ലോകത്തിലെ ഏറ്റവും വലിയ ലംബോർഗിനി ഷോറൂം ദുബായിൽ

ഷോറൂം എന്ന നിലയിൽ മാത്രമല്ല സർവീസ് സെന്റർ എന്ന നിലയ്ക്ക് കൂടിയാണ് 30,000 ചതുരശ്രയടി വിസ്തീർണമുള്ള ഈ ഷോറൂം വലുപ്പത്തിൽ ഒന്നാമനായിരിക്കുന്നത്.

മൂന്ന് നിലകളിലായിട്ടാണ് ഷോറൂം പണിതിട്ടുള്ളത്. സ്പോർട്സ് കാറുകൾക്കായി രണ്ട് ഡിസ്പ്ലെ ഏരിയകളും ഒരുക്കിയിട്ടുണ്ട്.

ലോകപ്രശസ്ത വാസ്തുശില്പി കാര്‍ലോസ് ഓട്ടാണ് ഈ മനോഹരമായ ഷോറൂം പടുത്തുയർത്തിയിട്ടുള്ളത്.

സ്റ്റീല്‍ കേബിളുകൾ താങ്ങി നിര്‍ത്തുന്ന തരത്തിൽ ഗ്ലാസ് ഉപയോഗിച്ചാണ് കെട്ടിടത്തിന്റെ മുൻഭാഗം പണിതിട്ടുള്ളത്.

ദുബായില്‍ ലംബോര്‍ഗിനി വി 10, വി12 സ്പോർട്സ് കാറുകള്‍ക്ക് വര്‍ദ്ധിച്ചുവരുന്ന ഡിമാന്റ് കണക്കിലെടുത്താണ് വിശാലമായ ഷോറൂമിന് തുടക്കമിട്ടിരിക്കുന്നതെന്ന് അല്‍ ജസീരി മോട്ടോഴ്‌സ് ജനറല്‍ മാനേജര്‍ ബദര്‍ അല്‍ ജസീരി പറഞ്ഞു.

2018ലെത്തുന്ന ലംബോര്‍ഗിനി യൂറസ് എസ്‌യുവിക്കും മികച്ച പ്രതികരണം ലഭിക്കുമെന്ന പ്രതീക്ഷയിലാണ് തങ്ങളെന്നും അദ്ദേഹം അറിയിച്ചു.

2012ലെ ബെയിജിംഗ് മോട്ടോർഷോയിലാണ് യൂറസ് എസ്‌യുവിയുടെ പ്രദർശനം ആദ്യമായി നടത്തിയത്.

ഇലക്ട്രിക് മോട്ടോറടക്കമുള്ള 5.2ലിറ്റർ വി10എൻജിനാണ് ഈ വാഹനത്തിലുപയോഗിക്കുക.

584ബിഎച്ച്പിയാണ് ഈ എൻജിൻ ഉല്പാദിപ്പിക്കുക. 328km/h ആണിതിന്റെ ഉയർന്ന വേഗതയായി കണക്കാക്കുന്നത്.

പ്രൈവറ്റ് ജെറ്റിനേക്കാളും ആഡംബരതയുള്ള ക്യാഡിലാകുമായി ഒരു ബില്ല്യനർ

റേസ് കാർ രൂപത്തിൽ ഉല്ലാസബോട്ടുമായി ബെൻസ്