17വർഷത്തിനു ശേഷം നീളമേറിയ റെയിൽവെ ടണൽ യാഥാർത്ഥ്യമാകുന്നു

മിലാൻ-സൂറിഷ്, ബേസൽ-ലുഗാനോ എന്നീ സ്ഥലങ്ങളെ ബന്ധിപ്പിക്കുന്ന രണ്ടുവരി പാതയാണ് ഈ ടണൽ വഴി കടന്നുപോകുന്നത്.

ഈ പാതവഴിയുള്ള പരീക്ഷണയോട്ടം ജൂൺ ഒന്നിന് നടത്തും. എന്നാൽ യാത്രക്കാർക്കായി പൂർണമായും ഗതാഗതയോഗ്യമാകുന്നത് ഈ വർഷമവസാനത്തോടെയാണ്.

28.2 മില്ല്യൻ ടൺ ഭാരമുള്ള സ്വിസ് പർവതനിരകൾ തുരന്നാണ് തുരങ്കം പണിഞ്ഞിരിക്കുന്നത്. 10.6 ബില്ല്യൺ യൂറോ ആണിതിന്റെ നിർമാണ ചിലവ്.

മണിക്കൂറിൽ 250കിലോമീറ്റർ വേഗതയിലായിരിക്കും ട്രെയിനുകൾ ടണൽ വഴി കടന്നുപോവുക. ടണലിന്റെ ഒരറ്റത്ത് നിന്നും മറ്റൊരറ്റത്തേക്ക് എത്താൻ ഏകദേശം 20മിനിട്ട് വേണ്ടിവരും.

260 ചരക്ക് ട്രെയിനുകളും 65 പാസഞ്ചർ ട്രെയിനുകളും കടന്നുപോകാൻ തക്കശേഷിയാണ് ടണലിന് നൽകിയിട്ടുള്ളത്.

ഡിസംബർ മുതൽ ഗതാഗതമാരംഭിച്ചു കഴിഞ്ഞാൽ 25 മുതൽ 40മിനിട്ടിനുള്ളിൽ ആളുകൾക്ക് ലക്ഷ്യസ്ഥാനത്തെത്താം. വൻതോതിലുള്ള യാത്രാസമയമാണ് ടണൽ വഴി വെട്ടിച്ചുരുങ്ങാൻ പോകുന്നത്.

സ്വിസ് പർവതനിരകളുടെയും വനപ്രദേശങ്ങളുടേയും മനോഹാരിത ആസ്വദിച്ചുക്കൊണ്ടുള്ള യാത്രയുമാകാം.

നാഷണൽ റെയിൽവെ നെറ്റ്‌വർക്കിൽ പെടുന്ന ഉയരം കൂടിയ പാലങ്ങളും ചില ഡബിൾ ലൂപ് ടണലും ഉൾക്കൊള്ളുന്നതാണ് പുതിയ ഗോതാർഡ് റെയില്‍ റൂട്ട്.

2016 ഡിസംബർ 11നാണ് ടണൽപാത പൂർണ ഗതാഗതത്തിനായി വിട്ടുകൊടുക്കുന്നത്.

അങ്ങനെ ആദ്യത്തെ 'സോളാർ' ട്രെയിനും പാളത്തിലിറങ്ങുന്നു

ഇന്ത്യയുടെ ഹൃദയതുടിപ്പാണ് ട്രെയിനുകൾ; അറിയാം ചില കാര്യങ്ങൾ