മോജോ അടുത്തമാസം വിപണി പിടിക്കുമെന്ന്!

ഡിസൈനിൽ നിരവധി പരീക്ഷണങ്ങളും പുതുക്കിപ്പണിയലുകളും നടത്തിയിട്ടുണ്ട് മോജോയിൽ ഇതിനകം. ആരാധകരുടെയും മാധ്യമങ്ങളുടെയുമെല്ലാം വിമർശനങ്ങളെ ഗൗരവത്തോടെ കണക്കിലെടുത്തിട്ടുണ്ട് മഹീന്ദ്ര.

മോജോ ഒരു ടൂറിങ് ബൈക്ക് ആയിരിക്കുമെന്നാണ് ഊഹിക്കേണ്ടത്. സമാന ശേഷിയുള്ള എൻജിനുകൾ ചേർത്തിട്ടുള്ള കെടിഎം തുടങ്ങിയ ബൈക്കുകളെപ്പോലെ അത്രകണ്ട് ക്വിക്കല്ല മോജോയെന്ന് വാഹനം ടെസ്റ്റ് ചെയ്യുന്നത് കണ്ടിട്ടുള്ളവർ പലരും സൂചിപ്പിക്കുന്നുണ്ട്. കൂടാതെ ഡിസൈൻ സവിശേഷതകളും ഇതൊരു പെർപോമൻസ് ബൈക്കല്ലെന്ന് വിളിച്ചുപറയുന്നുണ്ട്.

292സിസി ശേഷിയുള്ള സിംഗിൾ സിലിണ്ടർ എൻജിനാണ് ഈ ബൈക്കിലുള്ളത്. വാഹനത്തിന്റെ പരമാവധി കരുത്ത് 25.8 കുതിരശക്തിയാണ്.

മഹീന്ദ്രയുടെ ഈ എന്‍ട്രി ലെവല്‍ സ്‌പോര്‍ട്‌സ് ബൈക്ക് 2014 ഓട്ടോ എക്‌സ്‌പോയിലാണ് അവതരിപ്പിക്കപ്പെട്ടത്. വന്‍തോതിലുള്ള ഗവേഷണപരിശ്രമൾക്കു ശേഷമാണ് മോജോ നിർമിക്കപ്പെട്ടത്.

മോട്ടോജിപിയില്‍ പങ്കെടുത്തതില്‍ നിന്നുള്ള മഹീന്ദ്രയുടെ സാങ്കേതികപരിചയം മോജോയുടെ നിര്‍മാണത്തിന് മഹീന്ദ്രയെ ഏറെ സഹായിച്ചിട്ടുണ്ട്. പൂര്‍ണമായും ഇന്ത്യയില്‍ ഡിസൈന്‍ ചെയ്ത് നിര്‍മിച്ചിട്ടുള്ളതാണ് മോജോ.

സ്‌പോര്‍ട്‌സ് ലിവറിയിലുള്ള മഹീന്ദ്ര മോജോ മോഡലുകള്‍ വില്‍പനയ്ക്ക് വരുമെന്നാണ് കേള്‍ക്കുന്നത്.