കണ്‍സെപ്റ്റ് 101: 'തുറന്ന പാതകളുടെ ദൈവം!'

ഒരു മാസ്സ് ടൂറിങ് ബൈക്കാണിത്. 'സ്പിരിറ്റ് ഓഫ് ദി ഓപ്പണ്‍ റോഡ്' എന്നാണ് ഈ ബൈക്കിനെ ബിഎംഡബ്ല്യു വിശേഷിപ്പിക്കുന്നത്. കോണ്‍കോഴ്‌സോ ഡി എലഗന്‍സ വിസ്സാ ഡി എസ്‌റ്റെയില്‍ കണ്‍സെപ്റ്റ് 101 അവതരിപ്പിക്കപ്പെടും.

പഴയ ഇന്ത്യന്‍ മോട്ടോര്‍സൈക്കിളുകളുടെ പൊതു ഡിസൈന്‍ ശൈലിയായിരുന്ന അമേരിക്കന്‍ ബാഗ്ഗര്‍ ഡിസൈനിലാണ് കണ്‍സെപ്റ്റ് 101 വരുന്നത്. ബിഎംഡബ്ല്യുവിന്റെ തന്നെ പഴയകാല മോഡലുകളുടെ ഡിസൈനുകളില്‍ നിന്നും ഈ വാഹനം ചിലതെല്ലാം സ്വീകരിച്ചിട്ടുണ്ട്.

വശങ്ങളില്‍ നിന്നുള്ള കാഴ്ചയില്‍ കണ്‍സെപ്റ്റ് 101 കിടിലനാണ്. തുറന്നു കിടക്കുന്ന എന്‍ജിന്‍ ഭാഗം വാഹനത്തിന് അസാധ്യമായ സൗന്ദര്യം നല്‍കുന്നുണ്ട്. ഇന്ത്യന്‍ മോട്ടോര്‍സൈക്കിള്‍ ഡിസൈനുകളോടുള്ള ബൈക്കിന്റെ കടപ്പാട് ഏറെ വ്യക്തമാണ് വശങ്ങളില്‍ നിന്നുള്ള കാഴ്ചയില്‍.

സൈഡ് ബാഗുകളിലാണ് ബ്രേക്ക് ലൈറ്റുകള്‍ ഘടിപ്പിച്ചിരിക്കുന്നത്. ഒരു 6 സിലിണ്ടര്‍ 1649സിസി എന്‍ജിന്‍ ഘടിപ്പിച്ചിരിക്കുന്നു വാഹനത്തില്‍.

ബിഎംഡബ്ല്യു മോട്ടോറാഡ് ഡിസൈന്‍ ടീം, റോളാന്‍ഡ് സാന്‍ഡ്‌സ് ഡിസൈനുമായി ചേര്‍ന്നാണ് കണ്‍സെപ്റ്റ് 101 നിര്‍മിച്ചെടുത്തത്.