Click it and Unblock the Notifications
ഇന്ത്യ ഇപ്പോഴും സൈക്കിളില്
2010 കാനേഷുമാരി വിവരങ്ങള് പറയുന്ന വിവരങ്ങള് പ്രകാരം ഇന്ത്യന് കുടുംബങ്ങളില് 44.8 ശതമാനം പേരുടെയും വാഹനം സൈക്കിളാണ്. ഉത്തര് പ്രദേശിലാണ് സൈക്കിള് സാന്ദ്രത കൂടുതല് എന്ന് കണക്കുകള് പറയുന്നു. 67 ശതമാനം പേരാണ് ഈ സംസ്ഥാനത്ത് സൈക്കിള് ഉപയോഗിക്കുന്നത്. വടക്കുകിഴക്കന് സംസ്ഥാനമായ സിക്കിമിലാണ് ഏറ്റവും കുറവ് സൈക്കിള് ഉപഭോക്താക്കളുള്ളത്. 0.9 ശതമാനമാണ് നിരക്ക്. മേഘാലയയില് 5.6 ശതമാനം പേരാണ് മോട്ടോര്ബൈക്ക് ഉപയോഗിക്കുന്നത്.
സൈക്കിളുകള് കഴിഞ്ഞാല് രാജ്യത്തെ യാത്രാവാഹനങ്ങളില് രണ്ടാം സ്ഥാനം മോട്ടോര്ബൈക്കിനാണ്. 21 ശതമാനം പേരാണ് ബൈക്ക് ഉപയോഗിക്കുന്നത്. ഇതില് സ്കൂട്ടറുകളും മൊപെഡുകളുമെല്ലാം ഉള്പെടും. വെറും 4.7 ശതമാനം പേര് മാത്രമാണ് കാര് ഉപയോക്താക്കള്!
ഗോവയിലാണ് ഏറ്റവുമധികം യാത്രാവാഹനങ്ങള് ഉപയോഗിക്കുന്നത്. ഗോവയിലെ ജനങ്ങളുടെ 24.6 ശതമാനവും കാറിലാണ് യാത്ര ചെയ്യുന്നത്. 56 ശതമാനം പേര് ബൈക്കിനെ ആശ്രയിക്കുന്നു.
സിയാം പ്രസിഡന്റ് വിഷ്മു മൂത്തൂറിന്റെ അഭിപ്രായത്തില് അതിവേഗത്തിലുള്ള വളര്ച്ചയാണ് കാര് വിപണി കൈവരിക്കുന്നത്. 2020 ആകുമ്പോഴേക്കും കാര് വില്പന 90 ലക്ഷമായി ഉയരും.
Continue with Google