവേ പ്രകൃതിമനോഹരമായ കാഴ്ചകളാണ് പ്രദാനം ചെയ്യുന്നത്.

Picture credit: Mike1979 Russia/Wiki Commons

02. ഹൈവേ 1, ഓസ്ട്രേലിയ

ഓസ്ട്രേലിയയിലെ നീളമേറിയതും പ്രശസ്തവുമായ ഈ ഹൈവേ ലോകത്തിൽ വച്ച് രണ്ടാമത്തെ നീളമേറിയ ഹൈവേയാണ്. 1955ൽ നിർമ്മിച്ച ഈ ഹൈവേയ്ക്ക് 14,500കിലോമീറ്റർ ദൈർഘ്യമാണുള്ളത്. ആസ്ട്രേലിയയിലെ ഡാർവിൻ, ബ്രിസ്ബേൻ സ്റ്റേറ്റുകളെ ഒഴിച്ച് മറ്റെല്ലാ സ്റ്റേറ്റുകളേയും ബന്ധിപ്പിച്ചാണ് ഈ ഹൈവേ കടന്നു പോകുന്നത്. ഒരു ദിവസം ഒരു ദശലക്ഷത്തിലധികം ആളുകളാണ് ഈ ഹൈവേ കടന്നുപോകുന്നത് എന്നാണ് കണക്കുകൾ സൂചിപ്പിക്കുന്നത്.

Picture credit: Tony Bowden/Flickr

01. പാൻ അമേരിക്കൻ ഹൈവേ

ലോകത്തിലെ ഏറ്റവും നീളമേറിയ ഹൈവേ എന്ന നിലയ്ക്കാണ് പാൻ അമേരിക്കൻ ഹൈവേ പ്രശസ്തിനേടിയിരിക്കുന്നത്. ലോകത്തിലെ നീളമേറിയ ഹൈവേ എന്ന നിലയ്ക്ക് ഗിന്നസ് റിക്കോർഡും കരസ്ഥമാക്കിയിട്ടുണ്ട്. 48,000 കിലോമീറ്റർ ദൈർഘ്യമുള്ള ഈ ഹൈവേ കൊടുംവനങ്ങൾ, മരുഭൂമി എന്നീ വ്യത്യസ്ത ഭൂപ്രദേശത്തുകൂടിയാണ് കടന്നു പോകുന്നത്.

Picture credit: JorgeBRAZIL/Wiki Commons

2000 വർഷം പഴക്കമുള്ള മരങ്ങളിൽ തീർത്ത ഈ പാതകൾ നിങ്ങളെ ഞെട്ടിക്കും