ഇന്ത്യയിലെ ഏറ്റവും നീളമേറിയ 10 ദേശീയപാതകള്‍

വായിക്കുവാന്‍ ചിത്രങ്ങളിലൂടെ നീങ്ങുക

Picture credit: Wiki Commons

j929

10. എന്‍എച്ച് 31

എന്‍എച്ച് 31 ആണ് വലിപ്പത്തില്‍ പത്താം സ്ഥാനത്തുവരുന്നത്. 1,125 കിലോമീറ്ററാണ് ഈ പാതയുടെ മൊത്തം നീളം. ഝാര്‍ഘണ്ഡിലെ ബര്‍ഹിയില്‍ തുടങ്ങി ഗുവാഹട്ടിയിലെ ജാലുക്ബാരിയില്‍ അവസാനിക്കുന്നു ഈ പാത. ബിഹാര്‍, പശ്ചിമബംഗാള്‍, ആസ്സാം എന്നിവിടങ്ങളിലൂടെയെല്ലാം എന്‍എച്ച് 31 പോകുന്നുണ്ട്.

Picture credit: Wiki Commons

Tanmoy Bhaduri

09. എന്‍എച്ച് 3

വലിപ്പത്തില്‍ ഒമ്പതാം സ്ഥാനത്താണ് എന്‍എച്ച് 3 വരിക. 1,190 കിലോമീറ്ററാണ് ഈ പാതയുടെ നീളം. ആഗ്രയെയും മുംബൈയെയും ബന്ധിപ്പിക്കുന്ന പാതയാണിത്.

Picture credit: Wiki Commons

rajkumar1220

08. എന്‍എച്ച് 4

വലിപ്പത്തില്‍ എട്ടാം സ്ഥാനമാണ് എന്‍എച്ച് 4നുള്ളത്. ഏറ്റവും ജനത്തിരക്കേറിയ പത്ത് ഇന്ത്യന്‍ നഗരങ്ങളില്‍ നാലെണ്ണത്തെ ബന്ധിപ്പിക്കുന്ന പാതയാണെന്ന പ്രത്യേകതയുമുണ്ട് എന്‍എച്ച്4ന്. 1,235 കിലോമീറ്ററാണ് ഈ പാതയുടെ മൊത്തം ദൂരം. മുംബൈ, പൂനെ, ബംങ്കളുരു, ചെന്നൈ എന്നീ നഗരങ്ങളെ എന്‍എച്ച് 4 ബന്ധിപ്പിക്കുന്നു. മഹാരാഷ്ട്രം, കര്‍ണാടകം, ആന്ധ്ര പ്രദേശ്, തമിഴ്‌നാട് എന്നീ സംസ്ഥാനങ്ങളിലൂടെ പാത കടന്നുപോകുന്നു.

Picture credit: Wiki Commons

Ashwin Kumar

07. എന്‍എച്ച് 17

കൊച്ചി നഗരത്തെയും മഹാരാഷ്ട്രത്തെയും ബന്ധിപ്പിക്കുന്ന പാതയാണ് എന്‍എച്ച് 17. പശ്ചിമഘട്ട നിരകള്‍ക്കു സമാന്തരമായി നീങ്ങുന്ന ഈ പാത കാഴ്ചയ്ക്ക് അതിമനോഹരമാണ്. മഹാരാഷ്ട്രത്തിലെ പാന്‍വേലിലാണ് എന്‍എച്ച് 17 ചെന്നുചേരുന്നത്. മഹാരാഷ്ട്രം, ഗോവ, കര്‍ണാടക, കേരളം എന്നീ സംസ്ഥാനങ്ങളിലൂടെ നീങ്ങുന്ന ഈ പാതയ്ക്ക് 1,269 കിലോമീറ്റര്‍ ദൂരമാണുള്ളത്.

Picture credit: Wiki Commons

SBC-YPR

06. എന്‍എച്ച് 8

രാജ്യത്തിന്റെ തലസ്ഥാനത്തെ മുംബൈ നഗരവുമായി ബന്ധിപ്പിക്കുന്ന ദേശീയപാതയാണ് എന്‍എച്ച് 8. 1,428 കിലോമീറ്റര്‍ നീളമുണ്ട് ഈ പാതയ്ക്ക്. ഗുഡ്ഗാവ്, അജ്മീര്‍, ഉദയ്പൂര്‍, അഹ്മദാബാദ്, സൂറത്ത്, ജയ്പൂര്‍, വഡോദര എന്നിവിടങ്ങളിലൂടെ നീങ്ങുന്നു ഈ ദേശീയപാത.

