യുവാക്കളെ ഹരംകൊള്ളിക്കാൻ അപ്രീലിയ എസ്ആർ-150

പ്രമുഖ ഇറ്റാലിയൻ ഇരുചക്രവാഹന നിർമാതാവായ പ്യാജിയോ സ്കൂട്ടറിന്റേയും ബൈക്കിന്റേയും സവിശേഷതകളടങ്ങിയ 'അപ്രീലിയ എസ്ആർ-150' ക്രോസ്ഓവറിനെ ഓട്ടോഎക്സ്പോയിൽ അവതരിപ്പിച്ചു. ബൈക്കിലുള്ളത് പോലുള്ള 14ഇഞ്ച് വീലുകളും സ്കൂട്ടറിലുള്ള ഓട്ടോമാറ്റിക് ഗിയറുമാണ് ഈ സ്കൂട്ടറിൽ ഉപയോഗിച്ചിട്ടുള്ളത്. യുവതലമുറയെ ആകർഷിക്കാനാണ് ബൈക്കും സ്കൂട്ടറും സംയോജിപ്പിച്ചുള്ള ഈ പുത്തൻ മോഡലിന് രൂപം നൽകിയിരിക്കുന്നത്.

150സിസി എൻജിനുള്ള ഈ സ്കൂട്ടറിൽ ഓട്ടോമാറ്റിക് ട്രാൻസ്മിഷനാണ് ഉൾപ്പെടുത്തിയിരിക്കുന്നത്. ടെലസ്കോപിക് ഫ്രണ്ട് ഫോർക്കുകളും ബൈക്കിലേതു പോലുള്ള റിയർ ഷോക്കുമാണ് ഈ ക്രോസ്ഓവറിൽ നൽകിയിട്ടുള്ളത്. മുന്നിൽ 220എംഎം ഡിസ്ക് ബ്രേക്കുകളും പിന്നിൽ 140എംഎം ഡ്രം ബ്രേക്കുകളും ഘടിപ്പിച്ചിരിക്കുന്നു.

മുൻഭാഗം ബൈക്കിനേയും പിൻവശം സ്കൂട്ടറിനേയും അനുസ്മരിപ്പിക്കുന്ന ഒരു ഡിസൈനാണ് അപ്രീലിയയ്ക്ക് നൽകിയിരിക്കുന്നത്.