ലോകം കണ്ട ഭീമൻ ജെറ്റ് എൻജിനുമായി ബോയിംഗ് പറക്കും

ഭാരം കുറഞ്ഞതും ഉയർന്ന താപനിലയെ ചെറുക്കാൻ കഴിയുന്നതുമായ സെറാമിക് മെട്രിക്സ് കംപോസിറ്റുകൾ കൊണ്ടാണ് എൻജിൻ നിർമാണം നടത്തിയിട്ടുള്ളത്.

3.4മീറ്റർ വ്യാസമുള്ള കൂറ്റൻ ഫാനാണ് എൻജിനിന് മുൻഭാഗത്തായി ഘടിപ്പിച്ചിട്ടുള്ളത്.

നാലാം തലമുറയിൽപ്പെട്ട പതിനാറ് കാർബൺ ഫൈബറുകൾ അടങ്ങിയിട്ടുള്ള ഫാൻ ബ്ലേഡുകളാണ് ഇതിൽ ഉപയോഗിച്ചിരിക്കുന്നത്.

2,400 ഡിഗ്രി താപനിലയിൽ പ്രവർത്തിക്കുന്ന എൻജിൻ 100,000 പൗണ്ട് ത്രസ്റ്റാണ് ഉല്പാദിപ്പിക്കുന്നത്.

ത്രീഡി പ്രിന്റുള്ള ഫ്യുവല്‍ നോസിലുകളും നാല് ഫ്യുവൽ ടാങ്കുകളുമാണ് ഈ എൻജിൻ ഉൾക്കൊള്ളുന്നത്.

ബോയിംഗിന്റെ 777 മിനി ജംബോ ജെറ്റിന്റെ പുതിയ പതിപ്പ് 777എക്സ് വിമാനം വികസിപ്പിക്കലിന്റെ ഭാഗമായിട്ടാണ് ഈ കൂറ്റൻ എൻജിന്റെ പരീക്ഷണം ദ്രുതഗതിയിൽ നടത്തുന്നതെന്ന് പറയപ്പെടുന്നത്.

2020ഓടുകൂടി സർവീസിൽ എത്തുന്ന ഈ പുത്തൻ പതിപ്പ് ജെറ്റ് വിമാനത്തിൽ 406 സീറ്റുകളാണ് ഉൾക്കൊള്ളിക്കുന്നത്.

ജനറൽ ഇലക്ട്രികിന്റെ എതിരാളിയായ റോൾസ് റോയിസ് നിർമ്മിച്ചിട്ടുള്ള ടർബോഫാൻ ജെറ്റ് എൻജിനാണ് നിലവിലുള്ള വലുപ്പമേറിയ എൻജിൻ.

ട്രെന്റ് എക്സ്ഡബ്ല്യൂബി-97 എന്നപേരിലറിയപ്പെടുന്ന ഈ ത്രീ ഷാഫ്റ്റ് ടർബോഫാൻ ജെറ്റ് എൻജിൻ 97,000 പൗണ്ട് ത്രസ്റ്റാണുല്പാദിപ്പിക്കുന്നത്.

ജിഇ9എക്സ് എന്ന പടുകൂറ്റൻ എൻജിൻ ഘടിപ്പിക്കുന്ന ബോയിംഗിന്റെ 777-9എക്സ് ജെറ്റ് വിമാനം ലോകത്തിലെ തന്നെ ഏറ്റവും വലിയ വിമാനമായിരിക്കുമെന്നാണ് കമ്പനി അവകാശപ്പെടുന്നത്.

71.8മീറ്റർ നീളമുള്ള ഭീമൻ ചിറകുകളാണ് ഇതിൽ ഘടിപ്പിക്കുന്നത്. എയർപോർടുകളിൽ സുഖകരമായി പറന്നിറങ്ങാനും ഉയരുവാനുമായി ചിറകകുകളുടെ മടക്കി വയ്ക്കാൻ പറ്റാവുന്ന തരത്തിലാണ് ഇവ നിർമ്മിക്കുക.

ബോയിംഗിന്റെ പുതിയ പതിപ്പായ 777എക്സ് ജെറ്റിന്റെ നിർമാണം അടുത്തവർഷത്തോടുകൂടി ആരംഭിക്കുമെന്നാണ് കമ്പനി അറിയിച്ചിട്ടുള്ളത്.

നാനൂറിലധികം യാത്രക്കാർക്കിരിക്കാനുള്ള സൗകര്യമാണ് വിമാനത്തിനകത്ത് ഒരുക്കുകയെന്ന കമ്പനി വ്യക്തമാക്കി.

അടുത്തവർഷം നിർമാണമാരംഭിക്കുന്ന ജെറ്റിനായി നിർമ്മിച്ചിട്ടുള്ള ഈ കൂറ്റൻ എൻജിന്റെ പരീക്ഷണം പലതവണകളായി നടത്തിക്കഴിഞ്ഞു.

എൻജിന്റെ പല പ്രവർത്തനങ്ങളും പരിശോധിച്ചുറപ്പാക്കാനായി പരീക്ഷണമിനിയും തുടരുമെന്നാണ് നിർമാതാക്കൾ അറിയിച്ചിട്ടുള്ളത്.

മോഡിയുടെ പ്രിയപ്പെട്ട യുദ്ധവിമാനം തേജസ്സിനെക്കുറിച്ച് അറിയേണ്ടതെല്ലാം

ചൈനീസ് ഗ്രാമീണൻ നിർമിച്ച ആകാശക്കപ്പൽ

ലോകത്തിലെ മികച്ച പ്രൈവറ്റ് എയർക്രാഫ്റ്റുകൾ