Picture credit: Wiki Commons

Vssun

05. എന്‍എച്ച് 2

ഇന്ത്യയിലെ ഏറ്റവും തിരക്കേറിയ ദേശീയപാതകളിലൊന്നാണിത്. ദില്ലിയും കൊല്‍ക്കത്തയും ഈ പാതയിലൂടെ ബന്ധിപ്പിക്കപ്പെടുന്നു. 1,465 കിലോമീറ്റര്‍ നീളമുണ്ട് ഈ പാതയ്ക്ക്. ദില്ലി, ഹരിയാന, ഉത്തര്‍പ്രദേശ്, ബിഹാര്‍, ഝാര്‍ഘണ്ഡ്, പശ്ചിമബംഗാള്‍ എന്നിവിടങ്ങളിലൂടെ നീങ്ങുന്ന എന്‍എച്ച് 2 ഏഷ്യന്‍ റോഡ് നെറ്റ്‌വര്‍ക്കിന്റെ ഭാഗമാണ് എന്നുമറിയുക.

Picture credit: Wiki Commons

Atishtiwari18

04. എന്‍എച്ച് 15

ഗുജറാത്തിലെ സാമഖിയാലിയെ പഞ്ചാബിലെ പത്താന്‍കോട്ടുമായി ബന്ധിപ്പിക്കുന്നത് ഈ പാതയാണ്. 1,526 കിലോമീറ്റര്‍ നീളമുണ്ട് ഈ പാതയ്ക്ക്. പഞ്ചാബ്, ഗുജറാത്ത്, രാജസ്ഥാന്‍ എന്നിവിടങ്ങളിലൂടെ പോകുന്നു എന്‍എച്ച് 15.

Picture credit: BCMTouring

KurtRules

03. എന്‍എച്ച് 5

1,533 കിലോമീറ്റര്‍ നീളം വരുന്നതാണ് എന്‍എച്ച് 5. ഒഡിഷ, ആന്ധ്ര പ്രദേശ്, തമിഴ്‌നാട് എന്നിവിടങ്ങളിലൂടെ കടന്നുപോകുന്നു ഈ പാത. ഒഡിഷയിലെ ഝാര്‍പോഖാരിയയില്‍ തുടങ്ങി തമിഴ്‌നാട്ടിലെ ചെന്നൈ നഗരത്തില്‍ അവസാനിക്കുന്നു എന്‍എച്ച് 5.

Picture credit: Wiki Commons

Adityamadhav83

02. എന്‍എച്ച് 6

രാജ്യത്തെ ദേശീയപാതകളില്‍ രണ്ടാം സ്ഥാനത്തു വരുന്നത് എന്‍എച്ച് 6 ആണ്. വളരെ തിരക്കേറിയ റൂട്ടാണിത്. ഗുജറാത്തിലെ ഹാജിറയില്‍ തുടങ്ങി പശ്ചിമബംഗാളിലെ കൊല്‍ക്കത്തയില്‍ ചെന്നു നില്‍ക്കുന്നു ഈ പാത. ഗുജറാത്ത്, മഹാരാഷ്ട്ര, ഛത്തിസ്ഗഢ്, ഒഡിഷ, ഝാര്‍ഘണ്ഡ്, പശ്ചിമബംഗാള്‍ എന്നിവിടങ്ങളിലൂടെ നീങ്ങുന്നു ഈ ഹൈവേ.

Picture credit: Wikimapia

01. എന്‍എച്ച് 7

ഇന്ത്യയിലെ ഏറ്റവും നീളമേറിയ ദേശീയപാതയാണിത്. 2,369 കിലോമീറ്ററാണ് ഈ പാതയുടെ നീളം. സെന്‍ട്രല്‍ പബ്ലിക് വര്‍ക്‌സ് ഡിപ്പാര്‍ട്‌മെന്റാണ് എന്‍എച്ച് 7 പരിപാലിക്കുന്നത്. തമിഴ്‌നാട്ടിലെ കന്യാകുമാരിയില്‍ തുടങ്ങി ഉത്തര്‍പ്രദേശിലെ വാരാണസിയില്‍ അവസാനിക്കുന്ന പാതയാണിത്. തമിഴ്‌നാട്, കര്‍ണാടകം, ആന്ധ്ര, തെലങ്കാന, മഹാരാഷ്ട്രം, മധ്യപ്രദേശ്, ഉത്തര്‍പ്രദേശ് എന്നീ സംസ്ഥാനങ്ങളിലൂടെ പാത നീങ്ങുന്നു.

Picture credit: Wiki Commons

j929