പുത്തൻ ബജാജ് ബ്രാന്റ് ഡോമിനാറിന്റെ മൈക്രോസൈറ്റ് ലോഞ്ച്..

ഇപ്പോൾ കമ്പനി ഡോമിനാറിനു വേണ്ടിയുള്ള പുതിയ വെബ്‌സൈറ്റും സോഷ്യൽ മീഡയ വഴിയുള്ള പ്രചരണവുമാരംഭിച്ചു കഴിഞ്ഞു.കൂടുതൽ വിവരങ്ങൾക്ക് ഈ സൈറ്റ് സന്ദർശിക്കാവുന്നതാണ് http://www.bajajauto.com/BajajDominar/Dominar400/

ബജാജ് ഇതുവരെ നിർമിച്ചതിൽ ഏറ്റവും കരുത്തേറിയ ബൈക്കാണ് ഡോമിനാർ. 15 വർഷത്തോളം നീണ്ടുനിന്ന പൾസർ ബ്രാന്റിന്റെ ആധ്യപത്യത്തിനൊടുവിൽ പുതിയൊരു ബ്രാന്റ് ഉദയം ചെയ്തിരിക്കുന്നു.

മുൻപ് ഗ്രീക്ക് മിത്തോളജിയിലെ ശക്തിയുടെ ദേവനായ ക്രാറ്റോസ് എന്ന പേരിലായിരിക്കും പുതിയ 400സിസി ക്രൂസർ ബൈക്ക് അവതരിക്കുക എന്നറിയിച്ചിരുന്നുവെങ്കിലും പിന്നീട് ഡോമിനാർ എന്ന പേരു ഔദ്യോഗികമായി പ്രഖ്യാപിക്കുകയായിരുന്നു.

പുതിയ ബ്രാന്റിന്റെ പേരു പ്രഖ്യാപനത്തിൽ ഇരുചക്രവാഹന പ്രേമികൾ ആകാംക്ഷാഭരിതരായിരുന്നുവെന്നാണ് ബജാജ് ഓട്ടോ ലിമിറ്റഡിന്റെ പ്രസിണ്ടന്റ് എറിക് വാസ് അറിയച്ചത്.

ഇതിനകം തന്നെ ബൈക്ക് പ്രേമികൾക്കിടയിൽ ഒരു കൗതുകം സൃഷ്ടിക്കുന്നതിൽ ഈ കരുത്തൻ വിജയിച്ചുവെന്നും എറിക് വ്യക്തമാക്കി. അതുകൊണ്ടു തന്നെ ഒരു വിപ്ലവകരമായ മാറ്റം സൃഷ്ടിക്കാൻ ഡോമിനാറിന് കഴിയുമെന്ന ഉറച്ച വിശ്വാസത്തിലാണ് എറിക്.

പൾസർ ബ്രാന്റിനു മുകളിൽ ഇടംതേടുന്ന ഡോമിനറിൽ നിന്നുള്ള ആദ്യ മോഡലായ ഡോമിനർ 400 നവംബർ 18 നായിരുന്നു ചക്കൻ പ്ലാന്റിൽ നിന്നു പുറത്തിറങ്ങിയത്.

കെടിഎം ഡ്യൂക്ക് 390ൽ നിന്നും കടമെടുത്തിട്ടുള്ള 373സിസി ലിക്വിഡ് കൂൾഡ് ഫോർ വാൾവ് ഫ്യുവൽ ഇൻഞ്ചെക്റ്റഡ് ഡിടിഎസ്-ഐ എൻജിനാണ് ഡോമിനാറിന് കരുത്തു പകരുന്നത്.

30 മുതൽ 40 വരെ ബിഎച്ച്പി കരുത്ത് സൃഷ്ടിക്കാൻ ഈ എൻജിനുസാധിക്കുമെന്നാണ് പ്രതീക്ഷ.എൻജിനിൽ 6 സ്പീഡ് മാനുവൽ ഗിയർബോക്സായിരിക്കും ഉണ്ടാവുക.

റോയൽ എൻഫീൽഡ്, മഹീന്ദ്ര മോജോ എന്നീ ബൈക്കുകളെ വെല്ലാൻ നിരത്തിലെത്തുന്ന ഡോമിനാറിന് ഒന്നര ലക്ഷത്തോളമായിരിക്കും വിപണി വില.

വിപണി പ്രതീക്ഷിച്ച് പുതിയ ബജാജ് വി12

പുതുക്കിയ മൂന്ന് പൾസർ മോഡലുകളുമായി ബജാജ്